خواتي انا صبغت شعري وسويت له هاي لايت أحمر والمشكله ان شعري انصبغ ثلاث مرات في نفس الجلسه علشان يطلع اللون المطلوب وبعدين إضطريت اني اصبغه أسود لظروف ……….
يعني شعري احترق صار ليف من كثر الصبغات.
شسوي كان شعري لين نص ظهري ويجنن الحين قصيته مثل الكاريه والمشكله انه واقف ليف حتى لما اغسله ما اقدر امشطه الا لما اسوي له حمام كريم.
الله يجزيكم خير ساعدوني ابي حل. أو اني بقصه نفس إلهام الفضاله.
إنتظر ردكم.
الكاشخة
انتي بعد نفس حالتي… أنا بعد سحبت لون شعري شعري وصبغته 3 مرات في أقل من شهر… والحين صاير مثل الشووك.. ونص شعري طاح..
للأسف أنه مافي حل الا انج تصبرين لين ما يطول شعرج وتقصين المصبوغ..
وعليج بالحمامات الزيت والكريم…
واشالله تتشافين
مشكوره إختي العين الساحره على المرور والرد
بس بصراحه ما خليت شي ما سويته حتى خلطة الجزر المكتوبه من يومين سويتها اليوم ما فادت.
إن شاء الله بصبر لين ما يطول وبغذيه بالحنا وخلاص.
الكـــــــــاشخــــــــــه
بس طولت بالي عليه وكرهت شعري بمعنى الكلمة وصار خفيف بعد ماكان كثيف لدرجة توقفت عن الصبغ ونادر اعمل استشيور واعمل بعض الاوقات حمام زيت طولت بالي عليه وما هان علي أقص شعري بيصير بوووي
والحين رجع مثل الاول كملت سنة ما صبغت شعري بس يحتاج صبررر لا غير يكون عندك أمل شعري بيرحع ثل الاول..:eek2::eek2:
استخدام خلطة السدر حتى تعالج شعرك بعد الصبغات وهي رح تخشن الشعر وتجففه بس بعد استخدام حمام الزيت والبلسم رح يتحسن ان شاء الله ..
فلابد من وجود فتره لاتقل عن ست شهور بين الصبغه والثانيه
والحنا مفيده بس اللي شعرها جاف ما انصحها انها تحط الحنا لانه يجففه
زياده والحين اختي خلي شعرج يطول مع الاهتمام بتغذيته
استعملي خلطات من الزيوت وبصوره مكثفه مع استعمال حمام كريم
مناسب لنوعية شعرج وبعد الشامبو المناسب
واذا كان شعرج جاف من الصبغه عليج بصفار البيض مع زيت الزيتون
تراه يعيد للشعر صحته وقصي اطراف شعرج كل شهر
انا اصبغ شعري كل اسبوعين لان فيه شعر ابيض
وعشان ما يخشن الشعر وصفت لي الكوافير هذه الطريقة :
اولا بعد الصبغ بيوم تدهنين الشعر بزيت زيتون اصلي وتخلينه عليه مدة من الليل الى النهار وتغسيل الشعر بالشامبو عادي وبعد الشطف تخلين الشطفة الاخيرة بماء مخلوط معه خل يعني ملعقين خل على كاس ماء
وخليه على الشعر وما تغسلينه من الخل ( مع ليش الريحة حتروح بالتدريج).