بنات حبيت اعرض لكم صور رحلتي لماليزيا مع الاكشنات اللي صارت
اتمنى انها تعجبكم
اول شي
كانت رحلتنا يوم الخميس تاريخ 2024 – 10 -15
عدد الاشخاص
انا وزوجي العزيز وولدي الغالي وجنيني اللي في بطني :biggrin:
توجهنا للمطار في الساعه 8 مساء
وهاي صوره ولدي في المطار يودع قطر
كانت الرحله 7 ساعات جنني فيها ولدي ما نام الا ساعه وحده وبعدها قام
جنن المسافرين يروح للي مسكرين عينهم ونايمين يتحرش فيهم :hysterical:
وماكان راضي يقعد واذا مسكناه يصيح ماغير ابوه مسكين مراكض وراه
وصلنا ماليزيا وكان عندهم صبح الساعه 9 تقريبا
هاي صور من الطريق للفندق
كنا مقررين ان نروح سلانقور لفندق سن واي لاقون
لكن اللي يبي يحجز لنا قال لزوجي عندي لك شقه احلى في كوالالمبور ومتى ماتبي تروح سلانقور تقدر لان بينهم 10 دقايق
وقالنا ان الشقه لعرسان بس مايدري ليش كنسلو الحجز
واحنا حزتها كنا تعبانين ونبي ننام قالو لنا ان سن واي لاقون مافيه غرف والبريمايد ماراح تفضى الغرف الا بعد ال 12 عشان جي قلنا خلاص نروح الشقه اللي قال عنها وكانت في التايم سكوير
وصلنا الشقه والله لا يوريكم
صغيره كلش ومب حلوة وحاره
قالنا حاره لان المكيف من فتره ماشتغل شغلوه وبيبرد
قلنا خلاص بنام اليوم وباجر بنغير الفندق و امرنا لله
احلى ما في الشقه المنظر اللي نطل عليه
هاي صور من بلكونه الشقه ماصورت الشقه مابي تلوع كبدكم
بيما ان كانت الشقه حاره قلنا بنروح نتغدى وبنرجع ننام على ما تبرد الشقه
لكن مع الاسف تغدينا ورجعنا نبي ندخل الحمام الله يعزكم نتوضى الا قفل بروحه شلون مانعرف وزين محد داخل
اتصل ريلي في اللي حجز لنا قاله تعال شوف لنا صرفه
جى وفتح الحمام
قاله زوجي شوف المكيف مابرد
الا طلع خربان قاله زوجي مابي الشقه بروح ادور لي فندق تخيلو هاي كله واحنا للحين مانمنا صج هذاك اليوم وايد تعبنا كان اخس يوم في السفره
طلعنا والحمدلله على طول لقينا شقه في الماليليوم كان فندق راقي وحلو ونمنا احلى نومه
هاي كان اول يوم لنا في ماليزيا
كنا نازلين الساعه 9 الصبح نتريق
وقفنا راعي تاكسي قال لنا بوديكم جوله الحين كل المحلات مسكره
تشاورنا قلنا وش بنسوي الحين نطلع نتمشى احسن
قلنا له اوكي
قال اول مكان بيودينا مصنع الشكولاته لانه الاقرب لنا
رحنا راوونا شلون يصنعون الشكولاته
ماصورت الطريقه لان كان زحمه
بس صورت الكافي الجاهز
كان طعمه حلو بس غالي شوي
طلعنا من مصنع الشكولاته
رحنا الشلالات
كان مكان وايد حلو بس مع الاسف ماشفنا الشلالات لان المكان كان بعيد في سلم كبير لازم نركبه عشان نشوفه
بما اني حامل ريلي ماخلاني اركب السلم ف اكتفيت بالحديقه اللي تحت
هاي الحيه والبغبغاء يحطونها علينا ويصورونا
صورنا مع البغبغاء كانت الصور صج حلوة بس مع الاسف نسيتهم في الفندق 
كانت من احلى الاماكن اللي رحناها
شكلها غبي خخخخ
الحشره سبحان الله على شكل ورقه
بعد ماخلصنا من حديقه الفراشات كنا بنروح حديقه الطيور
بس بصراحه تعبنا ف رجعنا الفندق تغدينا وريحنا
بعدها طلعنا نتمشى في شارع العرب والمجمعات لي الليل
على الساعه 9 رجعنا الفندق نجهز اغراضنا لان ورانا سفره للنكاوي
خلينا شناطنا في الفندق خذنا معانا شنطه وحده خلينا فيها كل اغراضنا والباقي خليناها في امانات الفندق مافينا شده نشقل معانا شنط
ونمنا احلى نومه استعداد ليوم جديد
الساعه 11 طلعنا من الفندق متوجهين للمطار
رحنا مطار ثاني بالغلط ف تأخرنا
وقلنا اكيد بطير عنا الطياره ورحنا بعدها المطار الثاني
المفروض ان نكون في لانكاوي الساعه 3
بس الطياره تأخرت ف وصلنا لانكاوي على الساعه 5
صوره الطياره
صور من الطياره
صوره جزيره
وصلنا فندق لانكاوي لاقون علىالساعه 5 ونص ف ماكان في فرصه ان نروح مكان ف قلنا بنقعد في الفندق
سكنا في الفندق بدل الشاليه لان عندنا بيبي ف خفنا لا يتهور خبركم بالولد شيطان
صوره الغرفه
هالصوره من البلكونه
ريلي وولدي يشوفون البركه قبل لا يسبحون
ولدي فديته استانس
هم الشيوخ يسبحون وانا قاعده في الحر
بعد ماخلصو سباحه قلنا بنتمشى على الشاطي
كان صج خيال
بعدها ظلمت الدنيا رجعنا الغرفه نصلي وعقب نزلنا نتعشى في المطعم اللي في الفندق
وكان مطعم سوري وايد حلو شكله
بس اكله مب لي هناك
خلصنا عشى ورجعنا ننام عشان اليوم الثاني ورانا رحلات
وثاني يوم في لانكاوي
صحينا الصبح وتفطرنا بعدها رحنا حديقه الفواكه
كانت وايد حلوه بس اللي خرب ان الجو كان وايد حار
والحلو في الموضوع ان كانو يخلونا نطعم الفواكه اللي زارعينها
بس اغلب الفواكه ما كانت مثمره لان مب موسمها
اسمها النجمه
ولدي فديته يطعم الفواكه
هالفاكهه غريبه بس ما عطانا منها
هاي خاتم سواه لي اللي كان يسوق السياره من شجره الموز
وخلصنا من حديقه الفواكه ورحنا نهر المانقروف
كانت من احلى الرحلات طق شوي مطر وصار الجو حلو
وايد منهم هناك خخخ
بعد ماخلصنا تغدينا في مطعم في وسط النهر
وطلبت احلى طلب
سمك هامور مقلي مع صوص كان حلو يمي يمي
عايشين جوهم خخخخ
عقب هالرحله الطويله اكيد ما كان فينا حيل بعد نروح مكان رجعنا الشقه ونمنا قمنا على المغرب
صلينا وطلعنا نتمشى على البحر
وبعدها كلمنا تاكسي يودينا مطعم عربي
ودانا مطعم هندي بس كان اكله حلو
تعشينا ورجعنا نكمل رقادنا للحين كنا تعابه من الرحله
اليوم الخامس رجعنا سلانقور
سكنا في البريمايد
المدينه المائيه
مجمع البريمايد تصميمه فرعوني
هاي المحل وايد لفت انتباهي اشياءه عجيبه
قعدنا يومين في سلانقور
بعدها رجعنا لكوالامبور ورجعنا سكنا في الماليليوم
ولدي يطل من البلكونه
المنظر وايد حلو من الشقه فالليل
رحنا السوق الصيني كان الجو حار كرهت نفسي وكانت ريحته مب شي كلش
خذت شناط حق الصوغه
بعدها رحت مجمع اسمه اعتقد سوكو
كان فيه ماركات مسوين عليها تنزيلات
اخذت كم شنطه وكانو مسوين عليهم 70 %
قضينا اليوم كله في المجمعات
ف اليوم اللي قبل الاخير راعي التاكسي قالنا بوديكم مجمع حلو فيه نهر
وقلنا دام ماعندنا جدول بنروح نشوف
وكان احلى مكان بصراحه وايد وايد حلو
هاي المراكب
ركبنا فيهم وخذنا جوله حلوه
كان المكان صج حلو عقب الجوله رجعونا المجمع
تمشينا فيه وتشرينا
كان فيه تنزيلات
تمينا فيه لي المغرب بعدها رجعنا الفندق نصلي ونتعشى
وجهزنا شناطنا عشان خلاص بنرجع لأرض الوطن
اخر يوم لنا في ماليزيا المطر ماوقف ماشاء الله كان وايد يطق وخفنا لا يأجلون سفرتنا
بس الحمدلله
رجعنا لأرض الوطن سالمين غانمين مستانسين
الرحله كانت تجنن
وبس عورت راسكم صح خخخخ