حبيت افيدكم بتجربتي مع الكيراتين
انا رحت اسوي كيراتين بصالون في دبي وطبعا كنت اشوي خايفه من الي اسمعه من بعض التجارب السلبية بس النتايج كانت افضل من ما توقعت بكثير
انا شعري طويل بس متقصف ومجهد من التصفيف سواء سشوار او غيره وهالسوالف وحاولت بمنتجات كثيرة تنفع بس لفترة موقته او بس لمجرد الايام الي استخدمها فيها يعني تاثيرها يزول خلال يومين سواء لمعه او نعومه او كثافه وغيره وتعرفون مرات الواحد حتى لو مستمر على المنتج اتيه فترة ينشغل او يتعب يكسل يعتني بنفسه
المهم حطولي الكيراتي البرازيلي الاصلي بنكهة الكاكاو وطبعا سشوروه وسوولي مكواة السيراميك
خلولي اياه لمدة اربعة ايام وكل يوم اروح لعندهم اسوي مكواة السيراميك خلال الاربع ايام وبعدها غسلت شعري بمنتجات الكيراتين تشترينها من الصالون نفسه شامبو وبلسم وحمام زيت كانت النتيجه اكثر من رائعه التقصف كله راح وصار شعري قطعة وحده وفيه نعومه خياليه ولمعه وكل هالنتايج تاثيرها مستمر مب بس في نفس اليوم الي سويته فيه انا الحين كملت يمكن تقريبا شهر او اكثر اشوي وماشاء الله نفس ماهو ومايعق الشعر ابدا وشكل شعري طبيعي يعني مجرد علاج لا اقل ولا اكثر
واي استفسار انا حاضرة
بس الي حابةاتسوي انصحها تروح عندهم من الي شفته من خلال تجربتي او تروح لصالون متاكدة من مصداقيته يعني مايغشونها بالكيراتين
اني بعد افكر اسوي بس لاني حامل قالو ليي انتظري دخولش الرابع احسن اني شعري ناعم وفيه شوية كشة وكل يصير ليي كيرلي اني اقول يمكن من نفس قصة شعري لانه طبقات واجد
سؤال من متى عمتي الكراتين و هل شعرك ناعم او ؟
شو اسمه الصالون؟