مراحب بنات .. اتمنى تكونون باتم صحه وعافيه
انا لما كنت صغيره صار لي حادث بصدري وسوولي عمليه
لما كبرت الاثر موجود
انا مابي اعالج الاثر عادي جرح وطبيعي يكون جذي
بس صدري اللي سوو في العمليه مشدود اكثر وصار اصغر من صدري عاليسار 
رغم ان صدري عموما مشدود وعاجبني
لكن ودي اصغر صدري الايسر عشان يصير تناسق اكثر
ودي اشده اكثر بعد لان الايمن مشدود طبيعي
انا سمعت معلومه بس مو مقتنعه فيها !! مو الكل تنطبق عليه طبعا
ان طبيعي يكون واحد اكبر بشوي من الثاني !
صج هالكلام
وهل الحل اللي اطلبه صعب جدااا !!
ياليت اللي تقدر تفيدني ماتتأخر وتعطيني بعض الحلول
وبدعي لها ليل نهار انشالله 
هلا يا عروس الأجيال اختي المعلومه صحيحه طبيعي انه يكون في فرق في الحجم بس مو كبير يعني ما توصل ان فرق قياس كامل؟ فاهمه؟ و انا صراحه ما انصح بلعمليه يعني مهما كان العمليه ممكن تنجح و ممكن لا (بعد الشر عنج) بس اذا انتي تحسين انج محتاجه لها الله يوفقج بس انا اقول لو انج تراجعين طبيب احسن لانه انا ما اذكر من فتره قريت مشكله جذي و اتذكر ان قال لها ان لازم تروح تسوي فحوصات و ان طبيعي ان يكون في فرق بس لام يجوفون النسبه كبيره او لا عارفه؟ ف انا اقول راجعي طبيب اول بعدين اذا قال لج ان انشالله مافيج شي ممكن تصلحين الوضع باي طريقه؟
و الله يوفقيج انشالله
اختي عروس صح هالمعلومه انه طبيعي يكون واحد اكبر بشوي من الثاني
طبيعي واحد يكون اكبر من الثاني اليسار لازم يكون اكبر و سالفة العملية نووووووووووووووووووووووووووووووووووووووووووووووووو ووووووووووووو لا تفكرين تسوينها بعيد الشر عنج هذا شي بسيط صدقيني العمليات هذي صعبة و دام فيها تخدير عام تزيد من خطورتهم الله خير حافظ طبعا بس فكري عدل و صلي استخارة و ادعي ربج وموفقة ان شاء الله
مشكورين عالاهتمام حبايب قلبي … بس فهمتوني غلط انا مو ناويه ابدا اسوي عمليه ومستحيل اكشف صدري عشان اسباب شكليه مو مرضيه .. يعني انا الحمدلله ما اعاني من مرض او شي عشان اسوي عمليه
لكن لما كنت صغيره سوولي عمليه خيطو الجرح 8 غرز على حلمة الصدر وشكلها واضح وباين الجرح
فصار الصدر مشدود وصغر اكثر
لكن مافي فرق كبير بينهم يعني صدري اوكى
لكن حبيت ان صدري الطبيعي اللي اهو بناحية اليسار يصغر شوي اذا ممكن
فما ادري هل ادلكه بخل التفاح
او استخدم عليه وصفات لتصغير الصدر
وانا قبل شفت وصفات بمنتدى عروس فيها لبخات من التفاح الطبيعي توضع عالصدر لشده وتصغيره
بس ما ادري وين الموضوع وباي قسم بالضبط
فياليت تفيدووني وجزاكم الله كل الخير