شحاالكم يالطيبيين
اليوم ابى اكلمكم في ساالفه بصرااحه وايد شاغله باالي .. دوم انا وربيعاتي نسولف عن هالموضوع ( متفيجااات لوووووووول )
.. كناانقوول شو احسن للبنت لو ياها نصيبها .. تعرس بعد الثانويه ولا تنتظر الين ما تتخرج من الجامعه ؟؟
نحن عدنا ( اقصد في الخلييج وخاصة في الامارات ) عااادي البنت تعرس بعد الثانويه على طول .. وطبعا يا انها تكمل دراستها الجامعيه وهيه معرسه او انها توقف درااسه
الحيينه لو مثلا البنت ياها نصيبها وعرست بعد الثانويه .. ووقفت دراستها ولا كملت جامعه ؟؟ بتندم على انها عرست ؟؟
ولو كملت دراستها وهيه معرسه ؟؟ ما بيكون تعب علييها .. خاصة لو حملت وصار عندها عيال ؟؟
يعني بيت وريل وعيال وفوق هذا دراسه ؟؟
دايما افكر في هالموضوع لو ياني نصيبي بعد الثانويه .. شو احسن اوافق ولا اكمل دارستيه الجامعيه وبعدين اعرس .. وشو يضمني انه بعد ما اتخرج اعرس .. يمكن ما اعرس وبعديين اقول ليتني عرست يوم ياني نصييبي هههههههههه
اهلي عاادي عندهم يبون الفكاك ههههههههه لا امزح .. يعني امايه تقول عادي تعرسين وتكملين دراستج ؟؟ وعااد اتم تخبرني عن عمرها :gum: تقول : انا عرست وانا في الاعداديه ويبتكم وكملت دراستيه الجامعيه ومع هذا رمت اعطي كل شي حقه .. رببيتكك ودرستكم ودرست عمري
يااااااااااااااااسلاااام وانا شو يخصنيه في كل هذا انا ابصم بالعشره اني ما اروم اسوي مثل امايه ..
كييف ادرس واييب عيال واجابل بيت وريل ؟؟ ما يستوي .. يا ادرس يا اعرس .. وحده من الثنتين
حلو انه نعيش كل مرحله من عمرنا .. ليش نختصر المراحل …
ولا انتو شو رايكم ؟؟
بنفسوجة
هالامور قسمه ونصيــب متى ماجاج نصيبج مااااتقدريييييييين تردينه ….
يعني نفرض خلصتي ثانويه وتزوجتي على طول …. دخلي الجامعه واستحملي واايد بنات حملوا وجابوا عيال وهم يدرسون لاتقولين ماروم ( فديتني اعرف اماراتي:gum: ) … خذي عدد ساعات قليله في الجامعــه ولاتضغطين على عمرج ومتى ماخلصتي بتخلصين مب شرط تكملين الجامعه بسرعــه ……. اهم شي مستقبلج لاتفرطين بدراااستج عشان زواج ولاتفرطين بالزواج والرجال الزين عشان دراســه … خلي تفكيرج انج تكونين موازنــه بين الاموور…….وانشالله البنات الي لهم تجارب يفيدووونج
يابنفسوووجه >> عجبني الاسم
انا نظرتي وتفكيري بصراحه غير
اشوف ان البنت اذا تزوجت من بعد الثانويه وكملت دراستها افضل بكثير من انها تترك الدراسه بعد الزواج
ميخالف تضغط على نفسها وتدرس وهي متزوجه ولاتقعد بدون شهاده
وبنفس الوقت اذا جاها نصيبها بعد الثانويه ماترده عشان بس تكمل دراستها
الزواج والدراسه لابد منهم لذلك حلو ان الوحده ترتب امورها وتوفق مابين الزواج والدراسه
بس انا اللي مستغربته ليه بعض البنات يصعبون الزواج والدراسه بنفس الوقت ؟؟
عادي شفيها اذا البنت متزوجه وتكمل تعليمها وين الصعب فيه الحياة الزوجيه
عاد مو لهدرجه حكره واللي تتزوج مو معناتها ماتقدر تدرس ترا الواقع غير وفيه متزوجات عندهم وقت فراغ كبير يعني مو اغلب الايام تكون مشغوله
وبالتوفيق يارب
هي صح السالفة سالفة نصيب .. بس بعد الواحد يفكر يعني ما اروم امنع نفسي من التفكير
يوم الخميس حضرت عرس لبنت عمرها بين ال16 وال17 سنه .. يعني بعدها حتى ما خلصت ثانويه ؟؟ :qaq: عشوو مستعيله ؟؟ ما ادري
تبين الصدق .. يوم ييت اسوي مقارنه بين الاثنين <<<<<<<<<<<<بعد سوت مقارنه خخخخخ
لقيت انه كل واحد منهم له ايجابيات وسلبيات
حلو انه الوحده تعرس في سن 17 و 18 سنه وهذا له ايجابيات حلوه
وبعد حلو انها تعيش حياة العزوبية ويوم توصل لسن ال24 25 تعرس ..
صراحه شي يعور الراس .. وبعديين ارد واقوول اللي الله كاتبه يصيير
وبعد خمس دقايق من هالكلام ارد افكر في نفس الموضوع هههههههههههه
 |
اقتباس |  |
 |
| اهم شي مستقبلج لاتفرطين بدراااستج عشان زواج ولاتفرطين بالزواج والرجال الزين عشان دراســه … خلي تفكيرج انج تكونين موازنــه بين الاموور | ||
 |
 |
عيبني هالكلام ..
تشكراات حبوبه عمروورج
بنفسوجة ( اذا تبين النك نييم يفداااج .. :shy: واااصل )
انا بالنسبة لي تقدموا لي كذا واحد بس رفضت بحجة الدراسة بس يعني اللي تقدموا لي ماكانوا مايتفوتون خخخخ وأنا من النوع اللي ما ادرس الا ليلة الامتحان وافكر الحين شلون بدرس وانا معرسه وخصوصا ان كل صديقاتي والبنات اللي اعرفهم اللي معرسات تزوجوا وعقب شهر واحد حملوا وصار عليهم ضغط الدراسة والحمل والتعب واللي انسحبت فصل كامل واللي صار عليها مقررات تعيدهم وسالفه
بس اعتقد هو يعتمد على كل شخص ومايصير الوحده ماتتزوج عشان الدراسه او تتزوج وماتدرس لان في هالايام مافي شي بينفع الوحده الا شهادتها بعدين الوحده ماتدري وش بيصير في المستقبل فمثلا اذا مانجح الزواج أو شي جذي وتمت هي وعيالها وش بتسوي بعدين وهي لا دراسه ولا شهادة ولا شي..
وانا ان شاء الله ناوية بعد ما اتخرج اني بعد اكمل دراستي عشان جذي ابي واحد يحب الدراسة خخخخخ على الاقل يتفهم شوي
وبعدين اعتقد الزواج في آخر سنة جامعه (مثلي يعني) بيكون صعب شوي لان الوحده تحتاج تفرغ تااام للدراسة لان خلاص مابقى شي بس بعد اذا يانا النصيب وش نسوي
وتقبلوا تحياتي :dd:
انا مع اسوورة
انا تزوجت بلثانوي والحين بس بكمل السنه الاخيره
وان شاء الله اذا رديت البلاد بكمل درااستي 
ترا الزوااااااج مايأثر
ممكن اقول رأيي بالموضوع !!
ماراح أزيد عاللي تفضلوا به الأخوات الكريمات من قبلي، ومثل ما قالوا الزواج قسمة ونصيب وانتي اختي بنفسجة من يقرر، اذا شفتي نفسج من النوع اللي يقدر يتحمل الزواج والدراسة الجامعية مع بعض فتوكلي على الله واستعيني بالصبر، واذا كنتي من النوع اللي مايقدر يركز إلا على شيء واحد فأنا شخصياً أنصحج بالزواج لأنه أولى من الدراسة الجامعية…
في أي وقت تقدري تدخلي الجامعة وتكملي دراستج، حتى لو كان عندج يهال، في شيء اسمه تنظيم نسل وكل مولود يجي عقب اللي قبله بسنتين او ثلاثه .. صحيح الأمر بإيد الله .. لكن الله عطانا الفرصة إننا نتحكم و ننظم حياتنا .. صح !!!
في نقطة ثانية ودّي اثيرها !!
وايد ناس يركزوا على الدراسة الجامعية وكأنها نهاية الدنيا، ليش ما تأسسين منتدى شعري للفتيات ويكون لج السبق فيه كونج شاعرة ، طبعا انا ماقصد منتدى على النت ، اقصد منتدى او مركز يكون على أرض الواقع وتكوني انتي المسؤولة عنه وبكذا راح يكون لج مجال تقضي به وقت الفراغ وكذلك شيء تفخرين به، أو يكون لج مشروع تجاري خاص !!!
شكلي تطرقت لأمور وايد بعيدة !!!
اتمنى يكون ردي مفيد و اتمنى لج التوفيق في كل حياتج وفي كل المجالات
تحيتي
|
اقتباس | |
 |
المشاركة الأساسية كتبها اسيرة قلبه |  |
|
| انا نظرتي وتفكيري بصراحه غير اشوف ان البنت اذا تزوجت من بعد الثانويه وكملت دراستها افضل بكثير من انها تترك الدراسه بعد الزواج ميخالف تضغط على نفسها وتدرس وهي متزوجه ولاتقعد بدون شهاده وبنفس الوقت اذا جاها نصيبها بعد الثانويه ماترده عشان بس تكمل دراستها الزواج والدراسه لابد منهم لذلك حلو ان الوحده ترتب امورها وتوفق مابين الزواج والدراسه بس انا اللي مستغربته ليه بعض البنات يصعبون الزواج والدراسه بنفس الوقت ؟؟ عادي شفيها اذا البنت متزوجه وتكمل تعليمها وين الصعب فيه الحياة الزوجيه عاد مو لهدرجه حكره واللي تتزوج مو معناتها ماتقدر تدرس ترا الواقع غير وفيه متزوجات عندهم وقت فراغ كبير يعني مو اغلب الايام تكون مشغوله وبالتوفيق يارب |
||
|
|
تدرين شو المشكله
شوفي هو يمكن على حسب البنت اذا البنت تقدر انها توفق بين الشيئين .. شي حلوو
لكن اذا كانت ما تقدر .. يعني بتهتم في شي منهم على حساب الثاني ؟؟ مايصيير
وبعديين اذا قصرت في حق ريلها عادي يقولها خلي الدراسه .. وانتو تدرون انه الشهاده ضروريه ؟؟
اذا الحرمه خلال فترة دراستها ما بتييب عيال هنييه ماشي مشكله .. لكن اذا يابت عياال هنييه مشكله .. ما بتروم تحك رسها ..
على العموم وجهة نظرج احترمها وااايد
وتشكرات واايد عمرورج الطيب
بنفسوجة
انا من رايي الشهاده مهمه " هي بتكون سلاحج في الحياه "
والزواج قسمه ونصيب وحتى لو تزوجي كملي درااستك
والله يوفقك يااارب
بس تذكري الدراسه والشهاااده مهمه جداا حتى في تربية الاولاد
يا اختي انا كنت ارفض عرسان بلاوي بحجة التعليم وصدقيني تعب على الفاضي ونفسية مثل الزفت وخاصة انه عالم الجامعات مختلط والشباب بحبو يلعبو على البنات ويحرقوا اعصابهم والبنت بتكون كل همها تلاقي انسان تحبه ويتزوجها رسمي من اهلها … انا الحمدلله خطبت بعد التخرج مباشرة ونصيبي انسان خلوق وطيب ومحب وعقبال العزاب…
والحمدلله والفضل لتربية الوالد كنت بعرف انه الشباب مالهم امان قبل الجامعة وكنت قد حالي ولكن صدقيني بتصير اشياء كلها حرق اعصاب واغلب البنات مهما كانت متربية تنجر في فخ الحب والعاطفة وتعاني من نفسية تعبانة…
فأحسن شيء الزواج والستر ..
كل صديقاتي عانوا في الجامعة من قصص عاطفية مو بس فاشلة ولكن مدمرة كمان وأثرت على حياتهم بعد التخرج وبعد الزواج…