بنات الامارات تكفون اختكم من الكويت عندها جم سوال 2024.

السلام عليكم
اشلونكم
اعرفكم على نفسي
انا من الكويت
وحابه ازور دبي
ابي اعرف جم شغله وين تنباع
مطارات القهوة والشاي الشوارفسكي ؟
هل صحيح انه اسعار الاجهزه النقاله والالكترونيه ارخص عندكم شنو اسم السوق اذا فيه سوق معين للاجهزه الالكترونيه واسعاره تنافسيه؟
بالنسبه للعبي والملافع ابي مكان غير مجمع ابوهيل بس مميز لانه اشكثر يردون الكويت منكم ملافع شي غريب عجيب؟
واخيييرا
شنو ا فناتك التقديم للاستقبال اللي هابين فيها عندكم؟
ادري انكم ماراح تقصرون وياي
ناااااااااااااااااااطرتكم

يالله بنات تبي

شدوا الهمة و ساعدوا اختنا من الكويت

حياج الله في البلاد و ان شاء الله خبيرات هالسوالف يفيدونج

الزمرده
يامال العافيه على الرد السريع
يلا بنات ناطرتكم

أنا بصراحه اول مره ادري ان الاجهزه عندنا رخاااص خخخ
انتي شوفي في المحلات العاديه يمكن سعرها ارخص منكم بشوي

وعن الدلال انا مادري وين يبيعون السوارفسكي بس اعرف وين يبيعون الدلال العاديه >> بس انا من العين ما اقدر ادليييج في دبي لاني ماعرف ..

و عشان العبايا انا بقولج وين تفصلين لاني افصل هناك

في ستي سنتر بتحصلين الاختيار الاول
وماي فير ليدي في أبراج الامارات

وفيه واايد وايد محلات بتحصلينهن في المولات

وفنون الاستقبال والضيافه طرشيلي ر ساله خاصه شو تبين تعرفين وانا بعلمج

اتمتى البناااات يفيدووووونج واذا عرفت شي ان شاء الله ما ابخل عليج
بس عشااان العبي في عجمااان بنايات الشيخ حميد بتلقين عبي اشكاال وانوااع

بن ــ الامارات ــت
مشكووووووووووووووووووره على الرد
حياتي الخاص للحين ماقدر ادز لانه ماعندي مشاركات
صدفه حبيته
مشكووووووووووووره وفعلا ماي فير ليدي حاطته بالقائمه
اليوم شفنا وحده لابسه عبايه في السوق رووووووووووعه جان نسالها من وين والا تقول من الامارات
يللللاناطرين الباجي انشالله يفيدوني

حيا الله أهل الكويت كلهم والله بتنورون البلاد

حبوبة في برجمان شي صفة محلات عبي و في مركز الغرير بعد.. تقريبا اغلب المولات بتلقين نفس المحلات… (الاختيار الأول.. ذا سوان.. سويت ليدي.. البندر.. حناين) و اذا ع السكارفات انا آخذهم من محل في برجمان اسمه فرو فرو (يعني صوت الحرير بالفرنسي) لول و سكارفاته ماركات… لو تشوفين مذيعات سما دبي و قناة دبي تقريبا اغلب سكارفاتهم من هالمحل..

الموبايلات عندج بلج انز-اكسيوم-الامارات للكمبيوتر(مب متأكدة من اسمه)-فونو-و عندج ألو ديرة بعد… و الالكترونيات شي في كارفور-هايبربندة-مركز اللولو-جاكيز للالكترونيات و بلج انز… وأحيد عندنا مركز اسمه مركز العين صوب برجمان بس أحيده يبيع كمبيوترات .. مب متأكده اذا يبيعون الكترونيات ثانية..

اتمنى اني فدتج اختي و ان شالله تستانسين و تلقين كل اللي تبينه..

malaanah
ميرررررررررررررررسي على الرد حياتي
واستفدت من ردج
بس انا زعلانه منكم بنات الامارات المنتدى لكم وبس 3 اللي ردوا علي
ليييييييييييييييييييييييييش؟؟؟؟؟؟
اهم شي الدلال مطاطير القهوه والشاي اللي منقوشه بستراس وين القاهم