شخباركم يا أمهات وأخبار كتاكيتكم
أول شي بعطيكم نبذة صغيرة عن ولدي:wink:
العمر:سنة و3 شهور
الوزن عند الولادة:2كيلو 600جرام)وااااااااااايد صغير)
من ولدت بولدي وشفته كيف صغير.حبيت اهتم بأكله اكثر…
المهم ما بقدر اقولكم تغذيته من كان بيبي
بخبركم شو أكله ومتى من بعد ما كمل السنة….
الصباح ع الساعه 7 اجهز له مرضعه كاملة حليب واعطي له والحليب الي استخدمه بروجرس3 هو عادة اينش الساعه 10 ..
ع الساعه 11 بيتريق وقبل ما ايطيع ابدا:mad:..اكون مجهزة له الريوق والي هو عبارة عن شعير(الشوفان) أو بيضة مقلاية أو شريحتين جبن أو كورن فلكس وله طريقة خاصة الي هو:شوية كورن فليكس فوقه خاشوقتين نيدو وفوقه ماي حار بعدين اتحطين خاشوقة عسل(يمي يمي)
وايد يحبها وفنفس الوقت مفيده..
اذا ما كل مااغصبه اترياه نص ساعة وارد احاول وياه..
الساعه12 ونص اكون مجهزة غداه الي هو عبارة عن عيش مطبوخ مع خظروات ودياي واحطه فالخلاط وبعدين احط فوقه روب او صالونه(a)
الساعه1ونص او 2 اسوي له عصير طازج واكثر شي برتقال وبعدين ارضعه صدري وينام ع الساعه 5 ونص اقص له بطيخ او يح او عنب صغاااار او اعطيه فأيده كمثرى أو مشمش وع الساعه6 ونص اعطيه زبادي أو بسكوت أو شاي مال الاطفال
ع الساعه 7 ونص اكون مسوية له شوربة وافضل شوربة العدس
الساعه9 عشى البيت سواء فطاير أو بطاطا مقلية أو نكتس أو معكرونة أي شي انتوا اتسووه فالبيت واذا ما حصلت اسوي له صمول نفس طريقة الكورن فليكس بس بدل الكورن فليكس اتقطعين صمول صغار وبس
الساعه 10 ونص أو 11 مرضعه ثانيه كاملة واذا نش فليل اعطيه صدري والحمدلله
ان شاء الله تستفيدون..
ربي يحفظه
بس مش كثير على معدته
ماشاء الله عليك وربنااا يحفظ لك ولدك يارب
بصراحة كلامك وايد راح يفيدني بإذن الله،
أنا بعد بنتي صغيرة وزنها كان مثل ولدك،وكنت وايد متضايقة وما أدري شلون أخليها تكبر بسرعة
وإللي زاد حالتي سؤ أن الكل كان يقولي بنتك صغيرة أنتي أكيد ما ترضعينها!!!!!!!!!ومن هالكلام إللي يزعج الوحدة…….
ألحين بنتي عمرها 3 أشهر ونموها طبيعي بالنسبة لوزنها لما أنولدت هذا كلام الدكتورة
وما قالت لي أرضعهاحليب صناعي…
فهل ممكن تخبريني شو سويتي لولدك قبل سنة هل اكتفيتي بالرضاعة من صدرك أو عطيتيه حليب صناعي؟
ومتى بدأتي تأكليه؟ يعني خبريني بالتفصيل
والله يخيلك ولدك ويحفظه من كل شر……….آمييييييييييين