انا حاليا عمري 27 سنه نرجع لايام اول وكيف كان جسمي…طول عمري من يوم كنت صغيره بالمدرسه ماكنت دبه لأ كنت شوي مليانه بس مليانه بشكل حلو يعني طول فترات حياتي كان وزني جدا مناسب لطولي….وانا الحمدلله طولي حلو مع وزني وبالتحديد بفتره الجامعه كانوا كل الناس يقولوليماشاءالله عليكي مثل عارضات الازياء واستمريت فتره طويله لغايه عمر 22 سنه وانا محافظه على وزني بحدود 68 وطولي 173 سم الحمدلله….لغايه ماتخرجت من الجامعه وبديت اشتغل واكلي كله صار بره البيت والمصيبه الاكبر يوم ارجع البيت فتره المغرب ارجع اكل من اكل البيت وانا عطول…واذا سهرت اقضي وقتي عالتلفزيون واتسلى على شيبس وشوكولا وبيبسي والخرابيط اللي تنفخ الواحد وكنت مدمنه على الكنتاكي وماكدونالدز وماخليت مطعم بيتزا غير اكلت منه..وما انسى الباسكن روبنز وماكنت اطلب منه غير الصحن الكبير …واستمريت على هالمنوال لمده 4 سنوات وكنت اشوف حالي امتن وامتن بس ولا كنت مهتمهلغايه ماوصل وزني خلال 4سنوات قريب 112 كيلو تقريبا …كانت عندي الامور عادي جدا…وامي وخواني ينبهوني اني بنفجر من المتن بس ولا اهتميت……لغايه مره في وحده بالدوام قالتلي تعرفي يامريم انك احلى وحده موجوده بالشركه من ناحيه الشكل بس ياخساره انك مخربه نفسك بهالوزن اللي عاملك مثل كانك ام ل 10 اولاد…وتعطي عمر اكبر من عمرك….حسيتها بهالكلام هزأتني واني كنت طول فتره 4 سنوات كل همي بس بالاكل وازيد وازيد وزني…..من يوم هذيك البنت كلمتني اخذت قرار بنفسي اني لازم انحت جسمي نحت واخليه يرجع زي اول….ومن جد يوم صرت افكر شو مسويه انا بنفسي وكيف يوم اروح محلات الملابس ما الاقي مقاسي الا بالقسم المخصص للاوزان الثقيله اللي موجود بسبلاش….ومن يومها ابتديت وكنت امشي يوميا مشي سريع لمده ساعه..ومرات في نهايه الاسبوع امشي ساعتين…وفي البدايه راح تحسي بتعب فظيع وتورم بالاقدام والحاله حاله بس والله يمكن بعد 3 اسابيع بديت اتعود عالمشي ومافي تعب….ومشيت اول فتره على رجيم لقيته في المنتدى اسمه رجيم دكتور فادي…بس انا كررت الاسبوع الاول من الرجيم كذا مره وبالفعل مع المشي اليومي كنت انزل بالاسبوع قريب 3 كيلو…..بس انا ماتبعت الاسابيع الثانيه لرجيم الدكتور فادي..بس كررت الاسبوع الاول كذا مره……واتبعت كمان رجيم التمر والحليب بس انا كنت اخليه بس رجيم الحليب واللبن بدون تمر ومع المشي كنت انزل باليوم بمعدل 300 جرام…يعني تقريبا بالاسبوع كنت انزل عليه 2 كيلو…وكمان اتبعت رجيم ال 12 يوم اللي هو مقسم 3 ايام حليب 3 ايام فواكه و3 ايام خضار 3 ايام بروتين ومن جد هم نزلت عليه بس مو مثل ماهو مذكور انه ينزل 12 كيلو ب 12 يوم….لأ انا كنت انزل تقريبا بفتره 12 يوم 5 كيلو او 4 كيلو بس مو اكثر واهم شي لاتنسي المشي ثم المشي ثم المشي……اكيد اللي انا كنت اسويه بانواع الرجيم هاي مو صحيه بس انا كنت محبطه من شكلي وكاني كنت مو حاسه بحالي وفجأه ذيك البنت وعتني مره وحده من المصيبه اللي انا كنت فيها……واستمريت على هالجدول من المشي والرجيمات المختلفه لمده 6 شهور لغايه مانقصت تقريبا 44 كيلو ورجعت لوزن 68….والله والله والله مافي اي ترهل والجسم الحمدلله وماشاء الله مشدود وصرت البس مقاس 10 اللي هو باماكن ثانيه مقاس 30 بعد ماكنت البس مقاس 24 او 44………..وانا حاليامنظمه اكلي واكل اكل صحي وبطلت الخرابيط الاوليه من الاكلات السريعه اللي نفختني….وحاليا انا منظمه اكلي خلال اليوم واعطيكي مثال ليوم من الايام …الصبح ضروري افطر ويضمن الفطور كربوهيدرات ممكن خبزه توست وحده مع بيضه وكاسه حليب مع نسكافيه ….او قطعتين شابوره مع شريحه جبن قليل الدسم وكاسه حليب 250 مل بنسكافيه بسكر خفيف جدا….فطوري يكون 7 الصبح……و بعدها بساعتين اشرب شاي اخضر او شاي زنجبيل بدون سكر نهائي يعني الساعه 10 الصبح…الساعه 12 الظهر اكل نوع فواكه واحد حبه وحده من تفاح او برتقال او اجاص او كيوي….والساعه 2وانا في الدوام اكل سلطه تونه بخس وطماطم خيار او اذا ماسويت سلطه ممكن اكل خضار عادي ماتكون سلطه خياره مع جزره او اي صنفين خضار…وبعدها بساعه اشرب شاي اخضر بدون سكر وعالساعه 4 اكل علبه لبن قليل الدسم العلبه الصغيره اللي فيها 170 جرام…..ويوم اروح الببيت اكل من الاكل المطبوخ في البيت اذا عاملين كبسه او معكرونه اكل بحدود مو اكثر من 6 ملاعق اكل نشويات سواء كانت رز او معكرونه مع قطعه لحم صغيره او دجاج مع سلطه او اي صنف خضار…واحاول هالوجبه ماتكون بعد 6:30 مسا…….وفتره الليل وانا سهرانه اذا جعت اكلي مايتجاوز الخضار او الفواكه او لبن زبادي يعني اي صنف فيهم..او اني اشرب حليب بنسكافيه250ملي….واذا حبيت اتسله على شي اتسلى على بشار او ترمس……وفي عندي اسمح لنفسي كل اسبوعين اكل مره وحده من كنتاكي او بيتزا او ماكدونالدز وااكد مره وحده بس كل اسبوعين او ثلاثه اسابيع واسمح لنفسي مره وحده بالاسبوع اكل ايسكريم باسكن روبنز او شوكولا جالكسي او واحد دونت او واحد تشيز كيك وااكد مره وحده بالاسبوع…..ومواظبه بعدني عالرياضه المشي بس بعد ماوصلت للوزن المطلوب امشي كل يوم بس نص ساعه او اني اطلع الدرج ربع ساعه او استعمل الدراجه الثابته لمده نص ساعه بشكل يومي والحمدلله مازلت محافظه على وزني ثابت من فتره 5 شهور واوزن بشكل اسبوعي علشان ما انسى نفسي بحال زدت ربع كيلو….والحمدلله وماشاء الله جسمي حلو ومشدود ورجعت مثل عارضات الازياء….وماعندي اي مشاكل بصحتي واحس حالي اني انسانه مختلفه ونفسيتي صارت احلى……واي استفسارات زياده انا بالخدمه…
عندي قوة ارادة قويه
احلى تقيييييييم
 |
اقتباس |  |
 |
المشاركة الأساسية كتبها حياتو أنا  |
 |
 |
| ما شاء الله عليج
عندي قوة ارادة قويه احلى تقيييييييم
|
||
 |
 |
تسلمين يارب…..انشاء عقبال باقي العروسات الدبدوبات تصير عندهم اراده وعزيمه ويوصلون للوزن المثالي……….
وااااايد صح
انا الحين مشاركه في نادي واليوم كان ثاني يوم لي ان شاءالله ارجع مثل قبل
|
اقتباس | |
|
المشاركة الأساسية كتبها Μịś$°ŚђĢOOฎ |
|
|
|
انا وزني كان 60 الحين من القعده في البيت صار 80
وااااايد صح انا الحين مشاركه في نادي واليوم كان ثاني يوم لي ان شاءالله ارجع مثل قبل
|
||
|
|
والله بعد تجربتي مافي شي مستحيل ………..موفقه حبوبه……….وانشاءالله ترجعي لايام الرشاقه
عقبالي يارب وعقبال ماتوصلي ياحبيبتي للوزن اللي بتتمنيه
مبروك حبيبتي
انا عندي 15 كيلو زياااده وودي اطيرررررهم
الله يعيننااااا وينحفناا بصحه وعااافيه
