سؤالي للي عندهم اكثر من ولد ،،
انا توني حامل بالاشهر الاولى بدون تخطيط على بنتي الاولى اللي عمرها احين سنة وشهرين تقريبا ،، والحمدلله ،،
اللي صاير انها ترضع طبيعي بس ،، يعني ماترضى تاخذ المرضعة او الحليب الصناعي ،، واحين هي معتمدة على الحليب الطبيعي بس ،، ولا تبي غيره وهالايام احسها متعلقة فينا بزيادة ،، وافكر اني افطمها ،، لاني ما بقدر اتابع وياها الرضاعة ،، وشهر رمضان جاي حمل ورضاعة بروح فيها ،، فاللي مر بمثل هالتجربة او عنده خبرة يا ليتها تفيدني شنو اسوي وياها ؟؟
وشكرا ،،
بس لازم تفطمي ابنتك لان مو زين الرضاعة مع الحمل
بس المشكلة بنتك مثل ابني ما يرضع بالرضاعة يريد فقط حليب صدري
ان شاء الله الاخوات الي عدهم خبرة يساعدوكي
تحياتي
ثاني شي بنتج الحين كملت سنه يعني ما قاعده تستفيد من حليبج الأكل افود واحسن لهااا
عوديها شوي شوي ع الأكل وفطميهاااااااا علشان صحتج وصحتهااااااااا
اهم بها السن يزيد تعلقهم با الأم ويرفضون الأكل بس لما تفطمينها بتحسين كل شي تغير
صح ان الفطام صعب ع الأم والطفل بس لا بد منه
 |
اقتباس |  |
 |
المشاركة الأساسية كتبها && شهوده &&  |
 |
 |
| حبيبتي اول شي الله يتتم لج خير ويقومج با السلامه
ثاني شي بنتج الحين كملت سنه يعني ما قاعده تستفيد من حليبج الأكل افود واحسن لهااا عوديها شوي شوي ع الأكل وفطميهاااااااا علشان صحتج وصحتهااااااااا اهم بها السن يزيد تعلقهم با الأم ويرفضون الأكل بس لما تفطمينها بتحسين كل شي تغير صح ان الفطام صعب ع الأم والطفل بس لا بد منه |
||
 |
 |
رايي من رايي شهوده
حاولي تفطميها وعوضيها بالاكل وبالكالسيوم من الأجبان والألبان
وروب اعطيها الجهال يحبوووووه
والله يسهل عليش
مرة ثانيةولدي الثاني حملت عليه وعمره سنة و3شهور وكان ما ياخذ صناعي تعبت حمل وفطام وسهر لكن بعدين حمدت ربي لاني ماعطيته صناعي لاني كنت بفطمه مرتين
نصيحة بتتعبي وياها ادري مع الحمل ومجربه وضعش مرتين لا تحاولي تعطيها صناعي
انا كنت ما انيم ولدي طول النهار والمغرب اذا جاء زوجي من العمل يكون ولدي دايخ يحطه على
كتفه لين ينام وصار ينام 9 الساعة 12 يقوم بيرضع اخذه وادور به لين يقتنع مافي رضاعة يكسر
خاطري بس لا تضعفي وتفطمي شوي وترجعي ترضعيها استمري خلال 4 ايام فطمته وخلاص
بس صار كله يشرب ماي
الله يساعدش ويقومش بالسلامة
وخيو رابنزول يعني بنتي ما ترضى تشرب اي حليب ثاني وما ابي ارجع وياها مرة ثانية للمرضعة والحليب الصناعي للأطفال ،، كنت ابي اعطيها مراعي او نيدو وبالكوب ،، بس مثل ما قلتي انها تبي ترضع اكثر شي في الليل وهي تقعد مخصوص للرضاعة كل 3 ساعات ،، ولو دوختها وما نامت الظهر بتنام ليي الساعة 7 المغرب ،، وهي تكسر خاطري تجي تحط راسها بصدري وتصييييح من راسها !!
يالله هو المستعان بحاول اقلل رضاعتها بالليل بالتدريج ومشكورين مرة ثانية
وتحس الام انها مذنبة مادري ليش