بسم الله الرحمن الرحيم
السلام عليكم ورحمة الله وبركاته
شحالكم يا بنات عساكم بخير
بنات الله يخليكم الي عندها وصفة حق السمك المشوي نفس الي نشتريه من المطاعم
ويكون معاه عيش أبيض وصالونة سبايسي ، تكتبون لي الوصفة
خاطري فيها وإنشاء الله بسويها للأهل
أنتظر ردودكم
أختكم في الله
انشالله غيري يفيدج
العين الزرقاء
تسلمين حبيبتي على مرورك
ما شفتي موضوعي الله يهداج
اطلبي اي وصفة وانا انفذها لج
في غداء كامل عن السمك
والصالونه زيديها فلفل بحط لج الرابط ثواني بس
وطريقة المشور احلى شي انج تحطين عليه ملح
تكتثررررررررررررين الملح وتشوينه ويطلع زبده وطعمه يجنن
هذي طريقتنا بالمشوي وصدقيني بتعجبج
يمكن ما تتقبلين طريقتها بس واااايد حلوه وطعمها احلى واذا حابه تجربين وحده جربي
وشوفي اذا اعجبج كملي الباقي واذا لا .. قولي لي
وشكرا
اختك
مهاري
تسلمين لي يالغالية على الوصفة الرائعة
والله لساني عاجز عن الشكر على التقديم الرائع والتعب والجهد الي تقديمه لنا
أنا ما خدت بالي إن في صالونة السمك إنشاء الله بجربها وبخبرك
لكن اسمحيلي سؤال ؟!
المشوي : نحضر الملح وبهار السمك ونضعه على السمك
ونكثر من الملح وندهن الصينية بزيت وندخله الفرن وبس والصينية نغطيها ويلا لا
أنا كلته مرة في عزيمة وكان طعمه حلو وخفيف جداً على المعدة وسهل الهضم
ياريت لو تردين علي وإنشاء الله أبشرك بالنتايج
دمت لأهلك ولنا يارب والله يعطيك العافية ويبارك فيك
آمين
أختك
مشكوره يا رب على هالكلام العسل
وانا بقولك طريقتنا وانتي جربيها في سمكه وحده وذوقيها وشرط بتسوينه كله مشوي
الطريقه سهله سهله
تجيبين السمك وتنظفينه وتاخذين الملح وتغطينه بالملح يكون يكون كثير
لا تخافين الطعم بيكون طبيعي لان الملح بيصير يابس وبتشيلينه يعني محد بياكله
والحين اول ما ترشين عليه الملح تتركينه شوي 10 دقايق تقريبا وتحضرين هذا الطبق بجيب لك صورته ثواني بس
وتحطينه على النار وتشوين السمك ولا زيت ولا بهاااارات ولا شي
وانتظريني ثواني بجيب لك صورة اللي بتشوين عليه
وشكرا واي شي ثاني اسالي حبيبتي
وبجرب الصالونة والمشوي بإذن الله على العشاء
ياليت لو أشوف صورة الطبق وصورة الي بشوي عليه
وبكون شاكرة لك من أعماق قلبي
وإنشاء الله يطلع العشا حلو ولذيذ وببشرك بالنتايج
ادعيلي مهاري