بنتي والمدرسه 2024.

سلام
بنات بنتي الان بصف ثاني ابتدائي لكن اعاني معها بالمدرسه بسبب هدوئها الزايد بشكل غير طبيعي وخجلها
بنتي ماشالله عليها من كانت بالصف الاول شاطره جدا وذكيه لكن هدوئها يخليها موملفته بالفصل والمدرسات يهملونها صارو وكل مااروح اسئل عنها يقولون لي شاطره بس خامله بالفصل تخيلو بالبيت اهل زوجي يسمونها المايكروفون من كانت صغيره لان صوتها ماشالله عالي يوصل لاخر الشارع اذا تتكلم ههههههههههههههه

بالمدرسه يوم حضرت درس وياهم انصدمت ماصدقت عيوني كنت اعرف انها شخصيه ثانيه بره البيت هادئه وخجوله لكن موكذا :eek:تخيلو صوتها ماينسمع ابد وحاولت معها كثير قلت لها المدرسه اليوم فرحانه منك لان عليتي صوتك والمدرسه تقول صوتك احلى صوت بالفصل ومن هالكلام كانت تزيد اكثر من قبل شسوي معها تعبت والله تعبت احسها انها تنظلم بالفصل البنات الكسلانات احسن منها راجين الفصل رج والمعلمه ميته عليهم وبنتي ولاكانها موجوده حتى الاجابه اذا مومتاكده منها الف بالميه متجاوب ليش تقول اخاف اغلط ومااحب اجاوب شي غلط بالبيت مطلعه عيوني عناده وعصبيه وصوت عالي بشكل غير طبيعي لدرجه كل الجيران يقولون لي الله يعينك على مابلاك والله لك اجر على هالتربيه الصعبه وبالمدرسه تقولي المعلمه ماشالله بنتك هادئه عايشه في ملكوتيتها احسها ملاك وديع تخيلوووو بس بعد مايستمرون بالدراسه تصير المعلمه تهملها وتنسى انها موجوده بالفصل شنو اسوي حتى اغير من طبع بنتي خارج البيت هذا اولا وثانيا شنو اسوي حتى الفت نظر المدرسه لها وان البنت نشيطه وشاطره ؟؟؟
بانتظار ردودكم لاتبخلون علي بارائكم الله يوفقكم

اختي الله يعينج وااااايد بنات جذية في البيت غير وفي المدرسة شيء ثاني…. أنا اقول يمكن الغلط يكون منج لان ما تخلينها تخالط الناس وااايد انا عرف وحده ربيعتي جذية عندها بنت مثل حالت بنتج والسبب انها الام نفسها يوم تظلع تزور صديقاتها وناس من اهلها او معارفها ما تاخذ بنتها معها عشان جذية البنت يوم تشوف ناس ما تعرفهم تستحي وتحاول ما تختلط معاهم الا بعد مده طويله هذا اذا لعبت معاهم بعد….وفي المدرسة يضربونها ولا تقول شي بس تعالي في البيت ماشالله ما مخليه حدتضارب دووم اخوانها وعيال عمها ….

اقووولج شيء اختي حاولي تعرفين بالضبط وين نقطة الغلط منج او من البنت نفسها…

اتمنالج التوفيق

اني بعد ولدي صدووقي جدي في البيت عناد وشطانة ووعصبي ومتعبني وفي الروضة مدرسته تقول هادئ ومطيع وشاطر بس الحمد لله ان يتجاوب وية المدرسة

واني عندي احس حل لبنتش ان تكلمين المدرسة تهتم فيهاا وتسولف وياها وعلى طوول تناديها تروح صوبهاا وهكذا لين ترتاح لمدرستهاا وتتغير اشوي اشوي بس لازم تكلمين مدرستهااا وتقولين اليها بالمشكلة

لاتقلقي اختي دام انها نشيطة وذكية فمستواها مارح يقل بس انتي دائما شجعيها ونبهيها ان البنت اللي ماتتجاوب مع المندرسة مايحبوها الابلات وكمان مارح يجيبولها هدايا اخر العام ومن هالكلام ….

وانا مع اختي ام صادق فعلا كلمي المدّرسة وفهميها وخليها تتجاوب مع بنتك وتشوف ممكن تصير بنتك افضل
وربي يوفقها

اقتباس

المشاركة الأساسية كتبها من اقصى المدينه

	تقولي المعلمه ماشالله بنتك هادئه عايشه في ملكوتيتها احسها ملاك وديع

الله ذكرتيني بالذي مضى

انا كنت جذي بالضبط

بس للعلم المدرسة ما تنسى اي طالبة بالفصل

تدرين ليش لانها واقفة عند اللوح تشوف كل الطالبات

انا كنت طالبة هاااااااااااااااااااااااااااااااااااااااادئة

وكنت مدرسة بعد واعرف ان المدرسة ما تنسى اي طالبة لانها واقفة تشوف الكل

وما تهمل اي طالبة حتى لو ما رفعت يدها حتى تجاوب لانها ممكن تقومها تجاوب بدون ما ترفع يدها

صبري على البنت اذا كانت درجاتها ما تتاثر بهدوئها

وكلمي المدرسات عن خجلها واتركي الباقي عليهم

ام تشتوش هلا حبيبتي
والله بنتي بالعكس من النوع الاجتماعي يعني صحيح خجوله وهادئه لكن تحب تطلع ودائما معي من كانت بالشهور الى الان وانا عايشه بيت اهل زوجي يعني طول اليوم ناس داخله وناس طالعه بس موعارفه من شنو السبب البنت واثقه من نفسها وذكيه اجتماعيه مومن النوع المنطوي لكن بره حركتها قليله او يمكن تكون جديه ومثاليه اكثر من الازم
حبيبه جيمي
الله يخلي لك صادق شلونه ؟؟ دخل الروضه لوبعده؟؟
والله يالغلا فكرتك حلوة انشالله راح اكلم معلمتها بالموضوع وانشالله تتغير اتمنى تظهر نفسها اكثر بالفصل وتكون حركيه ونشيطه اكثر
الدمشقيه هلا بيك عيوني وبردك
انا من رحت للمدرسه صار عندي عقده والله البنات الي بالفصل شعله نشاط وحركه ومزح مع الابله لا واجوبتهم كلها غلط ههههههههه بس ماشالله عليهم روعه كانو وبنتي احسها بعالم ثاني ماباقي الا تقول للمعلمه اخلصي يالله
لكن الحمد لله المعلمات يقولون لي جدا رائعه بالصف وتفهم بسرعه وتحفظ بسرعه
ام شجاع هلا وغلا عيوني بهالطله الحلوة
تصدقين بس بيني وبينك هاااا انا هم كنت كذا بس ماابي اعلم احد حتى ماينقال بنتي طالعه علي هههههههه
كانو المعلمات من تجي امي يقولون بنتك شاطره ومذاكره بس نايمه ومن نقومها تجاوب ننصدم انها عارفه الجواب وعمرها ماشاركت بالدرس والبنات راجين الفصل على انا ياابله هههههههه
لهسبب ماابي بنتي تصير مثلي بس للعلم صوتي عالي كان على الرغم من خمولي كانو يقولون صوتها يوصل للفصل الي جنبنه تنفع للاذاعه الصباحيه ههههههه
واعرف المدرسه ماتنسى البنات بس مايلفتون نظرها الهادئات
فكرت اعطيها دائما اوراق عمل وملاحظات وشغلات للفصل واخليها تشارك بلاذاعه شرايكم؟؟؟ ساعدوني بافكار تجرئها وتقرب مدرستها لها
ويعطيكم الف عافيه على الردود ولكم مني خالص الدعاء

هههههههه ضحكتيني ربي يسعدك قال اذا عرف السبب بطل العجب (( طب الجرة على تمها والبنت بتطلع لامها )) ههههه

والله جبتيها بتصدقي والله فكرتك جات ببالي لما رحت مدرسة محمود ابني وقلت لازم اطبعله منشورات واشياء تعليمية تخللي المدرسة تحبه وتخليه مميز بين صحابه

وانتي قلتيها اعمللي هالفكرة مثلا شوفي اول منهاجهم ايش يدور بالضبط يعني اذا بعدهم على تركيب الجمل وفكها اعمللي مجلة حائط بهالخصوص وكمان عندك البطايق اللي فيها كيفية الوضوء والصلاة والعادت والاداب بالصورة اطبعيها وخللي بنتك تقدمهم للابلة …………….. يعني والذي منه وبالتوفيق يارب

ذكرتيني اليوم بالذات جبت دفتر جديد وخصصته ملاحظات لمعلمة محمود وبعثتلها ملاحظة اليوم وان شالله ابني ماينسى ويديها الدفتر
(( فكرة الدفتر اني اكون متواصلة معها بين فترة والتانية وابعثلها ملاحظات وبعض الاستفسارات بخصوص ابني وهي طبعا تردللي بالدفتر نفسه وابني يكون مرسال الغرام هههههه ))

حاكم مجنني بسئله شو عملتو اليوم يامحمود : برد يييييييييي شو بتسئل ماما وبجاوبني رؤوس اقلام وبينتهي حواره معي الاخ ههههه