انها تخلط مع الصابون المغربي زيت اللوز الحلو وتدهن جسمها به وبعد ساعه تاخذ شور وتتليف
مادري اذا احد يذكرها … اللي اعرفه انه الصابون المغربي يستخدم مره وحده اسبوعيا بس قلت دام هذي صارت بيضاااا خلني اجرب وياريتي ما جربت
حسيت انها شوهت بشرتي صارت فيها خطوط وبقع بنيه مع ان بشرتي كانت صافيه كثير ، مادري اذا احد صار معاه جذي ولا بس انا ؟؟
وبالنسبه لاثار الخطوط شسوي عشان ترووح … تكفون ساعدوني
الله يجزيها كل خير ان شاءالله وينولها اللي تبيه إللي تساعدني
بالنسبه للحمام المغربي عادي تضيفين له بس ماقد سمعت زيت
احسه صعبه شوي
ممكن طحينيه + صنفره + حليب بودر
ومره في الاسبوع اعتقد تكفي
مادري انتي مع السونا او بدون؟
اذا كان مع سونا فاعتقد تكفي مره بالشهر
وفيه كذا طريقه لاستخدام الحمام المغربي
وانشالله اكون افدتك
تحياتو
هلا اختي
انا جربته بطريقة بنت الغالي وضفت زيت اللوز على الصابون المغربي والنتيجه مرضيه جدا
شوفي يمكن انتي بشرتج تحسست من شي من مكوناته او ما استحملت عموما الحمام المغربي
الله يشفيج ويعينج
وتأكدي كل وحده بشرتها تختلف عن الثانيه الي تستحمله غيرج يمكن انتي ماتستحملينه
انا اول يومين او ثلاث استانيت على رووحي اما عقب كان احد مشمخني وصاير بني
ان شاءالله احد عنده حل هالخطوط
اتمنى اكون افدتك وانشاء الله يصير وجهك تماام
بس انتي الحمام المغربي سوويه كل اسبوع او اسبوعين مره بس
وحطي معاه ماي ورد
والخلطات عندج طحينيه وحليب نيدو وماي ورد
ولا تفركين بعنف ينقلب سواد
وبالتوفيق
الله يسعدكم ويوفقكم
ترى هالخلطه جربتها على جسمي مو ويهي .. الحمدلله مو الويه
انزين ماتعرفون شي يصفي البشره من هالشموخ ؟؟
انا استخدمتها بس طبعا في الاسبوع مره وحده
ولقيت نتأئج روووووووووووووعه