الجامعه وخلصت والدرجات الحمدلله على كل حال 
لكن بحكم سياسة الجامعه
نمشي تتحت الشمس من محاظره لمحاظره(n)
والشمس تحرق جلدنــا(n)
ثمان اشهر في السنه ونحن بهالحاله(n)
والحين الله لا يراويكم كيف صايره بشرتي:eek:
انا بشرتي سمره فاااتحه
لكن الحين صارت سمره غااااااااااامقه:confused:
وجهي صاار بااهت ومية لون وبقعه فييه :confused:
خص ايدي من ورا الكف لوووووون ثاني كأني لابسه قفاز :confused:
والرجلين حدث ولا حرج..آثار النعال والجواتي والتخطيط اللي فيها :confused:
حته شفايفي صارت غامقه
والله اعاااني اعااااااني
وفوق هذا كله خطوبتي قربت
وزوجي ولا مره شايفني ..اخاف يغير راايه بعد ما يشوفني :ss:
اخواتي ابغي مساعدتكم
انا قريت عند الخلطات الموجوده لكن المشكله مب كل شي تقولونه متوفر ..
ابي اشياء بسيطه تساعدني حته لو تعطوني كريمات من الصيدليه بس ساعدوني الله يخليكن
واي وحده مستعده تسوي لي خلطه انا مستعده اعطيها مقابل على شغلها :confused: بس انا ماعندي وقت خلطات واشتري من عند العطارين ..والله يا بنات اانا جاده
ومعروف عندنا ان بنات السعوديه ماشاء الله عليهن عليهن حركات في التبييض والاعتناء بالبشره 
لاتقصرن فيني 😉
ولازم اتحطين واقي لبشرتك قبل لتطلعين بربع ساعه
 |
اقتباس |  |
 |
المشاركة الأساسية كتبها روح البحرين  |
 |
 |
| اختي شوفي هل رابط فيه وصفات
ولازم اتحطين واقي لبشرتك قبل لتطلعين بربع ساعه |
||
 |
 |
مشكورة على المساعدة الطيبة .. 😉
صح اني عانيت اول اسبوع لان بشرتيه ماتقشرت.. وكانت مشدوده.. وهذا من تأثير التقشير ان البشره تنشد بعدين تتقشر.. بس كانت مشكلتي ان ويهي ماتقشر حتى انيه خفت ونزلت موضوع عن مشكلتيه اللي هوه التأخر في تقشر الويه.. في حد قالي كملي عادي لانه يباله وقت وفي حد حذرني وأني لازم اوقف استخدام المقشر.. بس انا عاندت وكملت لان من أغلب تجارب الاخوات بعد استخدام الريتن A هوه "روووووووووعه"
عشان جيه انا ماوقفت.. وبتدى ويهي يتقشر..
ف الاسبوع الثالث ومن بين كومة الكريمات اللي عندي طاحت عيونيه على معصار يديد مافتحته وانا طبعا كل كريم وشو استخدامه كاتبتنه في نوته عشان مانسى وفتحت النوته وقريت الملاحظه اللي كاتبتنها مقشر للابط والاكواع.. فتحته عشان استخدمه حق ركبيه بس للتجربه واذا جفت انه اوكيه بكمل على البيطان.. وعقب ماخلصت سحبت ورقة الارشادات والوصف اللي داخل الكرتونه وقريت شي شد نظريه "يعتبر الهيدروكينون عقار مبيض للبشره وقد ينتج عنه آثار تجميل غير مرغوبه وذلك اذا لم يستعمل حسب الارشادات" انا عاده غضيييت النظر عن كل الكلام ويت عيونيه بس على "عقار مبيض" .. قلت فخاطريه ليش ماخلطه مع التقشير منيه الريتن يقشر والثاني يفتح ويكون كله فنفس الوقت.. بعدين هونت لاني خفت ومابغيت اغامر..
السالفه اللي صارت واللي ابدا مايت على باليه هيه:
بعد يومين يت ربيعتيه عنديه.. وقعدت اتسولف وقالت انها قبل لاتمر عليه مرت على صالون.. وهيه هناك جافت راعية الصالون من بعد الاسوده والحبوب ويها صاااااااااااااااافي وابيييييييييييييييييض.. وعقب معاناه خبرتها شو تسوي.. اتخييييييييللللللو شو قالتلها!! انها تستخدم الريتن A مع المعصار الثاني اللي قلتلج علييه.. والله.. والله العظيم اني ماجذب وربيه شاهد عليه.. والله العظيم انها دخلت ايدها ف الشنطه وطلعتهم انا انصععععقتت وربعت الغرفه ويبتلها المعاصير " للعلم ان الريتن A يبت طريقه استخدامه من موضوع هنيه ف المنتدى ولمقشر الثاني بعد يايبتنه من موضوع وحده هنيه ف المنتدى كانت تتكلم عن ها المعصار اللي الدكتور وصى عليه عشان تفتح بيطانها واكواعها.. وثنينتهن كانن من وصفات دكتور على كلام صاحبات المواضيع.. يعني وصفات طبيه ماعليهن خوف" ونا بحط الروابط عشان تتأكدين..
قلت انا شو اتريا.. رحت وفضيت قوطي ونظفته عدل وعصرت باقي مقشر رتن A لان على حسب ماقلته استخدمته فترة اسبوعين وداشه ع الثالث.. ويبت معصار التبيض الثاني وعصرته كله لأن المعصار وااااايد صغييييييييير.. وخلطتهم مع بعض وحطتيه قبل الرقاد "انصحج انج تستخدمينهم وقت الليل قبل الرقاد تعرفين الشمس وماتفعل" .. ورقدت ونا اقول مابجوف ويهيه الا من انش لانيه كنت متحرقصه ارييد النتايج بسرعه وكنت كل شوي اطالع عمريه ف المنظره.. مسكت عمريه ونمت.. ويوووووووم نششييييييييت سيييده ع المنظره حتى انيه ماغسلت ويهيه.. والله.. والله.. والله.. اني انصدمممممممممممممممت..
يا بنااااااااااااااااااااااات!! بياااااااااااااااااااااااض مب طبيييييييييييييعي.. وويهي صاااااااااااااااااااااااااااااااافي وخدودي وردياااااااااااااااات.. والله العظيييييييييم انه هذا اللي صااااااااااااار!! ماصدقت مسكت عمريه لاني كنت اتنطط من الفرحه قلت بتغسل وبحط واقي خفيف قبل لانزل ومابرمس بجوفهم شو بيقولون.. "ترا ف النهار بعد ماتغسلين ويهج كمليه بس بواااااااااقي بسسس.. ونصحج انج تستخدمين "BIODERMA..Photoderm Max 100" وهذا اقوى درجه.. وستخدمينه لان الشمس تبات فوق روسنا تطبخ طول النهار..
المهم.. نزلت.. وختيه كان وويها ف الاب توب.. ونا كنت واقفه.. مارمست طالعتنيه ونزلت ويها.. وردت رفعت راسها ثاني مره بسرعه وقااااااااااللت "باااااااااااااااااااااال يالبيااااااااااااااااض" بتخبرج شو ها اللي تستخدمينه اللي كل ما يا ويهج انه ينور!! هيه كانت وايد تعلق ع التقشير لان كان صدق يقشر وطلعتليه بشره ثانيه حلللوه وتقول ويهج صفا منه.. بس بعد ماخلطته مع المعصار المبيض.. استوت حكاااااااااايه ثاانيه.. بياااااااااااض وصفاااااااااااء مب طبيعي..
وتمت معصبه لانيه ماخبرها بالاشياء اللي اسويهن وتمت اتقول انتي ماتقولوليه استخدم معاج ^^
ف انصحج يا ختيه انج من البدايه تخلطين نص معصار ريتن A , ومعصاااااار كامل من "Eldoquin Forte 4% Cream"
وع الكرتونه فوق اسم المعصار بتقرين "NDC 0187-0394-35" خذي المعصار اللي رقمه هذا لانه فيه اكثر من رقم.. وبيكون معصار صغيروني والكريم لونه ابيض.. لان في معصار ثاني نفس الاسم بس اييج طويل والكريم ماله اصفر.. ف انتي خذي الصغير اللي كريمه ابيض.. وعشان جيه اعصيره كله.. يعني حاولي انج اتساوين نص كمية الريتن مع المعصار الصغير الكامل.. واللي بيتبقى من الريتن خليه لين ماتخلص الخلطه وبعد ماتخلص اعصري الباقي من الريتن وخذيلج واحد ثاني يديد من المعصار المفتح.. يعني ف خلال فترة التقشير اتكونين مخلصه معصاار كامل من الريتن ومعصارين من الكريم الثاني.. حطي الخلطه مره وحده ف اليوم قبل الرقاد.. ويوم بتقومين حطي الواقي وحاولي انج ماتطلعين وايد ف الشمس في هاي الفتره.. يعني استحملي ويودي عمرج من الطلعه.. وسوي حساب الخطيب انه لازم يجووفج مورده ومافي منج ^^..
وربيه يوفقج.. واي استفسارات ثانيه انا حاضره ^^
حبيبتي انا بيضا ومع الشمس صرت قمحي ووجهي مو باهت اصفرررررررررر
الحل الوحيد
الحمام المغربي
روحي اشتري قفازين مغربي (ليفتين مغربية) واشتري صابون مغربي تحسيه لونه زي العسل بس جامد
واشتري بيكربونات الصودا
كله هذا تلاقيه عند اي عطار ومايكلفك اكثر من 50 ريال
وكل ماتستحمي استخدميه
افتحي الدش على المويه الحاااااااااااااااااااااااره وطبعا يكون الدش معلق فوق مايكون اسفل
الين مايتعبى الحمام بالبخار وطبعا لازم يكون البانيو مقفل الله يكرمك يعني البانيو يتعبى بالموية الحارة وانت تكوني برى البانيو لمى تحسي نفسك عرقتي قفلي الدش بس خلي المويه في البانيو
وبعدين خذي كمية الي تبغيها من الصابون المغربي ومن بيكربونات الصودا واخلطيهم مع بعض بس لاتبخلي على نفسك
وبعدين ادهنيهم على جسمك
بعدها على طول البسي القفازين في ايدينك وافركي افكري جسمك كله تقريبا لمده 10 دقائق انا كنت افركه الين مايحمر جسمي
وبعدها اتروش بموية بارده واغسل جسمي بالصابون العادي واخرج واحط الكريم حقي وبس
كنت كل يومين اتحمم واعمل الحمام المغربي
تقريبا بعد شهر حسيت نفسي رجعت لوني الطبيعي الحمد لله
وانصحك انه ماتشتري طقم الحمام المغربي اشتري بس صابون وليفتين تكون خشنه وبيكربونات الصودا
وسلامتك اتمنى اني افدتك
ادعيلي انه ربي يفرج لي همي