..
اليوم حابه أشارك بموضوع يمكن يكون شاغل أمهات كثار وطبعا كلامي يخص الأطفال الرضع في أول 3 شهور .. وبدخل بالموضوع على طول .. بالنسبه للرضع من الشائع جدا ان يكون عندهم مغص ومشاكل في بطنهم وهالمشاكل تندرج في نوعيين ( اسهال أو امساك ) وللأسف احنا الامهات نعاني من الحالتين وما يعجبنا شي نريدهم يكونوا طبيعين وعلى بالنا الطبيعي انهم يكونوا مثلنا … بس الصح يا خواتي والصحي للطفل الرضيع انه يتبرز بعد كل رضعه !! طبعا بتستغربوا من كلامي لان الطفل بهالسن يرضع تقريبا كل ساعتين فمعقوله يعملها كل ساعتين بهالحالة احنا نسميها اسهال … بس المعلومة تقول ان هذا الصح ويعتبر اسهال روتيني .. اللي يصير اثناء الرضاعة الطبيعية أو الصناعية ان الطفل وهو يرضع تدخل غازات في معدته وهي اللي تسببله المغص ( هذا اذا ظلت في بطنه ) أما بالنسبه للطفل الطبيعي واللي معدته تعمل بطريقة سليمة فبمجرد تحصل عملية الرضاعة تقوم المعدة بفلترة الحليب تاخذ المفيد وتخرج الغازات على طول عن طريق البراز وبالتالي ترتاح المعدة وتشوفي الطفل بعد ما رضعتيه ورفعتية للتجشؤ ويكون عاملها بنفس الوقت فبمجرد تغيريله على طول بيكون مرتاح .. بس الامهات يتعبوا من هالوضع ويشتكوا ان أطفالهم دائما عندهم اسهال من الرضاعة وأعرف كثار توقفوا عن رضاعة اطفالهم طبيعي لانهم يعتبروا حليبهم قوي ويسبب اسهال للطفل !! واللي تعطيهم صناعي تظل تغير أنواع الحليب لين تسبب أمساك للطفل وترتاح هي ويبدأ يعاني هو !!! فيا عزيزاتي الأمهات كل اللي عندها رضيع بهالشكل تحمد ربها ان الطفل معافي وسليم وعاد تتحمل تغيير الحفاظات كل شوية .. إلا ان فيه نقطة حابه اذكرها وهي اذا الطفل يرجع كثير مع الاسهال وبشكل غير طبيعي وكمية كبيرة فمعنى هذا انه ما يتحمل اللاكتوز وهو السكر الطبيعي الموجود بالحليب ففهالحالة تغير الحليب الصناعي الى حليب خالي من اللاكتوز وهو موجود بانواع كثيرة من الحليب الصناعي وما عليهم إلا العافية .
أما بالنسبة للنوعية الثانية من الأطفال وهم اللي غالبا يعانون من الامساك فعادة معدتهم تكون مضطربة وغير مرتاحه .. وهنا أحب أأكد على ضرورة عدم اعطاء الرضيع أي شي بالفم بتاتا وياريت يقتنعوا الامهات ويوقفوا الوصفات الشعبية اللي يتداولوها ( يانسون وبابونج ووووو ) هذي كلها أعشاب مهدئة للمعدة ما قلنا شي بس هي غير مناسبة للرضيع قبل 3 شهور بالعكس تزيد توعك المعدة وممكن فعلا تحل مشكلة الامساك لان المعدة غصبا عنها بتحاول تطرد هالخرابيط منها بس بتتعب المعدة لانها اساسا غير مستعدة لاستقبال أي شي غير الحليب والحليب فقط … فنصيحتي وعن تجربة خواتي كل اللي ممكن تعملية في حالة إمساك الطفل انك تدفي زيت زيتون أو زيت لوز أو أي زيت انتوا متعودين تستخدموه وتمسحي بطن الطفل بهالطريقة .. في البداية قومي بالتدليك بشكل دائري حول السرة باتجاه عقارب الساعة وثم عكس عقارب الساعة تقريبا 5 مرات لكل جهه وبعدها قومي بوضع ابهاميك ابتدا من فوق السرة وتحديدا بجانبي السرة والضغط بلطف بطريقة المساج بشكل مستقيم الى تحت وتكرر هالطريقة 10 مرات وممكن تكرارها اكثر من مرة لحين ما يتسهل الطفل ومع الوقت بتحسوا ان بطنه لان وبيبدا يعمل بشكل طبيعي وفيه أنواع خاصة من الزيوت لغازات معدة الطفل وطبعا مخصصة لعمل مساج للاطفال وتزيل الغازات بشكل فعال وانا شخصيا عندي هالنوع وهو ممتاز وهذي صورته ..
وأخيرا و لانكم عضوات هالمنتدي عزيزات علي حبيت أفيدكم بالمعلومات اللي عندي واللي طبعا نتاج تجربتي الشخصية مع أولادي الله يحفظهم لي ويتمم عليهم نعمة الصحة والعافية وأولادكم أيضا واهداء خاص لخواتي أمهات شهر مايو 2024 ;)… الرجاء عدم نقل الموضوع واذا عجبكم ممكن تقيموني او ترفعوه بدعوه حلوة والله يحفظلكم أولادكم .
بسوي لش دعايه عند تجمعنا خخخخخخ
وتستاهلين التقيييم
ومشكورة لنقل لنا خبرتك ~~
/
::
يسلمووو يا قلبي
/
::
 |
اقتباس |  |
 |
المشاركة الأساسية كتبها شجون إمرأة  |
 |
 |
| مشكووووووووووووووووورة ع الموضوع القيم وبيفيد كل البكريات اللي نفسي
بسوي لش دعايه عند تجمعنا خخخخخخ وتستاهلين التقيييم |
||
 |
 |
مشكورة الغالية وأنا جاهزة أفا عليج .. عادي الأستشارات اليومية شغالة من أهلي وصاحباتي فكل خبرتي ما تغلا عليكم .
|
اقتباس | |
|
المشاركة الأساسية كتبها أمـيــرة بصمتـــي |
|
|
| الله يحفظ لج عيالج إن شاء الله ..
ومشكورة لنقل لنا خبرتك ~~ |
||
|
|
تسلمي حبيبتي وشكرا ع المرور.
|
اقتباس | |
|
المشاركة الأساسية كتبها •●شااانيل●• |
|
|
| يسلمووو يا قلبي | ||
|
|
شكرا أختي
|
اقتباس | |
|
المشاركة الأساسية كتبها **قطرات الندى** |
|
|
| جزاك الله خيرا | ||
|
|
مشكورة حبيبتي
|
اقتباس | |
|
المشاركة الأساسية كتبها جوري الحبj |
|
|
| مشكورة اختي على الموضوع فعلا بنتي تعاني من مغص حااد بس لما رحت للطبيب نصحني اعطيها مغلي اليانسون وماء الغريب ! | ||
|
|
الله يعافي بنتج بس ما خبرتيني كيف بطنها يمشي عادي ولا امساك ؟؟ عموما أنا أنصحش بالمساج فقط تريحي بطنها .. وسوري مع احترامي للطبيب بس شكله عربي ومتأثر بكلام العجايز .. وأنا بصراحه ضد هالسوالف حتى بالنسبه لماء الغريب احنا عندنا منعوه بالبلد فترة طويله لاحتواءه على نسبة عالية من المخدر وهي اللي تخلي الطفل ينام فبصراحه ما أثق فيه . جربي اختي تعمليلها مساج بالطريقه اللي ذكرتها وشوفي يمكن بتفيدها بدون ما تثقلي معدتها .