لبمشكلة هي الترجيع .. يا جماعه ما خليت دكتور ولا ادوية شعبية .. والولد الين الحين يرجع كل الي يشربة حتى الماي يرجعه …
اتصدقون اني يوم اطلع لخذ معاي اكثر عن 7 بدل .. لاني اعرف ان بيرجع وبيخيس الدنيا …
شو رايكم بالي قاعد يصير .. شو تفسير هالترجيع .. ولين متى بيتم الولد على هاي الحالة …
انا سمعت ان الترجيع يستمر الى عمر 6 شهور بعدين يخف….
طمنينا عنه
وان كان كثير يعني مايقعد في بطنة شي يمكن المعدة مقلوبة ويبيلها وحدة خبيرة تمسدها ’وانا مجربة كان واحد من اولادي يرجع خصوصا الشهرين الاولى ونصحوني كل يوم قبل ماينام ادفي زيت زيتون وامسد بطنه من فوق لتحت واركز على المعدة
والحمدلله طاب وصار طبيعي
بعيد الشر عن ولدج بس انصحج اتودينه المستشفى وما عليج من العيادات الخاصة عشان تطمنين شو سالفة الترجيع المستمر
حاولي ما تعطينه الحليب مره وحده …يعني اذا كان يرض من المرضعه عطيه رقمين و وقفي و دقي على ظهره يعني خليه (يتجشع ) و بعدين كملي ..و بعد حاولي ما تلاعبينه وايد و تضحكينه على طول بعد ما يرضع خليه يرتاح شويه
انا بنتي ترجع اذا ضحكت معنها تكون احلى شي و مستانسه بعد الرضاعه امسك نفسي علشان ما الاعبها علشان ما ترجع ..و كانت ترجع الماي دايما اذا عطيتها لكن الحينه الحمد الله لا
و هذي الاشياء تختلف من طفل للثاني