شحالن بنوتات
_smil1: عساكن بخير وسهاله
قصة الموضوع:هالموضوع لكل وحده تحب تفنن فالعبي والي بتيلس تقول حرام لا ترد عالموضوع لانه نعرف متى نلبس هالعبي ومسوين هالموضوع كمرجع لا غير .ماشاء الله فدبي طلعن وايدات اللي يسون عبي اللحين فالبيت وماشاء الله من كثرهن ما قمنا نعرف عند منو نسير…
الهدف من الموضوع:1.الهدف من الموضوع انه نتعرف على هالبنات اللي يسوون العبي و نشجع الصناعات المحليه 
2.قريت وايد مواضيع فالمنتدا عن الخامات والمحلات بس انا بهالموضوع بغيت اسلط الضوء (ههه حلوه اسلط الضوء) على اللي يشتغلن فالبيت سواء فدبي او في بوظبي او فالشارجه او اي من الامارات الثانيه
ملاحظه:
ما اسوي دعايه لحد ولا هذا القصد من الموضوع بس حابه افيد واستفيد وما شفت موضوع متكامل عن العبي او مرجع عن اللي يسوون عبي شفت مواضيع عن الاقمشه والمحلات بس انا ما ابا عن المحلات انا ابا نخلي الموضوع بنات يشتغلن من البيت وما نعرفهن مثلا يعني مواطنات
وطبعا ارحب بمشاركات بنات السعوديه والكويت وقطر وعمان والبحرين حياكن الله ممكن تشاركونا بعد عسب نستفيد لو ان شاء الله سافرنا وبغينا نسوي عبي او انتن يتن وبغيتن تسون عبي_smil1:
بنات اتمنى تفاعلكم
:9_33::1_3::9_33:
عني انا بكتب عن كل اللي تعاملت معاهم وعجبني تعاملهم وموديلاتهم مع الاسعار كل مره بكتب عن وحده
اول شيء : زهره كرمستجي : ماشاء الله عليها وايد محترمه وطيبه
نوع عبيها: عبي اكثر شيء مال مناسبات بس عندها بعد عبي بسيطه
اسعارها: 1500 وفوق بس عبيها فخمه
ملتزمه بمواعيدها
مها
نوع عبيها: في عادي وفي مال زيارات
اسعارها من 1000 وطالع
اخر فتره اشوفها مش ملتزمه بمواعيدها بس موديلاتها حلوه ماشاء الله
ليش توقعته بيكون مرجع النا كلنا
المحل مال وحده مواطنه بس المصمم فلبيني
عبيهم اغلب شيء مال مناسبات بس صدق صدق روعه
عندهم عبي حلوه مال استخدام يومي
بس اكثر العبي يصممنهن لج انتي بس
اسعاره من 1500 ا وطالع للمناسبات
انا ما جد سويت عنده مال لبس يومي فما اعرف الاسعار
محد كتب كلمه وحده بعد
انتي البداية ونحن نكمل
بس للاسف ماعرف بنات يفصلون فالبيت
دوم اروح محلات عندنا فالعين
لا واستغلاليين
يعني نفس الموديل..والاسعار فرق كبير بين بعض
تسلمين إختي على الموضوع الحلو،،
توني والله أشوف الموضوع،،
ما شاءء الله بنات الإمارات الحين أغلبهم يصممن أحلى العبي،،
وخاصه بنات دبي عليهن ذوق في كـل شئ،،
نحن في العين ما نشتري إلا من عند ماي فير ليدي وموزان،، وأحيانـا خنجي،،
حاليـا لقيت واحد يصمم عبي عمليه ،، ويوصل العبايـة لين البيت ،،
بس خاطري في عبايه شكل جديد وموديل جديد،،
آخر عبايـه خذتهـا بـ 2000 عند موزان ،، كلهـا لؤلؤ،،
أشكرج على الموضوع ،، وإن شاءء الله تلقين الردود اللي تسعدج،،
وبخصوص الأخوات المصممـات إذا ممكن الأرقام ع الخـاص أكون شاكرة لج،،
ان شاء الله اللي طلبت الرقم بطرشلج
بس مها يقولون عرست ما عرف بتفصل ولا لأ بس بطرشلج رقمها