موضوع قرأته و أعجبني وحستفيد منه في المستقبل إنشاء الله وحبيتكم تستفيدو منه كمان لانه مهم ويغيب عن بال الكثير.
وهو بخصوص الحمل والولاده والنفاس …. يا أميرات …. لاتمشون مع الخيل يا شقره وتنفذون قوانين مالها داعي ولها أثر على حياتكم
بالنسبة للنفاس مدري ليش تتخيلون أنه سجن .وتنحبسون 40 يوم بالبيت …. ناهيك عن الحلبه والسفوف اللي ريحتها تجيب الهم .
ترى والله كلها كلام فاضي وعلي أنا لا تخافين من الخراب إذا ما أخذتيها …إلا بالعكس الخراب هو خراب البيوت أن جينا للحق .
والله يا حبيبتي ثلاث أرباع الأزواج يخربون مع حمل الزوجه ونفاسها .
أنا أقولك السبب ::::::
لأننا مع الحمل تصير اشكالنا غلط …ويزيد إهمالنا لأنفسنا ولبيتنا وننسى الرجال … تدرين أنها سنه تمر من حياتنا بعاد عن الزوج ؟
9 شهور حمل ..و 40 يوم نفاس …وتروح الحرمه عاد تنام عند أهلها …. وليتها تاركه لزوجها ذكرى حلوه عنها قبل لا تغيب عن عيونه … وآخر خبره فيها …كوره منتفخه وكلف وسواد ..ونفس شينه … وتشكي وتعب .
يعني وش تتوقعون الرجال يبي يسوي كل هالفتره ؟ يبي ينتظر الطفل ويحلم بعيونه ؟ ولا يبي يشغل نفسه بتجهيزات الولاده والنفاس وجهاز البيبي ؟
طبعاً الرجل طول عمره ما يفكر إلا بنفسه … وصعب يفكر مثل ما نفكر .
حنا نواسي نفسنا ونقول بعد النفاس نبي نقلب حياتنا كلها وهذي فترة مؤقته وبعدين أروح الصالون وأغير لون شعري وأتصنفر ..وأنسيه كل اللي راح وأعوضه .
أما الرجال يفكر بطريقه ثانيه …….. يقول خليني أمتع نفسي واتسلى لحد ما الست الهانم تخلص من همها وتفكنا .
هو يعتقد انه يتسلى ولكنه سهل جداً يطيح بالحفرة ويجرك معاه بحفرة اكبر وأعمق . ممكن جداً يقارن بينك وبين أي وحده يشوفها أو يشم عطرها .
مهما كان يحبك يا حلوه …… مدة سنه كافية جداً أنها تنسيه وتلغي كل شي حلو فيك .
حبيبتي … أي وحده تحمل ……. تبدأ مع زوجها خطوه خطوه … وتشغله معاها بحملها وتقربه منها أكثر وأكثر …وتزيد في جرعات الحنان وتثير خياله دايم بالطفل الجديد … تطلب منه يشتري ملابس للبيبي على مزاجه …
تهتم بشكلها وزينتها وريحتها الحلوه … تشغله فيها ومعاها . تعبي البيت صور أطفال …وتخليه يختار الصوره اللي تعجبه والإسم اللي مفكر فيه .
تاخذه معاها للمراجعات …وتسمعه نبضات الجنين .
تكتب له رسايل على جواله من البيبي وأنه مشتاق لبابا .
تناديه في البيت يا بابا عشان يحس بطعمها ويتحمس …وكل شهر تبتكر حركه جديده تحرك مشاعره الأبويه خليه يحس فيك بس لا يحس بالمعاناة والتأوه والتعب كثير لا بالعكس لازم تحسسيه أن الحمل شي جميل وممتع وروح تتحرك بأحشائك خليه يحس كأنها باحشائه هو مو أنت .
دوووم ابتسمي وكون اسعد حااامل في العالم
ووقت الولاده … اطلبي منه يصور البيبي فور نزوله … ومو لازم يدخل ويشوف معاناتك خليه ينتظر واحرصي ان ينتظرك لأنك تحتاجينه يكون موجود وهذا بيريحك .
تابعوا معي عن وقت النفاس ::
وقت النفاس:::::::::: إحذري من النوم عند الماما
نامي اسبوع واحد فقط وهذا كاااافي جداً جداً …مو شرط تنامين 40 يوم …وحافظي على بيتك وزوجك
استأجري خدامه تساعدك على البيبي وهذا ضروري جداً جداً .
جهزي غرفة للبيبي بجميع المستلزمات …..ونيمي الخدامه فيها …
طبعاً أول شهرين ضروري ينام الطفل مع أمه …. وبالنهار أعطي الخدامه الطفل …وروحي نامي واشبعي نوم .
بعدين قومي خذي شور دافي وانتعشي …وتطيبي ..وتدهني كلللللللل يوووووووم ضروري جداً جداً .ولا تقولين استشم …بلاش كلام عجايز …أنا الحمدالله جايبه 4 ولا اتحمم إلا بجل شور من بودي شوب وأتدهن بأحلى الروائح وأتعطر .
رتبي غرفتك وزينيها بالورد حق المستشفى … واهتمي بشكلك ونضافتك ترى هذا له طابع خاص في مخيلة زوجك
خليه يتمنى اليوم اللي تخلصين فيه النفاس عشان يلتهمك التهام … بكذا تبقين في باله ويحسب الساعات عشان تخلصين من النفاس .
احرصي انه ما يشوفك ولا يشوف البيبي إلا وأنتم تفوحون من النظافه والكشخه …تفنني بشراء قمصان أنيقه للنفاس مع الأرواب الدانتيل الراقيه .
ولفي الطفل بألوان هاديه وأنيقه …وأبعدي عن الملون ترى البيج والأبيض أرقى .
ألبسي خواتم وحطي مناكير أحمر … وشيلي شعر جسمك لا توفرينه لبعد الأربعين ترى مو شطاره …
لازم تكونين نظيفه وتلمعين دايم بعيون زوجك .
وبعد ما تخلصين من النفاس ……يكون زوجك في قمة سعادته وينتظر هاليوم بفاغ الصبر .
روحي وسوي حمام مغربي وصنفره وغيري لون شعرك أحمر ولا اصفر ولا هاي لايت … أي شي غريب جداً ويليق عليك .. سويلك غره مدرجه ونزليها على عيونك ووجهك …
يومها لا تلبسين قميص نوم جديد ترى بطلت هالموضه …
البسي روب طويل بدون شي ..أو ملابس داخليه ولصقي على كل جسمك كرستالات …كثري منها بكل مكان على الصدر …والبطن …والفخوذ …والمؤخره …
حطي رووج مع ملمع بلون قوي ومثير ..
تعطري طبعاً .
وذيك الليله طفلك مع الخدامه طبعاً …ينام ( ونوم العوافي )
حقيقي أعجبني هذا الموضوعكثير وأتنمى يعجبكم أنتظر أرائكم حبيباتي على الموضوع وإللي عندها راي تضيفة عشان نستفيد منه كلنا وشكرا مقدما
كلمات سطرتها رجاء الخوف على اخواتك
فارجوا من الله ان ينولك منالك
ويفرج همك ويسعدك في الدراين
مقدر ابي امي تسوي البيبي لي و تهتم فيه
لكن نسيتي معاناة الحامل من اهمال زوجها لها ولمشاعرها في هالفترة
لكن ..
موضوعك هذا مثالي للغاية .. و مش أي وحدة امكانياتها تسمح لها تجيب خدامة و تعمل و تسوي ..
في ناس ما تقدر تعمل عشر معشاره .. ان كان من ناحية المادة أو القدرات الشخصية
نريد حلول عملية تتناسب مع الجميع ..
شي إضافي .. لا تنقلي شي يوحي ببهيمية البني آدم
 |
اقتباس |  |
 |
المشاركة الأساسية كتبها مريــم نور  |
 |
 |
| بداية الموضوع ممتاز ..
لكن .. موضوعك هذا مثالي للغاية .. و مش أي وحدة امكانياتها تسمح لها تجيب خدامة و تعمل و تسوي .. في ناس ما تقدر تعمل عشر معشاره .. ان كان من ناحية المادة أو القدرات الشخصية نريد حلول عملية تتناسب مع الجميع .. شي إضافي .. لا تنقلي شي يوحي ببهيمية البني آدم |
||
 |
 |
واقعي و حقيقي
جزاك الله الف خير
و بالنسبة للبنات اللي ما عجبهم
يعني اسمحوا لي الواحد ياخذ الفكره بشكل عام مو لازم يطبقها بحذافيرها
أنا عن نفسي لما ولدت طبقت معظم الأشياء اللي ذكرتها >>>> بس بدون شغاله
صحيح تعبت واااااااااااااااااااااااااااااااااااااايد بس اهم شي حبيبي أكون ريحته ولو بشي بسيييييييييييييييييط
أختي مريم آآآآآآمين وتسلمي ولو ماكنتو حقيقي أخواتي ماكان نقلت موضوع مهم ومفيد زي هذا.
حبيبتي روح الأنوثة صدقيني مع العزيمة مافي شي صعب يمكن تجدين الصعوبة في البداية لكن لما تلاقين حب زوجك وإهتمامة فيك وبالطفل ومشاركتة معك بجميع الأوضاع حتحسي بالسعادة بس هنا يجي دورك كيف تشاركينة معك بإسلوبك ودلعك و…… وصدقيني جربي وإدعيلي ولاتيأسي
فخر البشيري الله يعطيك العافية وأنا مانسيت شي لكن أخاطب النساء في منتدانا ولا أنكر أن دور الرجل مهم وكبير في العناية بزوجتة والطفل لكن إذ لم يجد تجاوب أو "إستجابة أو طلب من زوجتة أو لقى زوجتة نايمة كل فترة الأربعين عند أهلهاكيف نقيم دورة إن كان قادر على الإهتمام بالأم والطفل أو لا.
أخواتي مريم نور وأحلام نورانة خذي من الكلام الشي اللي يعجبك وحاولي وماحتخسري شي يعني الوحدة تدور رضا الله ثم رضا زوجها ماله داعي نعلق كل شي على الزوج بينما لونظرنا لأنفسنا ما حيكون هناك مجال للوم الرجل لما يلاقي محد معبرة ليه ننتظر هو يبدأ منخلينا أحسن ونبتدي إحنا عشان ما يلاقي الزوج منفذ للملل أو دخول إمرأة أخرى بحياتة ويكون الزوجة وإهمالها السبب وأنا ماقلت الرجل كامل والعيب فينا إحنا نسوي اللي علينا والباقي على الله.وعزيزاتي غيري بالفكرة حسب إستطاعتك ومشكورين ما قصرتو على الردود..
عزيزتي سماء الله يجزيك الخير كله وكلامك عين العقل وتسلمي.
وبالنفاس خاصة اول طفل لازم تكوون ببيت اهلها عشان امها تعتني فيها ولانه البنت ماعندها خبرة بس مو معنااة هذاا ما تعتني بزوجهاا لاا زم تهتم فيه
ممكن يجي يتغدى معاها ممكن العشا او العصر يكون عندها يعني لازم تسأل عنه بعد وتهتم فيه