للي تبي تعرف طريقه العصيده الاماراتيه .. تتفضل معاي..
تراها تختلف عن العصيده القطريه اشوي
المقادير..3 ملاعق طعام ماء ورد
نص ملعقه شاي زعفران
2 ونص كوب دقيق جميع الاستعمالات
1ونص كوب سكر
4اكواب ماء ساخن + 3 اكواب ماء فاتر
3 ملاعق طعام سمنه
الطريقه..
1- ينقع الزعفران في ماء الورد ويترك جانبا
2- يحمص الدقيق في قدر على نار هادئه حتي يميل اللون الي الاشقر .. ثم يصفى ويترك جانباً
3- يحمص السكر في قدر اخر .. حتى يحمر لونه .. ثم يصب عليه الماء الساخن ويحرك الى ان يذوب ويترك حتى يغلي
4-يخلط الدقيق مع الماء الفاتر .. وثم يصب عليه خليط السكر وذلك مع التحريك المستمر .. لمده (10-15) دقيقه .. بحيث يتجانس ويصبح ناعما
يصب ماء الورد والزعفران علىالخليط.. ثم السمنه ..
5- يحرك الخليط .. لتصبح العصيده الاماراتيه جاهزه.. تصب في طبق التقديم وتقدم بالهناء
اليوم ا شاء الله من ارجع من الدوام بسويها و يوديها ويايه بيت ابويه 
ما اصدق اسمع عن شي حلو لازم اسويه
بصورها لكم ان شاء الله
يصب ماء الورد والزعفران علىالخليط.. ثم السمنه ..
5- يحرك الخليط .. لتصبح العصيده الاماراتيه جاهزه.. تصب في طبق التقديم وتقدم بالهناء
الخطوات هذي اختي اسويها والقدر يكون على النار علشان يستوي الطحين والا شلون ليتك توضحين اكثر ….واذا تعرفين العصيده القطريه اكون شاكره لك
نعم تخلط المكونات والقدر على النار المتوسطه-الهاديه
اما عن العصيده القطريه .. لي رجعه ..
وتسلمين على المرور
تسلم يدينك ..
بس أحنا في عمان هذه المقادير تسمى ( خبيصة ) بس حبيت اذكر الأسم