طبعا هذي قصتنا كل بدايه صيف
البرونــــــــــــــــــــــــــزاج
كل وحده تقريبا يدخل بخاطرها تسوي برونزاااج
او تحط ميكب برونزااااج
انا عن نفسي خااااااااطري اسوي جسمي كااامل برونزاج
بس ابي بكريماات ماابي اتشمس <<< تملل بسرعه وتبي تغير
بس لحد الان مالقيت المنتج العجييب اللي بيعطيني برونزاج حلو
ويتم مده معينه مثل 3 او 5 ايام
فالحين العب بروحي بالميكب البرونز
وطبعا لوكاات البرونز تتفنيين فيها على كيف كيفج
وانا بالنسبه لي احب ابرز اللون البرونزي بالبشره اكثر من اي شي ثاني
يعني احب البشره تكون ملفته وجذاابه اكثر من العين او الشفايف
وماشاء الله شفت موضوع لحبيبتنا مجد
تتكلم فيه عن البرونزااج بشكل عااام
وكذا عرووس بعد منزله موضوع عن لوكاات البرونزاج
ومواضيعهم كلهم روووعه وهذا مش غريب على بناات عرووس
الله يعطيهم العافيه يارب
المهم
انا موضوعي راح يكوون سلسله من لوكاااات البرونزاج اللي اسويها
يعني كل مابسوي لوك بنزله
وتقريبا البرونز يبيله تركيز اكثر على الوجه ولونه
بس سوييت كذا لوك فيه الوان وينفع ينحط لمناسبات واعرااس
بس بعد مش ثقييل لاء يعني متوسط
بس عموما افضل يكون اللوك البرونزي اكثر تركيز على لون البشره
وتوزيع الاساس والبرونز فيها
وبعد الهذره ببتدي باول لوك برونزاج
وهذا اللوك عملي
يعني للطلعات والزيارات الخفيفه والعائليه
************************************************** ******************************************
اول شي بعد تنظيف البشره
ابتديت بالبيس ،، هو كريم مرطب + بيس للمكياج من شيسيدو
وبعد ماامتصته البشره شوي ،، رشيت من الفكس+ من ماااك
بعدها بديت بتوزيع كريم الاسااس
وهو تقريبا نفس لون بشرتي
وزعته على كاامل الوجه
بعدها الكونسيلر
اخذت من اللون اللي بالنص وزعته على كامل منطقه العين
بالطبطبه الخفيفه باصابعي
وبعدها اخذت من هذي اللمعه المصخره ههههههههههههههه
والله صج مصخره اللمعه ماتبين كللللش
بس انا استخدمتها كبودره لتثبيت الاساس
وثبت فيها الكونسيلر بعد
والحين العين
الشدو في هذا اللوك بسييييط وناعم
وهو اني اخذت من بيجمنت فانيليا(الابيض)
وحطيته تحت الحاجب للاضاءه
ومن بيجمنت ميلون (الذهبي) حطيته على الجفن المتحرك
وشتته لفوق حتى يندمج مع الفانيليا
يعني تركيز اللون كان اكثر في الجفن المتحرك وتدرج للجفن الثابت
والعين حددتها بالشدو الاسود بالفرشاه المشطوفه
واول شي حطيت الاسود على الجفن العلوي
من النص لين نهايه حد العين ،، وبعدها بديت اخفف حده اللون شوي
وامده لبدايه حد العين(الحد الداخلي)
وتحت العين حطيت من الكحل الكريمي الزيتي
وحطيت منه داخل العين شوي
والحين البروونز
اخذت من بلاشر لانكوم البرونز بلمعه
اخذت كميه بسيطه ووزعته على كامل الوجه بشكل خفيف
وبعدها كثرت الكميه على الخدود وارنبه الانف
لين ماوصلت للنتيجه المطلوبه
والحين نرجع للعين
لونت الفراغات بين الرموش العلويه بالكحل الاسود
وبعدها حطيت المسكرا المقوسه من ديوور
واخر شي حطيت بيس الشفايف من جيرلاين
وفوقها قلوس برونز بشكل خفيف
وهذي صوره تقريبيه للوك العين النهائي
وبس هذا اللوك البسيط
اتمنى انه يعجبكم
وان شاء الله اللوكات الجايه راح تكون مختلفه شوي
من ناحيه توزيع البرونز والاساس والشدو << مابقى شي !
وانتظر ارائكم ونصايحكم
تسلميين على اللوك الحلو
والشرح الاوضح
والحين موسم الصيف كله مكياج برونزي
موفقه
حبيبتي الله لا يحرمنا من طلاتج وايد غبتي عنا باللوكات !!
ولكم فيج وبصراحة الموضوع متناسب مع الوقت وقت صيفي ولوكات خفيفة وحلووة
وبانتظـــــــــــــار اللوكات الجاية
ان شاء الله
وفقك الله :shy:
الله يسلمج حبيبتي
وعيووونج الاحلى
والله طلتج في موضوعي هي احلى باااك
وتسلمييين على النجمه يانجمه
وان شاء الله الحيين راجعه لكم
صيف وفاااضيه الحمدلله
مس ريم على اللوك الحلووووو
و العملي كثيييير ما يبي له وقت يعني
و لا تحرمينا من جديدك
و يعطيك الف الف عافية
M!$s Reem
ولكـم بـاك!!
تسلم ها الأنـامل على اللوكـ البرونـزي!!
لوكـ بسيط!! شرح متــقن !!
والنتيجـة أكثر من رائعـــة!!
بإختـصار!!
روعــة!!
مشكوره عزيزتي وتسلم ايدك موضوع فعلاً يستحق التميز وفي انتظار جديدك
تحيــــــ(f) ــــــاتي
المكياج البرونز احطه تقريباً بنفس طريقتج
بلاشر لانكوم عجبني كم رقمه
ويسلموووووووو ع مجهودك