ابي اشيل شعر وجهي بالشمع بس ما عارفة صالون يسويه لي عدل ، جربت مرة من قبل عند واحد من الصالونات بس وجهي التهب عدل /
فيا ليت اللي جربت وحدة تعرف تشيله عدل يا ليت تقولي شو الصالون .
وبعد اللي تحف بالخيط في أي صالون يحفون عدل ، ومنو اسم اللي سوته لج.
في صالون في عيمان …. وايد يمدحونه … بس حق شل الوجه …. والحواجب …. وتلاقينه دايما ممتلي يعني تيلسين بالساعات لين اييج الدور ….حتى بنات دبي اييون هالصالون … وانا ومرت أخوي وخواتي وربعي دايما انسير هالصالون .. … و. انا ما أقدر اكتب اسم الصالون عالعام … يمكن مب مسوح…. بس اذا حبيتي ممكن أطرشلج عالخاص ….
والسموحه
إختي akak الصالون اللي طرته الإخت قلب ينبض بحب زايد يشلون الوجه بالشمع بعد
وماشاء الله دوم زحمه
عن نفسي شريت نفس جهازهم وأشل ويهي وجسمي كله بالشمع في البيت
واكتشفت انه الشمع أروع من الحلاوة بوايد بالنسبة لي
وتذكري الغاليه انج بعد ما تشلين بالشمع اتيبين طاسه فيها ماي ورد وثلج وتغسلين ويهج
علشان تبردينه وعقبها تدهنينه بزيت اللوز الحلو ولو تقدرين اتمين كم يوم قبل الرقاد تدهنين ويهج بزيت اللوز الحلو
صدقيني بتشوفين بشرتج بيبي
هاي طريقتي والحمدلله ولا حبه تظهر لي من بعد الشيل
إن شاء الله أفدتج عيوني 
موري ما حد من ربعي يعرف يشيل بالشمع .
قلب ينبض بحب زايد و لون المطر يا ليت تطرشولي اسم الصالون على الخاص ،
ترى قبل جربت مرة اشيل بالشمع عند صالون بس حسيت مالة الصالون ما تعرف تشيل بالمرة، وشو استوى وجهي من الحبوب
فأن شاء الله استفيد من خبرتكم ،
بس كنت باسألج لون المطر كنت مفكرة بعد الشيل احطي زيت الزيتون لأني سمعت أنه يخفف نمو الشعر بعد الازالة ، بس ما اعرف استخدمه ولا أستخدم زيت اللوز.
زيت الزيتون روعه للبشرة وخصوصا الدهنيه
لكن بعد الشيل والبشرة تكون متهيجه تقريبا ما جربته بصراحه
لكن اللي أستخدمه دوم زيت اللوز الحلو ووايدات علمتهن عليه وعايبتهن النتيجة
موفقه عيوني
هيه الغالية اسم الصالون يبدأ بحرف خ ………………
akak
تشيكي على الخاص ………………..
والسموحة عالتأخير …………….