الوضعيه الصحيحه للرضاعه الطبيعيه 2024.

مرحـــبا امهات …

بنـــتي الله يحفظها ويخليها عمرها الحين سنه تقريبا ..

في الليل

اذا اقعدت تصيح تبي حليب .. ارضعها وانا راقده ..

يعني احطها في طولي وارضعها ..

بعض الأحيان ارفع رراسها على يدي

وبعض الاحيان ما ارفع راسها بالمره

والحين عندنها التهاب بالإذن ..

امي تقول ان سبب الإتهاب .. الوضعيه هاذي لانها خاطئه

يعني تتوقعون كلام امي صحيح ؟؟؟ والله شلووون ؟؟؟

ارجوووووو الإفاده

تحياتي

ام العنود

هلا اختي … ما اقدر افيدج لان توني والده من اسبوع والنونو اذا برضعه اقعد على الكرسي واسند يدي بمخده

ايه اختي كلام امك صحيح .. و دايما اوثقي بنصايحها لانه مربية و عارفة !

اعرف صديقة لي ولدها صار له مثل بنتك و ظلت ترضعه و ماتخلي يدها تحت راسه لانها مو مقتنعه بانه السبب ! و بعدها صارت اذنه ترمي دم و غي ! و سمعه تأثر لانه الطبلة تأذت واجد ! بعدها امه ندمت ..

انا بعد بالليل لما ولدي يطلب الرضاعة اخليه بطولي و اخلي يدي تحت راسه او اخلي مخدة صغيرة بدل يدي و بعدين اشيلها بعد الرضاعة .. !

يا خبر ده انا علطول برضع كده صاحيه او نايمه لان زراعي يألمني

marshmellow

شكر على المرور وان شاء الله الأخوات ما بيقصرون .. ووحمد الله على سلامتج وسلامة النونو

انثى ..

شكرا على المرور والررررررد وان شاء الله خلاص تووبه ارضعها وانا منسدحه . وبدون ما احط يدي

amt-allah

حاولي ترضعين بالطريقه الصحيحه .. لا تلتهب بلاعيمه وتتأذين

هلا ام العنود ،، سمعت إن الرضاعة والأم نايمة وما ترفع راس ولدها يتسرب الحليب اللي يشربه ويخلي الأذن تلتهب ،، لأن في الحلق قناة توصل البلاعيم بالأذن ،، ومن جذيه مو زين ،، وربي يحفظ عيالكم ،،

يعني ترضعينها وانتي نايمه

يصير؟؟؟؟؟؟؟ظ

بصراحه ماعندي فكره لاني مارضعت طبيعي

بس سمعت ان الرضاعه بدون رفع راس البيبي يسبب ماي في الاذن

يقولون( أسأل مجرب ولا تسأل دكتــــــــــور)

أمج عندها خبره وتعرف يعني كلام أمج صحيح

الصراحه اول مره اسمع بهالمعلومه ان لازم يد الام تحت راس الياهل

انا بعد ارضع وانا راقده بس بدون ما احط ايدي

شكرا ع الافاده

الاخوات ماقصرو والله يشفي بنوتك ويحفظها