أولا أحب أن أشكر الرائعة الذكية ما شاء الله بنت عذاري على خلطاتها اللي والله العظيم أحس فيها أثر العلم والمعرفة مو خلطات أي كلام الله يوفقها دنيا وآخره ويرحم والدها ويسكنه الجنانآمين (أحس اني استحيت مع ذي المقدمة :o)
ثانيا باقول لكم عن تجربتي مع الكريم اللي نصحتنا فيه بنت عذاري بموضوعها
جربت من الكريمات اللي وصفتها الكريم : DEPROSALIC OINTMENT
قبل أكثر 6 شهور كنا بأيام دراسة وما كنت أفضى أدخل المنتدى واشكر بنت عذاري مع اني كل ما حطيته تذكرتها وشرهت على نفسي اني للحين ما شكرتك..
المهم يا طويلات العمر اني حطيته اسبوعين وبانت النتيجة وكانت روعة مرة فتحت ركبي ما كنت ملاحظة هالشي فوقفت عنه شوي ولاحظت ان ركبي رجع لونها يغمق بنفس الليلة اللي لاحظت فيها تغير اللون رجعت للكريم واليوم الثاني قمت الصبح المناطق الغامقة تتقشر وربي
المشلة اللي أعاني منها الحين انه لازم استمر عليه واذا وقفته ترجع الركب تغمق وبعد يوصل لحد معين ولا يفتح اكثر بس تكون الركب طرية وناعمة ولونها حلو لكن أماكن السجود أغمق بشوي من باقي الجلد …
فأتمنى منك بنت عذراي تقولين لي وش أسوي يمكن فيه شي غلط والا لازم استخدم شي ثاني لأني بعد ما وقفته صرت أحط بداله فازلين بس ابد ما يسووي شي وأنا ما ودي اتعود عليه أخاف يضر على المدى الطويل مع انه مرة عجبني لكن قريت بمنتدى ثاني ان فيه نسبة قليلة من الكورتيزون
واللي كاتبه الوصفة تقول حطي diprosalic + Eldoquin Forte 4% cream تخلطينهم مع بعض والاستمرار عليهم اسبوعين متواصلين مرة باليوم وبشرط عدم التعرض للاضاءة وبعد ما تحصلين على البياض تحطين المرهم bepenthen
واللي اعرفه ان كريم الدوكوين مبيض بس وش رايك بالوصفة تنصحين فيها ؟؟؟ تقول بعد انها تبيض المنطقة الحساسة ؟ (هذي للفايدة عشان ما تحسبوني سوادات بكل مكان :21_131
أتمنى أحصل رد منك أختي العزيزة ويستفيدون البنات من نصيحتك بنفس الوقت
وأعتذر على الأسلوب والتعبير بس كلام متجمع له أكثر من 6 شهور (ترا صجيتينا):21_131:
شكرا ما توفيك بنت عذاري الله ينولك اللي في بالك ويحقق لك أمنياتك ويساعدك مثل ما تساعدينا فديييييييييييييتك:21_140:
اثتا ءالسجود ارجو من اختي تجيب على سؤالك
ننتظر الاجااابه
وربي ناويه اشتريه بس شفتك وترددت اكثر
عسى عذورة تدخل وترد لتساؤلاتنا يارب
من زمان عنها عسى تكون بخير
أخواتي العزيزات أشكركم على التفاعل
وبالنسبة للسجود نفس الشي حصل لي أختي النارية بس تعرفين ايش سويت .. جبت اللباد حق المساجد اللي يحطونه تحت الفرش وحطيتة تحت سجادة الصلاة والحمد لله ما تعورني ركبي الحين وحتى ما تسود مرة بس تغمق خفيف يعني تجنبي الاحتكاك عشان ما تعورك لأن الغماق والخشونة تصير من الاحتكاك عشان تحمي الجلد فتشوفينه صار سميك وخشن وما يعورك اذا جلستي على ركبك .. لكن اذا رحنا لناس وصليت عندهم انواع المعاناة خصوصا اذا صار سراميك تحت السجادة ….
وأختي حلا علي أشكرك من قلبي على المعلومات تخوف بصراحة وان شاء الله اجرب وصفتك لأني تعبت قربت افقد الأمل فيهم 
بس بابدأ بطريقتك ان شاء الله ما تقصرين :9_33:
أختي مجنونته خلينا نجرب وصفة حلا علي مع بعض :B_wink:
قريت وحده صيدلانيه تمدح الدوكين فور
وتقول هي تستخدمه للمنطقه الحساسه
وحسيت ان الركب صاروا اغمق
اسمحولي على التأخير(f)
بخصوص الديبروساليك وباقي المراهم اللي تحتوي على كورتيزون أنا سبق ووضحت بنفس الموضوع الفتره الممكن استعمالهم مع اخذ الاحتياطات لنوع البشره ودرجة تقبلها للكورتيكوستيرويدز!!
كما أنه بنفس الموضوع هناك توضيح من طبيبتنا الغاليه "الله يذكرها بالخير " د.حبيبة
لطريقة الاستعمال والمده مع التحذيرات بالتفاصيل والبدائل وغيره
وأنا ذكرت أيضا أن البيبانثين / البانثينول هو البديل الرائع لكل الكريمات كبديل او للاستمرار عليه بعد الديبروساليك..
لان الديبروساليك يزيل الجلد المتقرن الخشن المسبب للاسمرار وبعد ياتي دور البيبانثين للحفاظ على بشرة طريه وبجلد بلا اسمرار ويحافظ على النتائج اللي وصلتوا لها!
كما أن أي كريم باليوريا ممتاز حتى تكملون معاه بعد العلاج لفتره محدده بالديبروساليك
مثل كريم الكارباميد الرائع وهو يجدد الخلايا ويحافظ على ابقائها بلا تصبغ ولا خشونه
خصوصا مناطق السجود . وهو ليس منه أي ضرر باذن الله
الرجاء الرجوع لموضوعي والاستفاده من توضيح الطبيبه مع كل البدائل الطبيعيه اللي ذكرتها للحفاظ على النتائج وطبعا الوصفات الطبيعيه مثل الزيوت التي تحتوي على فيتامين E ممتازه
والخروع..بنسب متساويه له دور السحر على بشرة نضرة وبلا تبقعات او اسمرار
وياريت ان نرجع دائما للافادات الطبيه بكل موضوع للتاكد من مصادر المعلومات المنقوله
وصحتها..
ولكل الكريمات اللي تحتوي على كورتيزون اضرار ترقق الجلد وظهور الشعيرات الدمويه
الاهم معرفة درجة صلابة او خشونة بشرتك والبدء بالاستخدام من عدة ايام وملاحظه التغييرات
ومتى توصلتي لازالة الجلد الخشن نتوقف عن الكريمات ونواصل بالكارباميد او البانثينول او الطرق الطبيعيه مع الزيوت الطبيعيه اللي ذكرتها بنفس موضوعي
ولعلاج اي ترقق يجب الاستمرار على زيت فيتامين لوحده او مع الخروع وله دور باعادة الجلد لطبيعيته وكذلك البانثينول نفس التاثير
يحفظكم الرحمن
يعني لوتراجعون دكتور قبل ماتشترون وتجربون احسن
وهذي الادوية عادة تكون للحالات المرضية الله يهديكم