أنا عضوهـ جديدهـ<<يامرحبا فيني:tongue:
المهم أنا بقولكم عن مشاكلي وش سويت لها
اول شيء نجي للبشره تصدقون والله كنت متعقده من بشرتي
حبوب+شعر+سمار كنت ماطلع لمكان ولا اروح لمناسبات بسببها :ss:
حتى جتني حاله نفسيه منها وأنا من النوع اللي إذا استخدم الشيء
ماستمر عليه<<عجازه:tongue:
وطبعاً شعري اللي بوجهي اقترحت اختي اروح لمركز يشيلون شعري بالليزر تبون الصراحه كنت مترددهـ وتوكلت على الله ورحت من اول جلسهـ عملتها شعري ولله الحمد اختفاء وماعاد طلع الا منطقة الشارب والذقن طلعت بعد شهر وخفيف وجلست ايام وبشرتي طلعت كلها حبوب:confused:
وش اسوي وش الحل تصدقون كنت ابكي واقول ليتني ماشلته مع إنه كان راحه لي ماعاد اعرف ماشاء الله الحلاوه لوجهي بس طلع حبوب لأن بشرتي حساسه وكل ماشلتها تطلع حبوب:ss: والي تبي اسم المركز ترسل لي خاص وهو في الرياض=)
المهم وأثناء بحثي في النت والمنتديات لقيت اسم صابونه وقريت عنها إنها تنفع للبشرهـ الدهنيه وقلت يالله يامها جربي وش بتخسرين وجربته وربي يابنات يعلم الله إني ماكذب استخدمتها من أول مره فتحتني بشكل واستمرت عليها والحين اللي اسبوع حبوبي شبه اختفت فتحت شوي حتى خواتي استغربوا مني ويقولون لي وش غيرك
هذي شكل الصابونه لونها وردي
وربي فوق الخيـآآل
تنبيه لازم ترطبين وجهك بعدها لأنها تجفف البشرهـ وغالباً تنفع للبشرهـ الدهنيهـ واستخدمتها بعد لجسمي الحبوب اللي بظهري خفت بشكل ملحوظ
هذي نقطه النقطه الثانيه نقعت مرهـ في مويه دافيه وخليتها فتره وبعدين اخذت قطنه ومسحتها على وجهي
والنقطه الأخيره وهي المويه وربي شيء خيالي إذا تبين تنفع معك اي خلطه او كريم كثري من الماء اشربي في اليوم 8 كأسات وتشوفين الفرق وبالنسبه وكل مامريتي المطبخ اشربي(r)
نجي للشعر عاد سالفتي سالفه مع هالشعر تخيلوا قبل ثلاثه ايام قريت خلطه الهاجريه وانبهرت من الردود قلت لازم اجربها وفعلاً جربتها بس وش الطامه اللي سويتها بدل ماحط سدر حطيت حناء عاد انا شعري مصبوغ يعني بيخرب لونه:cry:
بس يوم لاحظت إنه حناء غسلته على طول وهموم الدنيا فوق رأسي قلت الحين بيخرب شعري بس يوم شفت موية البصل والثوم قدامي قلت خلني احط الخلطه بس بدون سدر لأنه توبه احطه مره ثانيه وفعلاً حطيت مويه البصل والثوم مع زيت خروع وزيت زيتون ودلكت به شعري وقعدت يوم كامل فيه ويوم غسلته انبهرت تخيلوا شعري وربي طلع كانه مستشور حتى اختي قالت انتي مستشورته لأن شعري مو ناعم مره يعني وسط ومن الفرحه كل شوي واقفه عند المرايه وفاكته ماشاء الله<<ماصدقت :tongue:
هذا وانا مستخدمته مره وحده وبدون سدر وقررت إن شاء الله استخدمها مره ثانيه
والخلطه منقول من الهاجريهـ وهي
ماراح اطول عليكم هذي هي الخلطه
تجيبين بصله متوسطه الحجم مقسمه الى اربع اقسام
2 فص ثوم مقسمين الي نصفين
3 ملاعق كبيره سدر مطحون
زيت خروع
زيت زيتون
كمية من الماااء
الطريقه
جيبي البصل والثوم وحطيهم في الماي وانتي حددي كمية الماي اللي تناسب شعرج وخلي البصل والثوم يغلي في الماي لين يصير لون الماي اصفر
بعدها صفي الماي من الثوم والبصل
وجيبي باقي المقادير (سدر،زيت خروع،زيت زيتون) واخلطيهم في الماي واعجينهم مثل عجينه الحنه لاهي سائله ولا جامده نص ونص وبعدها خليها لين تبرد شوي
وبعدين حطيها في شعرج بالمساااء وبالصبح اغسليه
راح تقولين ثوم وبصله وريحه ..الخ اوعدج وووعد انه ماراح تحصلين ولا ريحه انا نفسج قبل اجرب الخلطه خفت بس يوم جربتها مافيها ريحه ابد
وصدقيني بتلاحظين الفرق من اول استخدام
ويفضل تستخدمينها مرتين بالاسبوووووع لنتيجه اسرع
لليدين ومشكلتها طبعاً انا ايديني ولله الحمد
ماقوله غرور بس معروفه بجماعتنا عن ايديني
حتى كذا وحده قالت لي وش تستخدمين لها اذكروا ربكم:o
انا بقولكم تجربتي معها
ايديني افركها بالليمون كل مادخل المطبخ واشوف لي ليمونه اقعد افرك بها ايديني ثم اخذ ملح او سكر واخلطه مع الليمون وافرك بها لخمس دقائق
بعدها اغسل ايديني وادهنها بكريم مكون من
(فكس +فازلين+جيلسوليد+عسل+ليمون )
هالكريمات من يوم وعيت على الدنيا وامي تستخدمها وتسويها لكل البيت طبعاً تعطيك نعومه موش طبيعيه وصفاء للجسم وإذا رحت اي مكان لازم يكون بالشنطه جيلسوليد الصغير واطلعه كل شوي واحطه اصلاً ماقدر استغني عنه رفيق دربي:MEGALOL:
وخيراً نجي للشفايف ومشكلتها
الشفايف الله يطول بعمركم استخدمت لها من فتره طريقه وفعلاً حسيت بالفرق وهي افركي ليمونه على شفايفك دقايق وبتلاحظين إنها طلعت ورديه بس انتبهي لاتحطين الليمون إذا كان فيك جروح بعدين مرري عليها مكعب ماء ورد مثلج فتره
وبعدها حطي عليها عسل
في وصفه استعملتها للشفايف اذكر لي سنه ماستخدمتها بس فعلاً عجيبها هالوصفه وهي جيبي لك زيت زيتون وحطي معه سكر واخلطيهم بعدين حطيهم على شفايفك وجيبي لك فوطه خشن ملمسها وفركيهم بها لما تطلع ورديه وبعدها حطي عسل وشوفي النتيجه
ادري طولت عليكم بس والله إني حبيت انزل لكم تجاربي ولانكم مثل خواتي حبيت الكل يستفيد
اتمنى للي تستفيد منها تدعي لي وبعد اللي مرت تدعي لي إن اللي ببالي يتحقق ويفرج ربي علي
لاتحرموني ردودكم
تجاربك روعه وانتي اروع ياقلبي
وحياااك الله معانا يالغلا
وان شاء الله بنجرب خلطاتك بس انا عجازه
واذاء مابان معي شيء من اول مرة اتركه تعبتب ودي استمر
بس مافي امل هعهع
الله يعطيك العافية ياقمر
موضوع متكامل
ولك مني احلى تقييم
تجاربك جميلة وأعجبتني وصفة الشعر انا دايما ً اقرأ عنها
والكل يحلف بدينه وعظيمه انها مالها ريحة عموما ً راح اتشجع بيوم فضاوة
واسويها لاني ما احب ريحة الثوم والبصل خير شررررررر
الصابونة اللي انتي حاطتها صابونة الكركم
ومعرووووووووووفة الكل يمدحها وانا شارية منها كم مرة
وهي لتفتيح البشرة جميلة جدا ً
يعطيج العافية والله يفرج همج تسلمين ع الموضوع