حبيت اشارككم بهالموضوع لان كل أم تتمنى يتحلون اولادها باللاخلاق ويكونون محبوبين من الاخرين :15: وهالشي مايصير الا عن طريق المعاملة الطيبة والاقوال الطيبة
المهم :: انا مالاحظت هالشي الا من فترة قصيرة الا وهواني علمتها ونسيت ههههههه
بنتي الله يهديها ويحفظها من كان عمرها تقريبا ثمان شهور كنت الاعبها اعطيها اللعبة واخذها منها واقول لها < شكرا<
وبعدين يوم اللي كانت تاخذ شي من الارض ويكون وصخ اقولها عطيني شكرا واكرر الجملة اكثر من مرة
وبعدين يوم صار عمرها سنتين اي شي تعطيني اقولها شكرا حتى لو شي تافه وابتسم لها
(y)
والحين صار عمرها ثلاث سنين (f)
النتيجة اي شي احد يعطيها على طول تقول شكرا(i)
والكل كان يستغرب ان في هالزمن وهالسن مافي طفل يشكر بس الحمدلله
بنتي كانت تشكر الكل من يوم كان عمرها اقل حتى من سنتين
نصيحتي لج : لاتتهاونين بأي كلمة تكررينها وتكون حسنة او سيئة
نصيحة ثانية : انا ندمانة ماعلمتها كلام اكثر لاني ماكنت عارفة ان النتيجة راح اتكون بهالنجاح
ومثل ماقلت لكم ماكنت ماعطة الموضوع اهمية لاني تعودت عليها تشكر الكل
بس فرحت يوم اللي زوجة اخو زوجي تقولي انا ولدي عمره سبع سنين وعمره ماقال شكرا لآي احد يعطيه شي حتى لو انقول له قول شكرا يتهرب وبنتج اللي اصغرمنه على شي بسيط عطيتها تشكرني…(a)
طولت عليكم بس اعذروني 😮
بس حابة تنتبهون لهاذي النقطة
الله يحفظ عيالكم ويجعلهم من الذرية الصالحة امييين
اللي يعجبها موضوعي تدعي لي الله ينولني اللي في بالي
او تقيمني
او ترد بكلمة شكر
بعد حصل معي نفس الشيء مع بنت اخوي اللي هو كلمة نعم
اهلها لو نادوها ماتعيرهم اهتمام والسبب منهم
انا كنت كلما نادتني باسمي على طول كنت اقول نعم
وكانت مرات تتعمد تناديني وانا ما امل ابد على طول نعم نعم نعم
والنتيجه : بمجرد ما اناديها باسمها ان شاء الله تكون بالطابق الثاني تيجي جري نعم نعم نعم
عكس اهلها اللي كلما نادت ماما او بابا ما يهتمون
والاحظ ان الاطفال يتلقون الاوامر اكثر من استشارتهم او اخد رايهم في اي شيء يخصهم والنتيجه ماتكون عندهم ثقه في نفسهم .
"دموعي قهر " شكرا لك والله يحفظلك بنوتك
والله يهديها ويهدي الجميع
اكيد التعليم التأديب ولباقة الأم تنشأ أطفال مهذبين بالنسبة لي بنوتتي عمرها 3 سنوات ولأنها أول وحده عندي وما عندي غيرها كل شئ علمتها من هذي الألفاظ الشكر والاعتذار ولو سمحت ولباقة الكلام مع الكبار اذا اتشوف أهلها الكبار من عمرها سنتين اتقول لهم (قواكم الله ) والكل يستانس منها لأنها تاخذ طريقتي في الكلام , وإذا نشتري له أي شئ اتقول لنا ( شكرا لأن اشتريتون لي كذا .. )
أو تسمحين ماما أروح آخذ كذا ..
..
.
تسلمي خيوه والله يحفظ بنوتتج ..
انا ولله الحمد اولادي جدا لبقين بالكلام ومن هما صغااار يادوبك يتعلمو الحكي والحمد لله الكل يحسدني عليهم ربي يحميهم لي ويحفظهم من كل شر ياااارب حتى لما يتعاملوا مع بعض محمود وشام يكون الاحترام موجود على صغر سنهم والنتيجة طبعا ………… هي عاداتنا وهذا ديننا
وتعلموا عادات ديننـا القيـم…
مشكـووورة على طرح تجربت بنتج اختـــي…
الله يحفظها لك يارب ويبلغك فيها……..