المقادير:
5 أكواب طحين-3 ملاعق كبيره حليب بودره-3 ملاعق صغيره خميره فوريه- 2 ملعقه صغيره بيكنج بودر- ملح- 2 فنجان قهوه سكر-1 ونص فنجان قهوه زيت- 1 وثلاثه ارباع كوب ماء-1 ملعقه صغيره هيل-ا فنجان قهوه نارجيل بودره ( اختياري)
الطريقه:
نخلط المقادير الجافه مع بعض… ثم نحط الزيت ونفرك باطراف الاصابع.. بعدها نضيف الماء شويه شويه ونعجن لمده لا تقل عن ربع ساعه او 10 دقايق بالماكينه… لااااااااازم بليز
بعدها نقسم العجينه لكوره.. 6-8 كور متوسطه..
نخلي العجينه ترتاح 30-45 دقيقه يكفي…. ما نريدها تختمر كثير… بعدين ناخذ كل كوره وبدون ما نعجنها مره ثانيه.. فقط نمدها ونرقها بحيث يكون سمكها خفيف مثل الكرتون… مش كثير خفيف.. متوسط اوكيه… ونقطعها على شكل + وبعدين x
اعتقد الفكره واضحه!!!
نخليها ترتاح 10 دقايق وبعدين عالزيت الساخن للقلي.. بس الزيت ما يكون نااااااار… يكون متوسط الحراره حتى تنضج من الداخل.. اوكيه…. وبسسسسسسسسسسسسس
وباذن واحد احد يكون عندكم الذ مندازي
منقول
وايد أحب المندازي واحنا نسميه لولاه .. جربت مره بس ظهرلي خشن لآني ماضبط العجينه
يعطيج العافية …
مشكورة على الوصفة بس كيف اسويها بالفرن احب طريقة الفرن
في انتظار ردك