شلونكم يااا بنات 
انا اليوم قعدت افكر ليش دايما المكياج اكثر شي تحرص عليه المرأة بغض النظر عن الحالة الاجتماعية أو العمر أو الجنسية ؟؟!!! والدليل على هذا كثرة الماركات بالعالم وتجدد الماركات الدايم
أنا عن روحي أحب المكياج لأني احب اكون متجددة والمكياج يغيرني مرة سمرة ومرة بيضة والألوان اللي احطها استمتع وانا اخلطها واحس اني اتجدد على حسب المكياج اللي احبه
انتوا شرايكم؟؟؟
ابي اعرف رايكم عن اهمية المكياج واذا هو مهم او لا و اذا مهم ليش مهم واذا غير مهم ليش؟؟
ليش المكياج أهم؟!!!
افكارج و طرحج دووم متميز
انا قبل كنت احب المكياج بدون حاسيه ،، يعني احس انه يشدني بدون مادري ليش لدرجة ان اي شي جديد كنت اشوفه قدامي اخذه
بس مع الوقت عرفت ان المكياج فن ،، عني انا احس انه هوايه بالنسبه لي مثل مافي ناس تحب الرسم اكيد احنا نحب المكياج
واللي يشدني اكثر انه عالم واسع و متجدد ،، و كل وحده تقدر تبتكر لها خط او ستايل تحبه
على قولة اختي كل ما شافتني ارتب مكياجي تقول لي يالله استأذن اخليج تسولفين مع مكياجج لووووووول
بس في طبع فيني غيرته اني ماشتري اي شي اشوفه ،، لازم اكون محتاجه له واكون متأكده من فعاليته ،، او يكون شي مميز
بس هم المفروض مثل ما نعتني ونهتم بالمكياج ،، لازم نحسن و نعدل بشرتنا و اجسامنا 
2
كلامج حلووو واشكر لج مشاركتج الحلوة
يا ليت انا اشتري بس اللي احتاجه لووووووووووووول
انا مشكلتي اني احب اجرب و احب كل شي حلوووو بس اشوفه بالمحل واجربه يدش مزاجي و تطري على بالي افكار حلوة له اخذه على طول
و صح كلامج المفروض نعتني ببشراتنا و اجسامنا والأهم نعتني بأرواحنا وجمالنا الداخلي قبل كل هذا
مشكووووووورة
لازم نهتم بكل شي فينا ،، و اهم شي الجمال الداخلي
اقولج شغله
تدرين شنو اللي خلاني صرت ماستعجل بشراء شي من المكياج
من فتره كنت ارتب مكياجي ،، وانا بطبعي احب اكثر الشادو البني والألوان الترابيه
وكل درجات البني والأوان الترابيه عندي ،، بس في درجة من البني دووم ادورها وابيها
عاد وانا ارتب المكياج اطالع علب الشادو غالبيتها درجات البني والألوان الترابيه و الذهبيه
لا والأردى كل علبه تشبه الثانيه في ألوانها
وهم ولا لون فيهم هو اللي ابيه
وربي انقهرت ،، خسارة الفلوس في هالعلب
و ازيدج من الشعر بيت،، ما لقيت الدرجه اللي ابيها الا بالعلب ام 48 لون
خسارة الفلوس و الدواره بالمحلات2
أي والله خسارة الفلوووس
هذا اللي يضيق الخلق
انا خدامتنا شافت مكياجي عطتني عين الله يقطع ابليسها
قالت لي انتي غنية قلت لها ليش جان تقول كل هذي فلوس عندج ؟؟!!!
والله تميت عقبها معاشي رايح على الدكاترة معدتي تعبت و ويهي طلع فيه حب الشباب قمت اخذ رواكتين و الحالة حالة
بس الحمدلله على كل حال
انا ماعندي شي مفضل
كل شي يمشي
ما احب افرق بين الألوان علشان مكياجي ما يزعل علي لوووووووووووووووول
أولا: الله يرزقنا معاج الجنة والمسلمين و المسلمات آمين يااا رب العالمين
ثانيا:انا لي الحين مدمنة عطورات والله تلعب دور بنفسيتي بشكل غير طبيعي و المكياج الحلووو يساعد في تعزيز شعور السعاده اللي عندي
ثالثا:ان شاء الله نتهنى بالمكياج واغراضنا كلها ياااارب ويسعدنا فيها
رابعا: اشكرج من كل قلبي لمرورج الحلوووو ومشاركتج العسل
أنا احب المكياج بس مو بهوس
صحيح اشتري كثير بس ما أكثر من المكياج في حياتي اليومية
الصباح مكياج خفيف وهادي لأني موظفة وفي البيت اثقله شوي بس في المناسبات اجلس ساعة عشان اعدل في عمري
المكياج برأيي مهم مو لتجميل الوجه … حلو انه يبرز ملامح الجمال في كل وحدة خاصة المكياج اللي مايغير من الملامح … اخفاء العيوب البسيطة واخفاء مظاهر التعب اهم سبب لاستخدام المكياج في نظري بالاضافة طبعا للتألق اللي تبان عليه الوحدة منا واللي يكسبها ثقة في النفس
جمال الروح يكتمل مع جمال الشكل هذا من رايي
واللي تهتم بالمكياج لازم تهتم بجسمها ونظافتها واختيار ملابسها عشان تصير صورة متكاملة
ماأدري ايش فيني شوي فصحى وشوي عامي
معليش مانمت زين البارحة واليوم السبت الله يعينا على الزحمة
مشكورة ياحلوة على المواضيع الحلوة مثلك
هلا و غلا مرموم
البنات ما قصروا معاج
بس حبيت اقولك اذا تحبين مكياج عيونك يثبت طول النهار
استخدمي كونسيلر من ميك اب فور ايفر او اي ماركة
ما راح يسيح الكحل و بيظل ثابت
و احس اللون الاخضر و الكحلي حلوين على عيونك العسلي