السلام عليكم..
كيف حالكم بنات…اخباركم..عساكم بخير..عندي لكم طريقه طبيعيه تزول القشره
جربت اشياء وايد مثل شامبو نيزورال..واللي ما فاد معايه ابد…ولا فوق كل هذا غالي
جربت خل التفاح..ريحتة تصرع ولا فوق كل هذا…الشعر يطيح..اذا استعمل مش مخفف..
جربت شامبو البنات مدحووه وما نفع..
جربت الحناء مع الروب وما نفع…..وختفت شوي وردت…
واخيرا جربت شي ونفع معاي …اذا تريدون الطريقه خبروني
تجيبين صابون الغار+ ملح مو حق الاكل لا ملح طبيعي يكون كبير الحجم…لان ملح الاكل اذا حطيتيه في شعرج ممكن يلصق ولا يطلع بسهوله من الشعر من وين ينباع الله اعلم..ما عندي اي فكر بس هو طبيعي مو مكرر مثل ملح الاكل+عسل(يفضل يكون طبيعي). الكميه حسب طول شعرج حددي انتي.
اول شي تغسلين راسج بصابونة الغار..عدل لما يصير رغووووه اهم شي 
فروة الراس..وباصابعج وحركه دائريه عشان تنشطين الدوره الدمويه مو بالاظافر اوكيك..وتخلينها دقيقه على الشعر..وبعدين تغسلينه بالماي…او اكثر من دقيقه ما يضر بس اهم شي يكون اصلي صابون الغار
ثاني شي تيبين الملح وتحطين فوقه العسل..ممكن تسوين الملح بروحه والعسل بروحه..يعني تاخذين الملح وتحطينه فوق راسج..وبعدين تاخذين العسل وتخلطينه مع الماي وتحطينه فوق راس..وتفركين باصابعج وحركه دائريه لين نهاية الشعر..او تحطين الملح مع العسل وتحطين فوقه شوية ماي..وتخلطين ..وصبي فوق الراس.
غسلي جسمج وخلي الملح والعسل في شعرج ..ولما تخلصين من غسل الجسم غسلي راسج..او ممكن تخلينه دقيقتين..وبعدين غسليه عدل عن الملح والعسل لحد ما ينضف..واخر شي استعملي اي شامبو…انا استعمل مرات دوف ومرات شامبو حق القشره من ويلا لون العلبه ازرق…وهذا كل ما في السالفه وعيوز مخالفه
المهم عسى الكل يستفيد وجربوا عسى تنفعكم..وتفتكون من القشر…طبعا مو من البدايه راح تروح القشره تدريجيا..يعني كم من غسله وتروح..انا عني راحت بعد اربع غسلات…بقت القشره لكن بشكل خفــــــــــــــــــــيف جدا…حتى لما احك راسي واشوف ظفوري ما احصل شي يذكر…والحمد لله..
ملاحظه…العسل يفيد في حالات القمل ايضا..
منقول من متدى حواء للأخت الغاليه ريمي الصغيره
جزاك الله الف خير …….. والله شعري فيه قشره ولا سويت لها شئ
لازم اجرب …. بس صابون الغار ما يطلع رغوه ؟؟؟
الحمدلله والصلاة والسلام على رسول الله وعلى آله وصحبه أجمعين
مشكوره اختى بس سالفه طويله …. لكن مشكور وان شاءالله يستفيدون البنت من تجربتج ….
في النهايه الله يوفقج ويرزقج بولد الحلال والذريه الصالحه ويكسبج رضا الوالدين
اختج QTR2004
ومشكوره