انا بعد تجارب كتير اوى على المنطقه الحساسه وخلطات وزيوت وصلت للحل الوحيد والنهائى ليبيض المنطقة مع العلم انى بقالى اسبوع واحد بس بديت فيها وكنت هتم الاسبوع التانى وبعدين اقولكم بس عشان بنات كتير طلبوا منى اقولهم الخلطه انا هقولكم عليها عشان كلكم تشاركونى ونبتدى كلنا مع بعض ونقول على النتايج بتاعتها اول باول
المهم ندخل بقى فى الاهم وهىالخلطه بس اقولكم الاول على نتايجها وبعدين اقول عملت ايه خلال الاسبوع ده
انا بلا فخر كانت مقدمه المنطقه عندى الوان طيف ماشاء الله كان عندى تايجر وحياتكم الوان بنيات كتير فى بعض ونقشات تجنن والله عندى خخخخخخخخخخخخ:dd:
المهم انا بعد ما كملت اسبوع الحمدلله الالوان البنيه دى خفت عندى بنسبه 70% وماشاءالله المنطقة من تحت شويه بقت افتح بطريقه واضحه والله العظيم:yes:
نجى للخلطه وكل حاجه عملتها اوك يلا نبتدى
1 _ نجهز زجاجه بيها ميه ورد وخل تفاح بنسب متساويه
2 _ مرهم بيتادين ولو مش موجود يبقى اى كريم مطهر للمنطقه وتقريبا الفيسودين مطهر بس الاحسن بيتادين
3 _ زيت لوز وجنين القمح بنسب متساويه كمان
4 _ ملح خشن + زيت زيتون او ملح وليمون للصنفرة
5 _ خلطه بنت عزارى لتفتيح الجسم والابط والمنطقه الحساسه وهى
م كركم للاكل + نص م زيت خروع + م لبن +
نحط المكونات على بعض ونخلطها كويس جدا لحد ما يبقى عندنا خليط متجانس لونه اصفر
الاول نصنفر المنطقه كويس بالملح والزيت وانا كنت بدهن ليمون الاول وبعدين باخد شويه ملح وافرك المنطقه بخفه 5 دقايق لازاله الجلد الميت ومساعدة البشرة انها تستفيد بالخلطه كويس
بعدين ننشف المنطقه كويس جدا ونبتدى نحط الخلطه بتاعه الكركم ونسيبها لحد ما تنشف وهى مش بتاخد وقت طويل تنشف فيه اوك بعد كده نلبس شورت واسع مش ضيق عشان ميلمسش الخلطه وننام بيها بقى وتانى يوم الصبح نغسل المنطقه كويس اوى اوى وهتلاقوا الون بينزل مش بيصفر المنطقه ولا حاجه 
وبعد كده ندهن بزيت الوز وجنين القمح الخلطه دى يوم ويوم مش كل يوم
*خل التفاح وميه الورد دى نجيب قطن ونضع عليها المحلول ده ونمسح بيه المنطقه مرتين باليوم اذا امكن لانه بيشدها ويساعد على تسكير المسام وتفتيحها كمان
*مرهم البيتادين ده بدهن منه بليل فى اليوم التانى من وضع الخلطه عشان معطيش فرصه لللبكتريا تتنشط وتضيع مجهودى فى التبييض
يعنى بمعنى اصح انى بعتنى كويس اوى بالمنطقه دى ومش بسيبها من غير ما ادهنها ميه ورد وخل تفاح او مرهم بيتادين او زيت لوز انتوا نظموا ازاى تحطوا التلات حاجات دى والاثاث عندنا هو خلطه نت عزارى الى ندمت انى مستعملتهاش من بدرى بس والله العظيم نتايجها تجنن فعلا الله يجازيها كل الخير بنت عزارى:smile:
طولت عليكوا انا عارفه بس حبيت افيدكم بكل حاجه عملتها لمدة اسبوع وجابت نتيجه هايله وانشاءالله بستمر لحد يوم فرحى الى هو بعد شهرين باذن الله
اى استفسار انا تحت امركم ياجماعه ويارب تعملوا كل الخطوات دى لانكم والله مش هتندموا وهتلاقوا نفسكم اتخلصتوا من مشكله السمار دى زى ما حصل معايا والى عايز يمشى معايا على الخلطه للتشجيع اوك انا لسه مستمرة عليها
وبس كده :shy: :shy: :shy: :shy:
بس قوليلى يعنى اعملها مره مثلا فى الاسبوع ولا كام مره؟:shy:
اعملى خطواتى وعلى ضمانتى هتيجى تشكرينى والله انا متأكدة:shy:
بجد انا مش عارفه اشكرك ازاى:shy:
كلنا بنعانى من المشكله دى:sad:
وماما فى امس الحاجة للخلطة دى لأنها حامل وعندها كلف حمل وزود المشكلة اكتر:qaq:
لاااااااازم اجيب المكونات انهارده واعمل كميه للبيت كله انا وماما واختى:dd:
ميرسيييييييييييييييه وربنا يجعله فى ميزان حسناتك يارب
:clap:
حبيت اسالك الزيوت هذه ماتضر هالمنطقه يعني مايدخل داخل,
وبالنسبه للفرك انا دايم يقولون لي الناس لاتلمسين هالمنطقه انه اللمس انه كثر اللمس يسبب بروده عند البنت ,
اخاف زيت الخروع يكثر الشعر وانا مو ناقصه …………..
مشكورة ياعسولة