خبيرات هذا الركن الله يخليكم ادور على كريم اساس حلو ومخملي وسعره كمان حلو .. تعبت من كريم اساس لانكوم .. هو حلو بس ابي اغير ..
لون بشرتي نفس الشاميين .. يعين البيج والبيج الوردي الفاتح يناسبني ..
بصراحه شفت بخاخ كريم الاساس تبع ديووور غالي بـ 17 دينار ماشاء الله وانا حبيت شي خفيف للجامعة وعملي ويدوم
لانه هذا الكريم ابيه للجامعة مش لسهرات .. وكمان لو تنصحوني بمسكار بنية حلوة .؟ وقلوزات ناعمة وفاتحة .؟ وكمان بلاشر خدود ؟؟
وكوووووون لكم شاكرة وبيدعي لكم ربي يوفقكم كلكم
ياليت تساعدوني في اختيار الافضل
تحياتي،،
وجربي كانيبو مخمليه وبتحبينها اكيد ..
والبلاشر جربي جيفنشي وماك رووووعه..
ولو تبين أساس :: اساس ديور البخاخ خفيف وحلو للصبح
ولو تبين شي خفيف وثابت و سعره معقول
جربي كلر ادابت من ماكس فاكتور
وسعره حلو يعني 60 ريال و احياناً ممكن تلقينه بـ 50
حلو وثابت ويعطيك ملمس مخملي ،، والأحلى انه ما يخلي وجهك طبقه وحده ،، بالعكس يعطيك مظهر طبيعي جداً
جربيه وما بتندمين
الماسكرات الحلوه مثل لاش كوين من HR و ديور شو ،، والبنات يمدحون سان لوران
اما لو تبين شي سعره معقول وعملي للجامعه ،، خذي من ماكس فاكتور او مايبلين اللي يجي لون علبتها كحلي
البلاشرات :: ألوان طبيعيه وحلوه و أسعارها معقوله
شوفي عند بورجوا درجاتهم حلوه وتجنن
و عند ماكس فاكتور
شوفي هالدرجتين
Naturelle لونه طبيعي وفاتح
English Rose روووعه على وردي فاتح ،، لا تفوتينه
بالنسبه للقلوسات
جربي اللي عند مدينه ميلانو ،، عندهم درجات حلوه و أسعارهم بين الستين و السبعين مو متذكره بالضبط
و استي لاودر : ميزتهم مو من النوع اللي يلزقون على الشفايف
تسلمين لي يا قمرهم .. واشكر مرورك العطر .. ونصايحك الذهبية
" جيرلان "
ممكن تعرضين لي كريماتهم والبودرة المضغوطة تبعهم
…………………………………..
الخبيرة.. رعــبـــوب
هلا اختي واشكر هالتغطية الرااااائعة والجهد الي بذلتية وياي .. اخجلتيني بطيبك والله
ممكن اشوف صورة لـ " جيرلان " ??
,اكيد راح اجرب كل الي ذكرتية بالاخص Naturelle لونه طبيعي وفاتح / English Rose روووعه على وردي فاتح
وان شاء الله ما يطلعون غامقين على بشرتي .. واشكرك كمان مرة
تحياتي،،
و البلشرات مو غامقه بالعكس ،، لونها يختلف عن الصوره بس حطيت الصوره لك عشان شكل العلبه
وهذي بودرة جيرلان
جربي درجة Rose Natural او Beige Naturel
عزيزتي اشكر مرورك .. وشوقتيني اني اجربها .. بس ماذكرتي لي معلومات عنها ولا عن اسمها ..؟؟!!
………………………………………….. ……
الخبيرة رعــبـــوب
ماشاء الله عليش يخزي العين من حولك .. ردودك طيبة مثلك وجهدك اشكره .. واحس ان هالبودرة راح تناسبني .. لانه بشرتي مختلطة .. وسمعت ان البودرة المضغوطة تنفع معاي! واتمنى القى اللون الي يعجبني وبسأل عن اللونين الي قلتي لي عنهم
نضااايحك ذهب الله لا يحرمنا منك يا الغالية
تحياتي،،
اشوف صاحبتي تمدحها كثير
موفقه ياقلبي
ياهلا وغلا فيج
حبيبتي اذا تبين شئ للجامعه ممكن تجربين مثل ماقالت رعبوب ماكس فاكتور لانه سعره حلو بس انا بصراحه ماجربته بس وايد يقول انه تغطيته حلوه وناعم على البشره
واذا تبين تغيرين جربي استي لودر مو الدبل وير لا هو اساس سائل شكله مثل المعصار وفيه منه درجات طبيعيه وحلووو وانا يعجبني يغطي العيوب الخفيفه من البشره وتغطيته مخمليه واذا ابيه اسبشل احط فوقه كانيبو او جيرلان
وعادي لو تستخدمينه من غير شئ لايخترب ولا يتشقق ولا شئ وممكن تحطين على جزء من بشرتج وترجعين البيت وتخلينه مده وتشوفين نتايجه علشان ماتخسرين فلوسج ويمكن مايعجبج صـــــــــح
بالنسبه للبلشرات
جربي برجوا او نوبا او بدي شوب كلهم اسعارهم حلوه وفي منهم درجااات طبيعيه وحلوه للجامعه
بالنسبه للماسكار
جربي ديور شو روووعه وكثيفه او جربي اف سان لوران اشوف يمدحونها بس ماجربتها
بالنسبه للغلوسات
ماك الحين منزل غلوسات حلوووه ولامعه وروووعه على الشفايف وفيه منه درجات وايد طبيعيه وحلوه للطلعات الخفيفه
فيه منه لون لحمي حلوو لايفوتج وفيه منه لون بطيخي بعد روعه وفيه لون وردي فاتتح نقي واختاري
توني الصبح وانا ياية الدوام وحدة حاطته و سالتها صاير جنه علبه كومباكت بس هو تغطيته حلوة و هي فاتحة لونها حلووو
ديور البخاخ غالي وما يسوى خفيف و ناعم بس ما يسوى بصراحة