هلا وغلا بالجميع
انا الاحظ بالصيف ومع الحرارة الفظيعة اللي نحسد عليها
ولله الحمد ومع الرطوبة الجميلة اللي تعفس كل شي حلو..
ألاحظ ان أثواب الرياييل أو بعض الملابس تلزق فيهم ريحة ابد مو حلوة
وتضايق حيل.. يا ترى ومن خبراتكم شنو ممكن نستعمل علشان هالريحة ما تطلع
واللي تتكون من الحرارة والرطوبة؟؟
ايش احسن بخور او عطور او مخلطات او …..؟ اللي تكون مناسبة لأثواب الرياييل
وتغطي على الريحة اللي تنتجها الرطوبة؟؟؟
لأني مقبلة على الزواج وأبي أعتني بزوجي وأبي أستفيد من خبراتكم :shy:
أتمنى ما تخذلوني والقى مساعدتكم
والله يجزيكم كل خير
ان شاء الله حد يفيدج..
بحيث أن الريحة تبقى مدة طويلة :qaq:
أنـا اعطــر ثياب زوجيـه بالعطر اللي يحبـه وبعدها علـى طول ادخنهـا لأن الملابس
تكون رطبه بعد العطـر وتثبت ريحة الدخون أكثــر
والريحه تدوم لمدة أسبـوع..والاسبوع الثانـي نفس الشـي
جربـي بملابـسج وشوفــي… :yes:
شوفي اختي
احرصي ان فنايل زوجج الداخلية تكون بكم
لان بعض الرياييل يلبسون فنايل بدون كم فمع الرطوبة تبين الفانيلة و في نفس الوقت ما في شي
ينشف العرق من منطقة الابط فيلطع دايركت عالكندورة و غير ان المظهر الخارجي يكون مب حلو
و عشان جيه لازم يلبس فانيلة بكم و طبعا يحافظ على الاستحمام و يستخدم ملطفات الجسم و مزيلات العرق الرول موجوده بكثرة في الجمعيات
في البودي شوب عندهم مزيلات ديودرانت روعه و خصوصا الوايت مسك
الله يوفقج ويسعدج يارب و يرزقج بالذريه الصالحه و يعينج انتي مع زوجك على تربية عيالكم احسن تربيه
والف مبروك