كيف اصبحتم ان شاء الله دايم بخير وعافية……………. هذا اول موضوع اشارك فيه فاتمنى التجاوب الفعال منكم يا حلوات عشان نستفيد من بعض بإذن الله……
نبدأ الموضوع:
الزعل بين الزوجين موضوع وارد عند الجميع والبعض يقول انه ملح الحياة!! يا مررررررررره!!:down:
المهم………….
موضوعي هو عباره عن مجموعة اسئلة تتعلق بتجاربكم في هذا المجال ومثل ما قلت للاستفادة من بعض…
السؤال الاول: ما هو معدل المرات اللي تزعلين فيها مع زوجك (في اليوم..؟ في الاسبوع..؟ في الشهر..؟ في السنة!!!؟ )
السؤال الثاني: ما هي اسباب الزعل واسباب التصادم ( السهر ..؟ الاهمال..؟ الشك..؟ الحساسية الزائدة..؟ الاختلاف في الرأي..؟ الخ..)
السؤال الثالث: كيفية ابداء الزعل من طرفك.. بمعنى ثاني مظاهر الزعل عندك ( سكوت..؟ بكاء..؟ اهمال..؟ عناد..؟ كلمات..؟ نظرات… الخ……..!)
السؤال الرابع: كم يستمر الزعل من بينكم ( ساعات.. ايام.. اسابيع..!!!!!!!!! )
السؤال الخامس: كيفية بدء عملية التراضي –مع تحديد من اي طرف يبدء التراضي- (نظرة..؟ ابتسامة..؟ كلمة..؟ بوسه ..؟ ضمة..؟ رسالة..؟ مسج..؟ الخ…)(r)
السؤال السادس: ما الذي يدفعك لبدء عملية التراضي –حتى لو كنتي مقتنعة بانك انتي مش غلطانة؟
في انتظار مشاركتكم …………. وسلااااااااامتكم
خاصة بعد الزعل ويوم الازواج يراضون بعض الشعووور يكوون حلوووو والحب يزيد اكثر واكثر
2
انا حياتي مع زوجي حاليا .. خطوبة ممددة ،، يعني صارلنا سنة مالكين و مخطوبين ،، وتزوجنا من ثلاث اشهر تقريبا ،، قبل ما كنت موافقة على الارتباط .. لاني ابي اكمل دراستي و اثبت ذاتي .. وعشان جي عايشين خطوبة ممددة مثل ما اسميها
مشاكلنا اغلبها بسبب .. ان اهو رومانسي وااايد .. و انا جدية (( وارفض تقربه مني بسبب الخجل )) لاني عن جد مو متعودة على هالوضع ..
زين .. جوابي على سؤالج الأول .. معدل الزعل .. امم its depend >> يعتمد .. ساعات في اليوم مرة .. او في الاسبوع مرة او مرتين
امم اسباب الزعل .. مثل ما قلت.. جديتي المفرطة و رومانسيته >> يعني التناقض
شلون ابين له الزعل ؟ … بنظرات اكثر شي و العناد الوااااضح .. مثلا .. اهو ايي يقعد بنفس الكنبة اللي قاعدة عليها قريب مني .. اقوم من مكاني لمكان ثاني ابعد ،، او على الغدا .. يعرفني احب السلطة يقرب الصحن مني اقول له ما ابي … يعنييييي مثل اليهال ههه
جم يدوم الزعل بينا …؟؟ اممم دقايق .. واذا كللش .. ساعات
* شلون يتم التراضي و من اللي يبدا …. في اكثر الاوقات اهو (( بوسة او رسالة)) .. و انا من خلال مسج او ابتسامة اغلب الاوقات
* شنو اللي يدفعني اراضيه ؟ اهو .. يكسر خاااطري ههه
مشكوورة اختي على هالموضوع
ونشوووف تجارب الاخواات
تسلمين حبيبتي عالرد .. بس والله الزعل يعور القلب مرات خاصة اذا طال… عذااااااااااب هههههه 😥
بس ما جاوبتي على الاسئلة يالله انتظر ردك ان شاءالله
حرااااام عليك يا مفترية اتعذبين زوجج هههههههههه
2
حلو انه الوحده تتدلع شوي على ريلها بالزعل بس الخوف انه الملل يدخل في هذي الناحية و يصير الحبيب بعدها يطنش!!
شو الحل بيكون ساعتها؟! :think:
تسلمين الغالية على الرد.. الله يديم المحبة والحنان من بينكم
وان شا الله يستفيدون منه المعرسات
وعقبالنا طبعا مب الزعل الافراح ههههه2
lina love
:think:
ترى الجدية الزايدة مب زينه حلو مرة تكونين جدية ومرة رومانسية ياعسل :flower:
والله يوفقج حبيبتي دنيا وآخرة
والف شكر الى صاحبة الموضوع العسوله :flower:
موفقه دنيا وآخرة
عزيزتي ود الإمارات موضوعك حلو أتمنى من العضوات التفاعل ليستفيد الكل
أما بالنسبة لي صار لي متزوجة 12 سنه وبصراحة الزعل مالة وقت معين أحيانا تصير ظروف تخلينا نزعل من بعض
لكن الحمد لله مو يومي ولاحتى أسبوعي وأحيانا تكون الأسباب تافهة ماتستحق الزعل وأحيانا لا…… يعني مثلا يكون عشان الأولاد إذا حسيت إنه قسى عليهم أزعل أو ضرب احد فيهم وساعات هو يكون حساس جدا من أمور مايخطر على بالي إنه ممكن يزعل منها
وإحنا طبعنا الإثنين الصمت الرهيب وقت الزعل لكن أنا ما أتحمل يمر يوم نكون زعلانين فيه لأني أتنكد وأنكد على عيالي أفضل انهي الزعل بسرعة ممكن أخليها يومين لكن مو أكثر
ساعات اكون غلطانة وساعات لا ولو هوغلطان أجلس مع نفسي وأتذكر محاسنه وأحن عليه وأراضيه( لكن طبعا مو دايما )خاصة إنه حنون ومو مقصر بشي
والمراضاة ممكن تكون بكلمة والحمد لله كلنا نرضى بسرعة وساعات اكتب مسج وطرق الحريم ياكثرها والوحدة فينا دايما تسعى تكون حياتها هادئة والمشاكل ماوراها إلا وجع الراس……….ودمـــــــتم
المشاكل بين الزوجين واردة وباستمرار وهذا طبيعي
احيانا تكون كل اسبوع والأسباب كثيرة
أنا اكثر مشاكلي سهره برى البيت
وإذا زعلت أسكت مررررررررررررره الين يحس بغلطته
اما حكاية اصالحه حتى لو كان هو الغلطان اعتبرها شي ضروري في بعض
الحالات …ولتستمر الحياة وكنوع من التنازل
شكرا لك على الموضوع
صباحك مسك وورد عزيزتي…
مشكوره على مرورك وعقبال ما اتلاقين ولد الحلال اللي يدلعك وما يزعلك ابد:no:
قولي آمين لا تستحين ههههه2
اشكركم حبايبي على مشاركتكم الفعالة لموضوعي…
وبالفعل مثل ما قلتوا التنازل مطلوب وضروري خاصة من صوب الزوجة من اجل تمشي الحياة بلا تعقيدات ونكد!!
بس مو ملاحظين شي معاي؟ :think:
العناد عامل اساسي في استمرار الزعل .. واكيد كلكم عارفين ان المرأة تعاند واتناكد زوجها كمحاولة يائسة منها للفت انتباهه لها وليعطيها الاهتمام اللي هيه تتمناه مع العلم انه التجربة المكررة اتأكد انه هذي الطريقة مش فعالة..
الشيطان شاطر مثل ما يقولون ولو اننا جميعنا نتبع سنة رسولنا و الوحده منا ما اتبات وزوجها زعلان منها واتراضيه ولو بمسكة يد كنا بنوفر كثير من التعب وعوار القلب والراس.. بس المشكله هي العناد والكبر يعني بمعنى ثاني الشيطان اعوذ بالله منه:no:
الله يوفقنا كلنا اننا نكون كما يحب الله ورسوله
تسلمون حبايبي واتمنى من البقية المشاركة:clap: