موضوعي اليوم شااغل بال أغلب الامهات والموظفات في آن واحد
وحبيت افيدكم بتجربتي في هالشيء
يمكن البعض يستفيد والبعض يفيد 
اول شي بتكلم عن حياتي .. طبعا انا متزوجة وعندي بنوتة عمرها 8 سنوات ( بالصف الثاني )
وولد عمره سنتين …
طبعا اول ما اشتغلت لوية وعفسة وما عرفت شسوي :confused:
حسيت ان حياتي ملخبطة
بس بعد فترة خذيت اجازة ورتبت نظام حياتي والحمد لله الحين وااايد مرتاحة
وماشية عليه وصايرة حياتي كذا :thumbs_up:
اممم ببدأ مع نهاية الاسبوع ( طبعا انا جمعة وسبت اجازة) يوم الجمعة اقعد من الصبح ( الساعه 7 ونص تقريبا ) طبعا عيالي وابوهم يكونون بعدهم راقدين فأستغل هذا الوقت وانظف الشقة وابدأ بالحمامات أغسلها واروح للمطبخ وانظفه واجهز الريوق … على هالوقت العيال وابوهم يكونون صحوا من النوم وكل شي جاهز نتريق مع بعض .. بعد الريوق زوجي يطلع واخلي بنتي تلعب مع اخوها في غرفتهم وانا انظف الصالة وغرفتنا ..وبعدها ارجع لهم واخذهم على الحمام واسبحهم والبسهم وانزلهم تحت بيت عمي وهذا بيكون على اذان الظهر …
اخليهم تحت معاهم وارجع انا واتسبح واتجهز واصلي
بيوم الجمعة غذانا بيكون مع بيت عمي فنتغذى ونقعد سوالف الى الساعه 4 العصر اخد عيالي واركب معاهم .. ولدي بهالوقت يكون دايخ وتعبان .. فـأنيمه وبنتي اقعد معاها وابدأ بالواجبات لين الساعه 8 نكون خالصين :worn_out:
وقت الدراسة اذا ولدي قعد .. ياخده ابوه ويطلع معاه..
بعد الساعه 8 نجهز روحنا ونطلع مع العيال مجمع وبعدين مطعم او اي مكان ثاني وبعدين نروح نتعشى بالمطعم
بنهاية اليوم نرجع كلنا دايخين ونام :hysterical:
يوم السبت زوجي دوام .. بس انا اجازة فأنــام مع العيال لين الساعه 9 الصبح .. اقعد قبلهم واجهز اغراضي واذا الشقة فيها شيء عفسة مني اومناك اشيله واخلي الشقة مرتبة
يقعدون عيالي اريقهم واجهزهم ونطلع بيت ابوي .. ساعات اوصل مع اذان الظهر وساعات قبل
ونكمل يومنا كامل هناك لين المغرب .. ارجع وعيالي دايخين من اللعب مع اولاد خواتي واخواني
فأعشيهم وأخليهم ينامون بكير .. بحكم يوم ثاني دوام 😐
واستغل هذي الليلة لي انا وزوجي وبس 
كل اسبوع اسوي شي مختلف .. اما ليلة رومانسية او … شي من هالحركات يعني 😎
وبقية الاسبوع من الاحد لين الاربعاء ارجع من الدوام الساعه 3 العصر .. اروح لعيالي بيت ابوي واقعد مع بنتي ادرسها .. بعد صلاة المغرب نطلع ونرد الشقةلما نرجع يكون زوجي توه قاعد من النوم ( يرجع من الشغل الساعه 4ونص ) فيقعد مع عياله وانا اسوي لنا العشا ونتعشا وانيم بنتي وولدي ,, واغسل مواعين العشا واقعد بقايا اليوم مع زوجي 😉 سوالف وهدرة وساعات هو يطلع مع الشباب وانا بهالايام اذا عندي غسيل اغسل الثياب وانشرها بس ما اسوي اي شي بالشقة لانها تظل نظيفة طول الاسبوع
يوم الخميس زوجي نصد دوام يرجع 1 يروح يتغدى مع ربعه برة وانا الساعه 3 اروح اخد عيالي واجهزهم واطلع معاهم نروح لابوهم بالمكان اللي هو فيه وناخده ونروح الالعاب لين المغرب نرجع كلنا دايخين ونام
وبسسسسس .. شكلي طولت عليكم بالهدرة وايد :hysterical:
بس حبيت خواتي اللي يشتغلون وعندهم عيال بنفس الوقت
واباهم يعرفون ان احنا نقدر نكون ام وربة ومنزل وموظفة بنفس الوقت :thumbs_up:
بس المهم الوحدة تعرف اشلون تدير بيتها .. وتداري عيالها وزوجها
واذا عجبكم موضوعي
قيموني له
فعلاً .. المرأه الحريصة على بيتها وأولادها ووظيفتها تقدر تنظم وقتها بالدقيقة وتستغل كل فرصة ترتب أمورها .. وتنجح ..
ماشاء الله صج النظام سر من اسرار السعادة
الله يخليك لاولادك و يخليهم لك و يستاهل ختم التجربة الناحجة
يعطيش العافية
تم التقييم
الله يسعدك ويخلي الحلوين وابوهم ..
ما شااء الله
عيني باردة علييج
الله يقدرنا وننتظم خخخخ
بخصووص ولدج وين تخلينه كل هالوقت ؟؟
والله يخليج لهم ويحفظهم
لج أحلى تقييم
=)
.✿.