اشلونكم ؟؟
عندي سؤال صغير , وهو شنو اهم الفرش؟
.. انا اقصد فرش اللي تستخدم للشدو بس
لو سمحتوا ابي اسمهم ورقمهم بعد
لا تنسون بس ابي اهم الفرش اللي ما يضبط الاي شدو الا بستخدامهم.
ومشكورين
يعني اشوف في بنات فنانات في الشدو و كله يحطونه بأصابعهم ،، انا ماعرف طريقة الاصابع و اعتمد على الفرش وايد
بقولج عن الفرش اللي احسهم وايد مهمين
وانتي اختاري منهم اللي تحسين انج محتاجته
هذي احسها اهم فرشاه وهي الاساسيه للشدو
من ماك ورقمها 239 ،، للأمانه انا استخدم اللي من رد ايرث بنفس الشكل ومافي فرق بينهم ،، لكن الفرق في السعر بس
219 من ماك
هذي فظيييييعه ولها اكثر من استخدام وعاد انتي تقدرين تبدعين فيها مثل ما تحبين
ممكن للقوس بين الجفن الثابت و الجفن المتحرك ،، ممكن توزعين فيها كل الشادو
مع الاستخدام بتتحكمين فيها وبتعرفين تدمجين فيها الشدو روووعه
روعه للسموكي آيز وممكن توزعين فيها الشادو تحت العين لو حابه يكون الخط عريض و مموه
من كثر ماحبها عندي منها 2
226 من ماك بتغنينج عن اكثر من فرشاه ،، ممكن ترسمين فيها الحواجب ،، الكحل والايلاينر حتى الكحل الكريمي ،، والشادو او الكحل تحت العين
هذي تفيد وايد للدمج خصوصاً اللي يستصعبونه ،، اول استخدام بتحسينها ما تنفع لكن مع الوقت بتحسينها وايد سهله و تسهل المهمه وتختصر الوقت ،، احبها لو كنت ابي ادمج شادو وكنت مستعجله امررها على الجفن وكل الالوان تندمج .. اكتشفت لها ميزه ثانيه وهي اذا كنتي حاطه شادو وحاسه ان لونه قوي او ثقيل وتبين تخففينه مرريها على الجفن وشوفي النتيجه
واذا تبين فرش حلوه عندج ماك وفور ايفر
وشكرا لكم جميعا