انا شعرى اصلا طويل و ناعم و مموج تموجات خفيفة و كان بيتحسد و كنت كل ما اقصه يطول بسرعة بصراحة لا كنت باستعمل شامبوهات ولا غيره الصابون و زيت الزيتون و الحنة بس
وانا فى ثانوى ابتديت استعمل الشامبو و زيت الزيتون و استمريت عليهم لسنين بس لقيت شعرى بقى بيهيش و ينشف بطريقة غريبة
من سنتين بقى ضربت فى دماغى اقصه قصيته لتحت ودنى كده بيبقى حلو عليا
بس ياريتنى ما قصيته من يومها لا بيطول ولا بيتصلح حاله و علطول هايش و ناشف
جربت البلسم و حممات الكريم و غيرت الشامبوهات و جربت الغالى و الرخيص ولا نفع حاجة
بالعكس لقيت حاله بيسؤ اكتر فجيت مع نفسى كده من شهرين اصل فرحى قرب و قلت لو اتجوزت كده الراجل هيتجوز عليا مش منظر خالص
و بابص فى الصور بتاعتى ايام ما كان شعرى طول و ناعم و اخدت قرارى انى ارجع لنفس الطريقة اللى كنت باستعملها وانا صغيرة
العودة الى الطبيعة
رميت الشامبوهات وحمامات الكريم و كله كله كله و بقيت باعمل الاتى
اولا : غسيل الشعر بالصابون وانا استعمل نابلسى شاهين
روعة و لقيت ان الشعر ابتدى الهيشان بتاعة يروح و مش بينشف
ثانيا : حمام الزيت
كل اربع ايام و مش باكتر بس اليومين دول باستعمل زيت الحية لانه جالى هدية و سمعت كلام البنات قلت هاجربه حامى شوية على الشعر بس حلو و طالما طبيعى خلاص ( بس العادى بادفى معلقتين زيت زيتون لمدة تلت ساعة او نص ساعة بالكتير على الشعر )
ولا بادهن كريم تصفيف ولا زيت بعد الغسيل
و فى وسط الاسبوع لما باغسل شعرى بمية بس قبلها باكون مدلكاه بشوية زيت صغيرين خمس دقايق
ثالثا الحنة
روعة للشعر باعجنها بمعلقتين خل و زيت ذرة واحيانا احط عليا عصير فص توم و اسيبها تخمر و بعدين ادهنها على شعرى طول اليوم و اغسلها
بجد مفيش احسن من العودة للطبيعة
شعرى اتحسن كتير و طول و بقى طرى و الحنة بتخلينى احس بكثافة للشعر
انا كمان عايزة اجيب الصابونة دى لأنى سمعت عنها كتير
ان شاء الله لما الشامبو يخلص بقى 
انا كمان والله يابنتى شعرى كان حلو لحد ابتدائى كده وقلب قلبه سوده
وانا مكنش ف دماغى اهتمام خالص إلا لما اتخطبت قولت زيك كده
هحاول اطبق الخطوات دى ربنا ييسر
ربنا يكرمك ويتم جوازك على خير ويسعدك ان شاء الله 
اللهم إن كان رزقنا في السماء فأنزله وإن كان في الأرض فأخرجه ..
اللهم إن كان رزقنا بعيداً فقربه وإن كان قريباً فيسّره ..
اللهم إن كان رزقنا قليلاًَ فكثّره وإن كان كثيراً فبارك لنا فيه يارب العالمين
*Y*تفاصيل عقد قرآني بالصور *M*
عايزة تفرشي غرفة معيشة مودرن بطريقة حلوة ؟
كل الأكسسوارات اللى ممكن تتخيلها هنا مع تعليقي
* كل ما يتعلق بالحمامات ( أعزكم الله ) بس مع كلاسيك *
*لكل غرفة صغيرة وركن ضيق عندي ليكي الحل *
~.~ تجهيزات غرف الأطفال من الألف إلى الياء ~.~
انا ضِلعٌ مِنكَ .. وأنتَ كُلُّك منّي
 |
اقتباس |  |
 |
المشاركة الأساسية كتبها cico  |
 |
 |
| افكار حلوة
انا كمان عايزة اجيب الصابونة دى لأنى سمعت عنها كتير انا كمان والله يابنتى شعرى كان حلو لحد ابتدائى كده وقلب قلبه سوده هحاول اطبق الخطوات دى ربنا ييسر ربنا يكرمك ويتم جوازك على خير ويسعدك ان شاء الله |
||
 |
 |
والله دعوتك جاية فى وقتها
ان شاء الله شعرك يرجع تانى احلى من الاول
|
اقتباس | |
|
المشاركة الأساسية كتبها مياة المحيط |
|
|
| مشكورة ويهنيكي بشعرك | ||
|
|
العفو حبيبتى و يهنيكىبشعرك انتى كمان
|
اقتباس | |
|
المشاركة الأساسية كتبها ~ْ{{أم اليازيهـ}}ْ~ |
|
|
| مشكووووووووووووووووووووووووره | ||
|
|
العفو اختى وتسلمى على المرور ان شاء الله تستفيدى من تجربتى
ساندى بيل … العفو اختى و فعلا الطبيعى يكسب
الحمد لله دلوقت ربنا رحمنى كتير من الهيشان و تقصف الاطراف ادعولى بقى هاركز عل التكثيف انا بادئة من شهر و النتيجة الحمد لله حلوة قوى يارب يتمها على خير