اول شي اشكر كل البنات اللي انصحوني بدورة المكياج عند منيره المحمود
http://www.3roos.com/forums/showthread.php?t=207491
بقول لكم كلللللللل التفاصيل اللي صارت :
تعاملها مع الناس : من أروع مايكون .. وربي شاهد علي اني من اول ماحطيت رجلي في بيتهم وانا احس اني داخله بيت وحده من هلي .. ماااااتحسسج كلششش انج غريبه .. تعاملها وايد راقي .. اسلوبها سلس تحسين انج قاعده مع صديقتج وتعلمج .. واذا سألتيها ماتتضايق منج بالعكس صدرها وسيع وبالها طويل مشالله عليها ..
خلفيتي مع المكياج قبل لاروح لها : اعرف احط مكياج لنفسي وادمج الالوان بس عندي مشكله في اختيار كريم الاساس والبودره واستخدام الفراشي .
سعر الدورة : 1000 ريال
مدتها : انا طلبت منها اني اجيها كل يوم ساعتين بدل الساعه .. بحكم ان بيتنا بعيد عن بيتهم .. وكنت ابي اخلص بسرعه .. فوافقت
وخلصت الدورة في 8 ايام تقريبا ..
مكان بيتها : العزيزيه
الأشياء اللي تعلمتها عندها :
– وضع الأساس بأنواعه : كريم الاساس – البودرة المضغوطه – البودره المائيه
علمتني شلون احطه بطريقه مرتبه وبصراحه وااااااااايد استفدت من هالشي بالذات .. لان طريقتنا المعتاده في وضع الكريم والبودره غلط في غلط .. عشان جذيه نشتكي من تكسر البودره ع الوجه وظهور الخطوط .
– انواع الكحل : شلون تحطين الكحل : ( العادي – اللبناني – للأعراس )
– الظل ( الشدو ) : تعلمج كيف تحطينه بطريقة مرتبة ومش باهته .. كيف تدمجين الألوان _ أو اذا حبيتي تستخدمين لون واحد شلون توزعينه ع العين بطريقه مرتبه .
– المكياج الفنتازي : الناعم والقوي ( القوي يصلح للأعراس )
-البلاشر : كيف توزعين البلاشر على حسب نوع الوجه اذا كان دائري ولا طولي … إلخ
-الروج ودمج الالوان : تعلمج شلون تحطين المحدد بطريقه مرتبه وتدمجين لونين من الروج على شفايفج
-رسم الحواجب وتعديل الأنف .: شرحت لي كل شي بالتفصيل .
– استخدام الفراشي : تعلمج كل فرشاه شلون تستخدمينها ومن وين تشترينها .. وأي نوع يفضل انه يكون ماركه وأي نوع لا
اللي عجبني فيها : انها تعطيج كل اللي عندها .. ماتحسين انها انانيه او ماتبي تعلمج شي .. تكتب لج في ورقه شنهي الأشيا اللي تشترينها ماركات .. والأشيا اللي الافضل انها ماتكون ماركه مثل الأرواج والمحددات
يعني تعطيج كللللللللل شي
بس عندي ملاحظه : الدورة تنفع اكثر شي للي ماتعرف تحط مكياج كلششششششش .. بس اللي تعرف تحط وتحس نفسها اوكي ماله داعي إلا اذا تبي تتعلم الأساسيات مثل كريم الاساس والبودره .. حتى هي قالت لي دورتي تفيد المبتدئات اكثر .. يعني اللي تعرف تحط لاتتوقع انها بتطلع بروفيشينال بعد الدورة ..
وعلى فكره هي صغيره عمرها 20 .. قالت لي ان المكياج عندها موهبه من يوم كانت في الاعدادي وراحت الكويت وخذت دورات عندهم واستفادت اكثر من الدوحه .
وبس 
اي سؤال انا حاظره
لو سمحتي ممكن رقمها.
شكلج استفدتي وااايد ..
عندج صوره
لمكياجها ؟؟
واذا ماعندج مشكله ممكن
اطرشين رقمها ولا عليج أمر ..
والله يعطيج العافيه على الموضوع ..
على عرض تجربتك واتمنى تتوفقي
وهي تتوفق يا رب
:shy:
بس انا مش مبتدئه يعني ماحس بستفيد