شلونكم؟ ان شاء الله بخير ؟
اليوم جى على بالي اني احط لكم تقرير خطوبتي بالصور الي كانت تاريخ 23-6-2010
اول شي باعطيكم نبذة بسيطة عن هاليوم بعدين باخليكم مع الصور
قمت من النوم الساعة 8 الصبح سبحت وتريقت ريوق خفيف وقعدت اجهز اغراضي عشان اروح لموعد الصالون الساعة 1 الظهر … وجى خطيبي الساعة 12 عشان يوصلني صالون ايلاف – الزنج وتوكلنا على الله ووصلت قبل الموعد واول ما رحت على طول بدأوا فيني كنت انا اول عروس ووحدة عقبي فاطمن قلبي شوي اني ما باتاخر
سويت شعري ويف مع بف عند وحدة مغربية ناسية اسمها والله بس ما شاء الله فنانة وحبوبة وتعاملها كلش راقي مع الزباين
وتمت تسوي شعري على راحتها وخلصت تقريبا الساعة 3 وكان باقي ساعة على ما تجي الماكيرة فردوس فقلت لهم ابي فرنج مناكير وسوا لي وخلصت وقعدت شوي وجت الماكيرة وبدأت فيني وعلى الساعة 6 خلصت مني بس كان حلو مكياجها سموكي ناعم ومميز بالذات رسمة العين طلعتني قمر بصراحة
على الساعة 7 رحت الاستيديو مع خطيبي وصورنا ومن ثم توجهنا الى الصالة يعني الساعة 8 وربع انا في الصالة … وصلت قبل المعازيم
وعالساعة 10 ونص بدأت الزفة بشعر باسمائنا مسويه خطيبي لي مفاجاة وما بين تصوير وسلامات من الاهل والاصدقاء خلصت الحفلة ورجعت البيت عالساعة 2 ونص
والحين بخليكم مع الصور وان شاء الله ما طولت عليكم
بطاقة الدعوة
الصالة
طبعا ما غيرت ولا شي فيها لان كل شي كان على السريع
الكوشة
الطقم مع الستاند
العصير
الكيكة
واخر شي الفستان مع الباقة
وفي النهاية ما اسمح ولا احلل لاي متطفلة تنقل الموضوع وتنسبه لنفسها لانه الموضوع شخصي
واتمنى تقريري يعجبكم
ولا تنسوني بدعوة حلوة منكم انه الله يتمم زواجي على خير
تحياتي
قلب انثى
كل شي حلوو ومرتب ماا شاااء الله
هالصالة اول مرة اشوفها ,, شنو اسمها وفي وين ؟؟
جنون العشق فني …. هذي صالة ينابيع الخير في سترة
كل شي حلووو
الله اهنيج
وتم التقيييم 
عجبتني الكوشة هي تبع الصالة ؟