الكورن فليكس 2024.

خواتي كثير سمعنا عن الكورن فليكس وعن مضاره وعن احتوائه على برادة الحديد لكني استغرب من الكثيرات انهم ما زالوا يعطون اطفالهم الكورن فليكس

افيدونا هل صحيح ما تم تناقله عن الضرر وعن برادة الحديد الي فيه ولا اشاعة

خاصة ان الحين بدأت تطلع اشكال والوان من الكورن فليكس خاصة المتعلقة بالاطفال مثل فله وسلاحف النينجا والي بالكاكاو واشكال كثيرة

ارجوا ان تفيدونا بما لديكم عن هالاشياء

بصراحة آنه بعدي أعطي ولدي،، مو معقولة كل هالكلام ووزارة الصحة بتخليه بالأسواق،، العادة لو في شي ينسحب من السوق مباشرة،، أمي وايد دقيقة بالأكل ومحتوياته بس ما منعتنه منه او أن نعطي عيالنا….

رايي من راي ام عبدالله، انا اللي شاكة فيه انها يمكن تكون شركات منافسة تروج هالكلام .

بس ما اعتقد اني يكون في شي ضار وبينباع بهالشكل :think:

وانا بعد للحين اعطي ولدي منه.. واشوفه فرصة سانحة عشان يشرب الحليب المخلوط معاه

مو كل شيء ينتشر بالانترنت معناه صحيح.. اغلبهم اشاعات..

انا بنتي مااعطيها
بس انا احبه واكل كورن فليكس من وانا صغيره
والله يحفظنا ويحفظ عيالنا

لاء مو معقول كلام اشاعات ولو صحيح ماكان انباع بهالشكل الكبيييير
والله يحفظ اطفالنا يااارب

انا بصراحه ماعندي يهال ………….. بس انا بروحي مدمنه على الكورن فليكس

وايد اكل منه ومو معه شي بعد

انا احبه واخواتي كلهم يحبونه وياكلونه لكني من حملت وعرفت المعلومة خفت بصراحة ولا كليته يعني الحين من سنتين واكثر فترة الحمل والحين بنتي سنة و8 شهور وطول هالفترة ما حاولت اكل منه خوفا عليها

وحتى بنتي ما جربت اعطيها خفت صراحة من الكلام الي سمعته عن برادة الحديد وانه يسبب امراض اظن سمعتوا الكلام الي انقال عنه لكني اشوف بدأت شركات كثيرة تظهر بأشكال جديدة خاصة للأطفال

فياليت لو دكتورة او استشارية تغذية تكون موجودة معنا تفيدنا بهالشي

انا لليوم اكله وما عندي خبر

أنا سمعت مرة عن هذه السالفة بس مش متأكدة … بس في البديل ( التعاون) .. أنا من فترة خذت ( سلطان )