بصراحه انا متعجبه من كثير من الزوجات الي إذا تزوج عليها زوجها
قامت تدلع فيه وتركض له لييييييييييييييييييييييييييييييييييييش !!!
ومافقع قلبي الا هالمسيار 😡
بنات انتم شرايكم في الزواج الثاني وخصوصا المسيار
وكيف راح تكون ردود افعالكم اذا انحطيتوا في مثل هالوضع الله لا يقوله
بالنسبه لي انا ماراح اتحمل (u)على طوووووووووووووووول
إهي إهي إهي بضف عفشي وبرح
لأهلي والا تدرون بروح لاهلي واخليه هو الي يضف عفشي علشان يأنبه
ضميره
<<<<<<مسكينه ماقدرت الاعلى هالشي
بأنتظار آرائكم.
السلام عليكم ورحمة الله وبركاته
اهلاً بك اختي الرشيقة
موضوعك حيوي وحساس جداً ..
اتمنى لو اجد تفاعل من الأخوات وابداء ارائهن في الموضوع ..
وياليت في من الأخوات مرت بالتجربه تذكر ولو شيئاً منها ..
تقبلي تقديري واحترامي ..
الف شكر لك حبيبتي على تعطيرك للموضوع بمرورك
وانا متأكده بعد مرورك راح ينتعش الموضوع
وماكتبت هالموضوع إلى لانه موضوع حساس وحيوي
واتمنى من جميع الاخوات المشاركه وطرح الآراء
يالله بنات والله مشتاقه اشوف ردود افعالكم
مع تمنياتي لكل زوجه انها تكون تأج فوق راس زوجها ومايتزوج عليها
آآآآآآآآآآآآآآآآآآآمين يارب
لايجوز الاعتراض على التعدد
ليس لازم ان يكون هناك اسباب وهذه نظره خاطئة جدا هذه نظرة الناس
العوام ونظرة المجتمع بصفه عامة بس بإمكان المرأة ان تضع حدود لهذه
النظرة وعدم تقبلها من الآخرين وذلك بعدم الانصات ما يقوله الناس ،
وتقف كل شخص عند حده ، وعدم التدخل في حياتها طالما هي مقتنعة
بالتعدد .
قد تكون المرأة مقتنعة بالتعدد لكن تدخل الاشخاص والأقارب حتى الأم
يجعلها تعيش في جحيم وتبدأ الغيرة تشتعل في نفسها .
و .
وأرى في التعدد مصلحة للجميع وان كانت صعبة بالنسبة للزوجة الأولى
لكن كل شيء يذهب مع مرور الأيام ، واللجوء الى الله
والزوج له دور كبير في تحقيق حياة سعيدة بعدله وانصافه وعدم الميل لزوجه معينه وإن كان حب كل واحدة تختلف عن الأخرى ولكن يجب عليه أن لايوضح ذلك في معاملته .
فمتى تصرف الرجل بحكمة ويعرف ماله وماعليه تتحقق السعادة ويسود التفاهم
والرجل هو السبب الرئيسي في ان تحب كل واحدة الاخرى ويبعد الغيرة من قلوبهن ويحد من وطاتها على نفوسهن .
ماقلتيه كلام سليم ونعوذ بالله ان نعترض على شي احله الله واباحه
وقدكتبت هذا الموضوع لمعرفه ردود الافعال عند اول وهله
تتلقى فيها الزوجه خبر زواج زوجها فقط لاغير وهذا من باب الدردشه
شاكره لك مرورك الكريم
اختي الرشيقه
موضووعك شيق جداً بس غريبه ماردوا البنات شكلهم كلهم متزوجين مسيار
<<<<<<مابعد تزوجت بس بترد على الموضوع:o
اما بالنسبه لموضوعك
ان الواحد يتزوج زوجه ثانيه وبدون سبب اشوف ان ماله داعي
صح مانعترض على حكم الله بس الله سبحانه وتعالى قال(وان خفتم الا تعدلوا فواحده او ماملكت ايمانكم)
وبصراحه ومن خلال تجارب كثيره اثبتت ان الرجال في اغلب الحالات لايعدل بين نسائه
لذلك ليش يعرض نفسه في الدنيا للهم والشقى والخلافات والمسؤليه والمصاريف والهم والغم
وفي الاخره يحمل نفسه للعذاب والعقاب!!!!
المفروض الواحد ربي انعم عليه بكل شيء وعطاه زوجه مطيعه ومافيه عيوب ولا عنده سبب واحد مقنع للزواج انه مايتزوج
ويتفرغ في هالدنيا للعباده والطاعه ويدعي ربه انه يرزقه الجنه وباذن الله يعطيه ربه زوجه ولا في الحلم كان يحلم فيها
واما في الدنيا يريح مخه وجيبه
اما اذا كان هناك سبب مقنع فالوحده تستسلم لقضاء الله وقدره وقبلها تدعي ربها انه مايتزوج وان تزوج فعادي تصيح شوي وتسكت
واما سالفه اني اروح عنه لبيت اهلي والله مااسويها 😡
تبينها تستانس معه لاحبيبتي
الا من اول يوم يتزوج فيه وانا معاد اكل شيء واسكر علي باب الغرفه ولا اتكلم لمده شهر علشان يجلس يتذكر اني بهالحاله وهو مع زوجته الثانيه في شهر البصل 😡 ولايستانس
<<<<<<<افكار 😎
وبعدها الا بدلعه وبروكض له على قولتك
اجل تبنها تلحس عقله عني
معصي الا بصير احسن منها واكشخ منها واجمل منها وبلبس على الموضه وبهبل به من كشختي علشان اقهرها وهو يتحسف انه استعجل
وفتح بيتين كل واحد منهم يبي مصاريف كثيره (عاد هذي اللي تقص ظهور الرجال )وهو ماكان له داعي للشيء هذا
والشيء اللي بسويه
اني مارراح احرم نفسي من اي شيء مثل اول ارحمه لو بغيت شيء غالي ولا مشوار بعيد
وماراح اخلي السائق يوديني لا ابيه هو علشان يتعب مني واذا راح لها وقالت عطني ولا ودني ينقهررررررمنها ويقول الله يقطع اللي يجمع الحريم
اما سالفه المسياررر انا ارفضها بكل قوتي وفيه بعض المشايخ حللوها والبعض حرموها و هي داخله تحت ما قاله رسول الله صلى الله عليه وسلم(……وبينهم امور متشابهات لايعلمهن الا الله فمن اتقى الشبهات فقد ابتعد عن الحرام ……..)
ولكل شخص وجهه نظر فقد يخطي وقد يصيب
وحبيت اعلق على اختي سراب
اولا: اشوفك مع التعدد وش السالفه:s
ثانيا: للاسف لايوجد هذا النوع من الرجال الا قليل لذلك عدم التعدد افضل لانه حصل جرائم بسبب التفرقه بين اولاً:الزوجات
وثانيا: الابناء
وعذراً على الاطاله
اختكم :عشق
انا بصرحه من اول مادخلت المنتدى وانا ودي اقول قصتي بس ماحسيت انه وقتها بس لما قريت موضوع الاخت الرشيقه اتفجرت عندي العبارات:o
انا باحكيلكم قصتي من الاول :s
من6شهور قامت بيني وبين زوجي مخاصمه اول مره تصير بهالشكل. غلط عليه وغلط عليا.وبعدين رحت بيت اهلي في مدينه ثانيه لمده 3 شهور كان قرر فيها انه يطلقني مع العلم ان متزوجين تقريبا 12سنه وبينا حب وتفاهم و3 اطفال المهم انا انصدمت من قراره والكل هدا عليه وقالوله مايصير وهو كان عنده دوره في دوله اجنبيه لمده شهرين . قالوله روح وفكر وبعد ماترجع يصير خير انا بصراحه في داخلي مو مصدقه انه يقدر يستغنى عني .المهم عدت المده وبعد مارجع بيومين كلم اهلي ورجعت البيت . لما رجعت كاني ماعرفه ابد كان مررره ثقيل وماطالعني متغير مرره. قلت يابنت مع الوقت بترجع الامور احسن من اول المهم بعد اسبوع قالي ترا انا اتزوجت:confused::confused: ماصدقته ابد ولما شافني كده انقهر ووحلف انه امسويها لما حلف انا انهبلت وكنت ابي انتحر الي قاهرني انه يقول انه يموت فيني اي حب هذا بالله عليكم:confused: قال انه قابلها في مركز اسلامي واعجب في اسلامها وقوة شخصيتها مع العلم ان زوجي جدا مسيطر و شايفني انا قويه. وقالي انه لما تزوج كان مقرر على الطلاق مني.و ياليت الى تزوجها احلى مني لا واكبر مني بعد واسمممممر بكثير. والحلو في الموضوع انه خلاها تكلمني وتقولي لا تخربي بيتك تراه يحبك:s الي قاهرني اني ماقدر اتركه:confused: لاني هبله احبه ولا اقدر اترك اولادي ابدا ولا اقدر اعيش في بيت اهلي ابد ابد وانا عندي احساس قوي انه يحبني وما حسيت انه مهتم فيها ولا ربع اهتمامه فيني هي الى تكلمه . وهو قال لاخوه انه اتزوجها مسيار ومالو دخل في مصاريفها. بعدين فكرت قلت يابنت هو يقدر يتزوج ويطلق الف وحده خارج المملكه وانا مادري . احمدي ربك انه جا وقالك واعترفلك انه مايحبها اكثر منك:s وهذا اولا واخيرا شي مكتوب علي من الله سبحانه وتعالى وانا دعيت ربي اذا كان فيها شر يبعدها عني بس ماقدر ارمي اولادي واهجر زوجي عشان سوا شي حلال ربي بيسخطني بعدي:o بس كل الي اقوله انه الحين بعد ماصرت اطنشه باحترام صار منهبل علي ويحترمني بس والله ياخوفي انه عنده بلوه ثانيه:s مع العلم انه مافي سبب مني خلاه يتزوج. بصراخه ودي اعرف رايكم بصراحه ارجوكم ترا محتاجه مشوره منكم
لا تهملون موضوعي الله يستر عليكم:confused::o خلاص طولت عليكم سلام
السلام عليكم ورحمة الله وبركاته
اهلاً بك اختي الفاضلة rose-25
اشكرك كثيراً على صراحتك هذه والتي اتمنى ان تحذي حذوها باقي الأخوات في عرض مامرت به من تجربه للأستفاده منها …
جزاك الله خير ..
لي تعليق على موضوعك …
والله اني عجبني حكمتك وتصرفك الذي قمت به فكل امرأة ترفض ان يكون لها شريكة في زوجها لكن كما ذكرت من اجل البيت والأولاد لابد من التضحية والتعقل لأن الأولاد لاذنب لهم … وكما ذكرت بأن زوجك قادر يتزوج ويطلق ففي هذه الحالة تصرفك سليم وصدقيني بالصبر والحب سوف تثبتين لزوجك انك تستحقين ان تكوني محط احترامة وحبة ….
ايضاً انت لديك يقين ان التعدد قد شرعه الله ولانقدر التعدي على حدود الله
اهم مافي الموضوع ان يكون هناك عدل بينكم كما اوصى الله تعالى ..
وكل شئ قسمة ونصيب والله يبتلي العبد ..فأحتسبي الأجر على طاعتك لزوجك ومحافظتك على بيتك …
ونصيحتي لك لاتخربي بيتك ترى الرجال اذا برأسة شئ لا يهتم لابزوجة ولا اولاد .. وخليك مثل ماأنت وارضي بما قسم الله لك ..
تقبلي تقديري واحترامي ..
اتمنى أن يشارك البقية ..
الرد على اختي رشيقه انى مع التعدد
أولاً لأنه من الاحكام الى أباحها الشرع .
ثانياً : لما أرآه من الفتن اليوم من كل جانب .
وبالسبة للأخت rose-25
نعمة من الله انه تزوج ولم يسلك الطريق المحرم لاتنسي انه مسافر وليس معنى ذلك انه لايحبك وكلامه لك اكبر شاهد على ذلك وطيب انه اختارها لدينها وهذا يدل على وجود الخير في قلبه الحمد الله وكان غرضه ان يحصن نفسه من الفتن .
وعلى قولك طيب منه انه اخبرك . فالرجل اغلب وقته خارج المنزل فكم من الرجال متزوجين ومسيار كذلك وزوجاتهم لايدرون بذلك . وأنا الذي يقهرني ان يتزوج الرجل من دون ان يخبر زوجته ، ويأتيها الخبر من الآخرين .
وبما انك مابعد تزوجتي بس شكلك ملكعه الله يعين زوجك عليك
طبعا امزح
واما سالفه اني اروح عنه لبيت اهلي والله مااسويها
تبينها تستانس معه لاحبيبتي
هذي عجبتني
تعليق جميل منك اتمنىالك السعاده من قلبي عشق الليل