مرحباااا
شخباركم يا حلوااات
اليوم غدانا كان دجاج بالقشطة خذت طريقته من الانترنت
من موقع سيدات الإمارات وبتحديد كاتبه الموضوع اسمها
((أمواج))
((أمواج))
بصرااحه لذيذ وهذا تتطبيقي
المقادير :
صدور دجاج ((انا استخدمت دجاحه كاملة قطعتها 6 قطع))
3 بصلات مقطعات مربعات صغار
ثوم وزنجبيل مدقوق وفلفل أخضر حار مقطع
5طماطم مفرومه
ملعقتين معجون طماط
ورق نعناع وورق كزبره للتزيين
علبة قشطة
علبة قشطة
بهارات ( كاري – كركم – فلفل احمر ) وملح وحبة ماجي
((انا ماحطيت فلفل حطيت بزار اشوي وذرة تندوري))
زبدة وزيت
الطريقة :
1 ) حطي في التاوة شوية زيت وحطي الدجاج القطع عليه وغطيه لين ما يظهر الماي من الدجاج مع التقليب بين فتره وفتره . ((انا خلطت الزيت مع الزبدة ))
2) لما يذبل الدجاج نقلبه ونحطي عليه البصل المقطع والثوم والزنجبيل المدقوقين والفلفل الحار (الكمية على حسب الرغبه )ونقلب الخليط .
3) ناخذ نص كمية الطماط ونحطيها على الدجاج في التاوة وبدون ما نحرك نغطي التاوة ونخليها على نار متوسطة .
4) ناخذ نص كمية الطماط المتبقيه ونحطيها في الخلاط ونحطي عليها الكركم والملح وحبة ماجي والكاري ومعجون الطماط ونخلط دقيقتين او ثلاث .
5) نصب الخليط اللي في الخلاط على الدجاج بعد ان نفتح عنه وبتلاحظين ان قطع الطماطم ذابت ونقلب الصلصه ونضيف ربع كاس ماي ونقلب ونتركها تغلي قليلا .
6 ) قبل لا نطفيء النار نضيف القيمر ونحرك بسرعه بتلاحظين ان اللون الاحمر يتحول الى لون برتقالي اتذوقي اذا تحتاج ملح زيادة ووعلى الويه حطي ورق النعناع والكزبرة .
أنا قدمته مع الرز الأبيض والسلطه الخضراء
وهذي صور غدانا
ملاحظه انا كتبت اسمي على الصور بالانجليزي لانه البرامج عندي غير عربي
وهذا الشكل النهائي للأكله :
هذا الطبق فيه الخلطه مع الأرز
هذي السلطه :
وهذا حق أول وحده ترد على الموضوع :
وصحتيييين وهناء
شكل الطبق شنج حاطه روب ويا الدياي
ماشاء الله يشهي تسلم ايديك
يم يم
تشهي انا اصلحها بزبادي(روب) اختي تموت فيها واذا زرت اهلي تقول تكفين صلحي لنا (دجاج بزبادي)
<< شيف العائله ههههههههههههههههه
مرحبا أم هزاع1 … لا حياتي المقادير مافيها روب فيها قشطه ولذيذه على فكرة جربيها وادعيلي ومشكورة على مرورج …
أجمل نساء العالم ..الله يسلمك وتسلمين على المرور
الاسطورة المحطمه … ما شاءالله عليج يا شيف …ان شاءالله بجرب طريقتك وبقولك النتيجه وتسلمين يالغلا على المرور وبالعافيه على اختك
الله يعطيكى الف عافية يارب
وتسلمى على الوصفة الجميلة
Amoula مشكوووورة يا الغلا على مرورج
مشكوره عزيزتي على الطبق الحلو
ويعطيكي العافيه
ويعطيكي العافيه
ماذا اقول الله يعافيك تسلمين على المرور
تسلم ايديكي