بغيت اعرف شو اقدر اريقه واغديه واعشيه
يعني شو الاكلات اليديدة الي اقدر ااكله في ها العمر ؟؟؟
من لحوم وفواكه وخضرا
ساعدوووني
بس ويييييييين الباقين
انى ولدى مثل السن اللى قلتينه
الريوق :
زبادي _ روب _ سريلاك_ سليس او خبز او بسكويت مغمر بحليب
وعقب الريوق:
اعطيه فواكه او بسكويت
الغذاء اغديه اكثر الاوقات ويانا اذا كان سمج اعطيه او دجاج
وليه غذاء خاص مضروبة دجاج او معكرونه
والعشاء :
بعد من المضروبه او المعكرونه
(انى اسوى المضروبه او المعكرونه ليومين واكله منهم للغذاء والعشى )
عطيه روب بالفواكه
لآنه لازم يبدأ يتعلم الاكل بطريقة صحيحة
احس اني نسيت هالسوالف
وكان خاطري اححمل
بس لالا خلاص
قررت اانا وريلي نأجل الحمل زيادة ونربي العيال أفضل 
الله يحفظهم يا رب
اني ولدي بالضبط قد ولدش
بقول اليش شنو اعطيه يوميا
الصبح: اعطيه سيريلاك او بسكوت مع حليب
الظهر: اعطيه من غذانا مثلا سمج مهروس ويا ارز او دجاج مهروس مع ارز ويا خضار
العصر: اسوي له بالخلاط فواكه تفاح وبرتقال وكمثرى يعني على حسب الفواكه المتوفره واحط بدل الماء في الخلاط منقوع التمر عشان يصير له مغذي ومفيد او اعطيه محلبية كسترد
المغرب اعطيه روب مع قطع خبز مقطعه قطع صغيره واخلطه مع الروب الين مايذوب الخبز او اسوي له شوربة الشوفان مع الخضار او الدجاج
وبس
واتمنى انش تستفيدين والله يخلي لنا عيالنا ويحفظهم من كل سوء يارب
و كأفكار جديده غير الي قالوها البنات
للصبح فكرة غير وهي الشوفان حليب الكمية الي تبينها وتحطين عليها شوفان و تحركينها لما تصير ثقيلة شوي مثل السيريلاك و تضيفين عليها عسل ومكسرات مطحونه بس لما يكبر الحين لا تحطين عسل
للريوق او العشى صفار بيض مسلوق و مهروس و مخلوط مع جبن
خضروات مسلوقه حطي عليها شريحة جبن سليس و هي ساخنه و بتذوب الجبنه
روب مع عيش أبيض
مثل ما قالوا عدس
هذا الي يخطر على بالي نسيت التربية و لدي عمره 3 سنوات الحين