=)
انا بنتي عمرها 8 شهور .. و بديت اعطيها اكل بس ما تتقبل و تحطمت و ما قمت اواضب علي الاكل ..
كنت اعطيها رز و بطاطا مهروس 3 ايام ..
بعدين
رز و كوسا 3 ايام ..
بعدين
رز و جزر يومين بس عشان الصبغه ..
و ما تقبلت كلش تاكل عقب تصيح تبي حليب ..
بس احين تعبت و حابه ابدا اعطيها وجبات عدله .. نفس النااس =(
بليز ساعدوني بنات ..
اختي اصبري عليها شوي واكليها كميات قليلة في البداية
ترى كل الاطفال كذا مايتقبلوا الاكل من اول او ثاني او ثالث مرة
يبي لها استمر ار وصبر
وغير لها بالمكونات كل يوم شي غير يمكن تتقبل شي وشي لا
بس لاتياسي ابد الصبر اختي
الله يعينك ويحفظها لك
بس شنوو اعطيها .؟
موزة مهروسة او فواكه جاهزة من الصيدلية طعمها حلو ويتقبله اغلب الاطفال
اعطيها سيريلاك بالقمح وبالارز او بالفواكه المشكلة او بالتمر اختاري لها اي نوع منهم وجربيه معها
وكمان الزبادي حلو ومفيد وممكن تتقبلها
انا ولدي حب زبادي المراعي اكثر من الصافي يمكن لانه حامض اكثر شوفي بنتك شنو ممكن تصتصيغ طعمه اكثر
انا الدكتور نصحني احط لولدي ملعقة عسل مع الزبادي يقول مفيد للطفل
وعجب ولدي رغم انه يمكن بعض الامهات ممكن يقولون غلط العسل قبل السنه
بس انا حطيته له بناء على نصيحة اختصاصي
والحمدلله ماضره
ابدي معها حبة حبه وبالبداية لاتكثرين لها الكمية
حتى تشوفي تقبلتها اولا
وحبة حبة دخلي لها الدجاج واللحوم والاسماك
اكيد تكون مطبوخة ومخلوطة مع مجموعة خضار او صنف واحد حتى الي هي تحبه
والرز المصري جداً رائع به السن للاطفال
اتمنى اكون افدتك لو شوي
وان شاء الله الامهات هنا مايقصرون
الزبادي من اي شهر اقدر اعطي بنوتي؟؟؟؟
 |
اقتباس |  |
 |
المشاركة الأساسية كتبها um hooor  |
 |
 |
| هلا
الزبادي من اي شهر اقدر اعطي بنوتي؟؟؟؟ |
||
 |
 |
من نهاية الرابع
والدكتور هو الي نصحني فيه
ومسكرين فمهم وبكاء ولويه
بعدين شويا شويا راح تاكل
ابدي بالسيريلاك وخففيه خليه اقرب للسايل عشان تتقبل الاكل
واهرسي موزه نعميها واكليها مع الايام راح تتقبل الوجبة
خلي الوجبه مره الى مرتين في اليوم بالكثير
وربي يحميها وشكلك نيو ماما صح
معليش .. تحملي .. كلنا مرينا بنفس اللي تمرين فيها .. لا وبعد ازيدك من الشعر بيت .. بعض الاطفال الى سن ست سنوات وهو يبهذل أمّه بالأكل .. أولهم " ولدي وأخوي " .. :-#
انتي حاولي معاها ولا تيأسين .. ترى الطفل وقت الأكل يبي له صبر وطولة باآآآآل ..!!
ابدأي معها بالاشياء المخصصه للأطفال والموجودة في الصيدليات .. مثل البسكويت والسيريلاك ومهروس الفواكه ..
بعدها بفتره بسيطة .. سوي لها أكل في البيت بس يكون بكميات قليلة علشان ما تسوين الاكل وترمينه .. حرآم ..
اعطيها أكل مرتين باليوم .. واذا كبرت شوي تقريباً حول السنة أو أكثر خلاص تبدأ تأكل من أكلكم اليومي ..
الزبادي مفيد للاطفال ..
التفاح .. الموز .. الكيوي .. حلوة للاطفال ومفيدة .. طبعاً تكون مهروسة .. او سوي لها عصير برتقال طازج .. أو عصير فواكه مشكلة اختاري لها الفواكه اللي تحسي انها تقبلتها ..
القرع ( اليقطين ) .. الكوسا .. البطاطس .. صفار البيض .. الرز المصري .. هذي كلها مفيدة ايضاً ..
وأتذكر مرة سمعت طبيب أطفال في التلفزيون يقول حاولوا تعطون أطفالكم مرة باليوم " كريم كراميل " بس طبعاً يكون شغل البيت .. ينصح فيه يقول مفيد مرررررررة …
ان شاءالله أكون أفدتك لو بالقليل ..
آب بنات خل نستفيد ..
بعمرانيه و افتخر جيكي الخاص حبيبتي