بغيت طريقة اعداد الحليب بالزنجبيل؟ 2024.

سلام عليكم عرايس

لو سمحتوا بغيت طريقة اعداد الحليب بالزنجبيل بالتفصيل اليوم جايتني الدوره وبغيت اشربه.. لو سمحتوا بغيت بالتفصيل الطريقة.. واي لون اهو الزنجبيل الطازج مااعرفه لاني اول مره بسوي.. وعادي اسوي من الزنجبيل البودره اللي يجي بعلب؟ واي واحد افضل ؟ اللي تعرف لا تبخل ضروري لو سمحتوا وشكرااا

حبيبتي انا اسويه بالزنجبيل البودر اجيبلي لترين ماي وحطيت معاهم ملعقة كبيرة زنجبيل بودر او تبين اكتر يسير بس بيكون قوي حيييييييل المهم خليه يغلي عالنار واذا ما بدك يكون قوي لا تتركيه يغلي كتييير وبعدها طفي النار تحته وضيفي عليه بودرة الزعفران بس مو الزعفران اللي لونه يجي احمرلا في علبة تجي لونها اصفر ومكتوب عليها بودرة الزعفران وحطي منها ربع ملعقة صغيرة ولا تكتري لانه يصبغ بسرعه وبعدها ضيفي ملعقتين كبار كوفي ميت او علبة كارنيشن المهم ما يكون الكارنيشن بارد لازم يكون نفس حرارة الغرفة دافي او اذا يغيتي حطي بيالتين حليب عادي واذا تحبي طعم الحليب اكتر زيدي الحليب وبعدها حطي عليه ملعقة صغيرة زعتر بري اللي نحطة عالبيتزا وسكري البراد عليه وخليه نص ساعه يتخدر وبعدها صبيه بالمطارة بالهنا والشفا يارب ولا تنسي تدعيلي ربي ييسر اموري ويستر علي

وعليكم السلام والرحمه

مشكوره خيه على الطريقه ويعطيج ربي اللي تتمنينه وييسر امورج ويستر عليج يارب دنيا واخره

و عليكم السلام و رحمة الله و بركاته…

إذا بتسوين حليب طازج، إغلي الكمية اللي تبينها، مثلاً لو كوب حليب أنا أحط عليه نص ملعقة صغيرة زنجبيل بودرة و رشة هيل و فلفل أسود…
ما أنصحج تستخدمين الزنجبيل الطازج مع الحليب، لأنه الحليب بيفرط عندج و يصير مثل الروب… الزنجبيل الطازج استخدمه لحاله، أبشره و أحطه في الدلة مع شوي زعفران و أصب عليه الماي المغلي…

موفقة عزيزتي F:

أحسن طريقه لعمل حليب بالزنجبيل هي :

جيبي الحليب الطازج اللي في جوالين في السوبر ماركت ..

وصبي الكميه اللي تكفيك في ابريق .. واتركيه يدفأ على نار هادئه ..

حطي في الكوب ملعقة صغيره سكر + نص ملعقة صغيره زنجبيل بودرة .. وصبي عليهم الحليب ..

هذي أحسن طريقه وسهله وطعمها وآآآآو ..