اليووم راح احط لكم لوكي البرونزاج الثاني
وهو مختلف عن الاول
وهذا رابط الموضوع الاول
http://www.3roos.com/forums/showthread.php?t=251187
والحين راح ابدا لكم باللوك الثاني
:9_33:
طبعا الخطوه المعروفه وهي التنظيف والتقشير قبل المكياج
وبعدها ابدا بالمكياج
في اول خطوه وهي البرايم
ابتديت بالبيس من ديفينورا وزعته على كامل الوجه والرقبه
وانتظرت شويه لين ماتشربته البشره شوي
بعدها وزعت الاساس من ديفينورا بعد بالفرشاه
بعد توزيع الاساس
انتظرت شوي حتى يتجانس مع لون البشره
بعدها اخذت الكونسيلر
من باليت فور ايفر
استخدمت صبعي هالمره في التوزيع
وزعته على كامل منطقه العين
من تحت العين بالطبطبه الخفيفه
وفوق الجفن بالمسح الخفييف
الحين وزعت البرس باودر من البودي شوب<<< رهيييبه
على كامل الوجه حتى تثبت لي الاساس
وهي صراحه غاامجه بس باللوك النهائي بفتحها
بعدها اخذت اللوس باودر بعد من البودي شوب
اول شي مسحت به منطقه العين حتى اثبت الكونسيلر
وبعدها حطيت منه تحت العين حتى يلقط الشدو المتناثر
والحيين الشدو
اخذت من شدو نايلون بهالفرشاه من مااك << ناسيه رقمها !
ووزعته تحت الحاجب للاضاءه
وحطيت منه شوي على مدمع العين الخارجي والداخلي
طبعا مثل ماانتوا شايفين نايلوني
سلم عليكم ورااح في العسل
واول شي بحط لكم صوره للفرش المستخدمه وبعدها بابدا الشرح
حتى يسهل عليكم
اخذت بفرشاه رقم 1
من الكحل الكريمي البني
وسويت به قووس بين الجفن الثابت والمتحرك
وبفرشاه رقم 6 اخذت من الكحل الكريمي الاسود
وحددت به العين بشكل خفيف من تحت
بحيث اني مليت الفراغات بين الرمووش
وبشكل اعرض شووووووي من فووق
والحين من باليت كولكشن هوليدي
اخذت لون رقم 1 وحطيته على كاامل الجفن المتحرك
بفرشاه رقم 3
والشدو الوردي (رقم 2) من البودي شوب
حطيته على الطرف الخارجي من الجفن الثابت
وبعدها اخذت فرشاه الدمج (رقم 4) وبديت اشتت اللون الوري
من النهايه حتى مايكون اللون متركز لين نهايه العين
لاء يكوون متشتت
وبعدها بفرشاه بوبي براون رقم 2
اخذت من الشدو البني رقم 3
وحطيته على القوس اللي سويته بالكحل الكريمي البني
والقوس مديته من بدايه الجفن لين نهايته
وتمييت ادمج الالوان ببعضهم بفرشاه الدمج من ماك رقم 4
لين وصلت للنتيجه المطلوبه
بعدهت بفرشاه رقم 1
اخذت من الكحل الكريمي البني شوووي
وحطيته تحت العين
وفوقه بنفس الفرشاه اخذت البيجمنت البني وحطيته على الكحل
حتى يثبت البيجمنت
والدايموند حطيت منه شوي على عظمه الحاجب
ورجعت حددت العين من فوق بالكحل الكريمي الاسود ومديته لبرع شوي
بفرشاه الاي لاينر رقم 5
وبفرشاه ماك اخذت من البودره البرونزيه من البودي شوب
وسويت الهايلات للوجه
وبعدها ببلاشر بروجرا
هو لونه وردي وفيه لمعه ذهبيه
حطيته على عظمه الخد بشكل خفييف وعلى اطراف الجبهه شوي
ووسط الانف شوييونه
ووزعت البوتي باودر على مناطق الاضاءه في الوجه
وطلع التوزيع رهييييب
وترى على كثر اللي حطيته بس ماطلع ثقيل
لاني احط من كل شي شوي
وبعدها رجعت للعين وحطيت المسكرا
واخر شي حطيت بيس الشفايف من جيرلاين
وفوقه المحدد والغلوس النحاسي
وهذي صوره تقريبيه للوك
صاااار لي اسبووع وانا اعدل فيها
لين اوصل لنتيجه قريبه،،
والروج ماقدرت احط لكم لووون قريب لانه لوونه غيير على الطبيعه
وايد احلى من الصوره مش بااهت
وان شاء الله اللوك يكون عجبكم
واي ملاحظه او استفساار آآآمروني00
:1_3:
غاليتي ميس ريــــــم
ماشاءالله عليج الفااااااااال لي يارب اصير رايقه واتعلم كل هذا
بروي اختي الموضوع لانها تموت عالبرونزاج
تسلمين عالموضوع البرونزي ويعطيج الف عافيه
مع تحياتي
:9_33:
تسلمين والله يا M!$s Reem
لوكـ أكثر من رائع ، ومب غريبـــة عليج!!
حبيت اللوكـ وايـد ،، والشرح وافـي ما فيه قصـور!!
لا حرمنـا من مواضيعج المميـزة!
يعطيج العافيه
على الخطوات واللوك الجميل
وعجبوني الالوان المختاره 
وننتظر لوكاتج الجديده
موفقه
احب الوردي مع البني
لوك حلو وخطوات واضحه وتصوير يهبل
مشكوووووره ياقلبي
وبأنتظار اللوك الياي :2_106:<<<<<<<<<< ماتنعطى وجه طماعه
:9_33:
لوك رووووووعه وموضوع ولا احلى
يعطيك العافيه ولاتحرمينا من لوكاتك الحلوه:clap:
وبودرة البودي شوب رهيبه كلمسه اخيره
تثبت المكياج وتعطي لوك مخملي
واللوك جناااااااااااااان
الله يحفظج
تسلم ايديج و ننتظر المزيد من لوكاتج الحلوة 
_smil1:
تسلم ايدج