:B_wink::B_wink:
وفتحت الموضوع انا :2_106::2_106:
انا بخير ووسام كمان ،،،، يلا اريد اشوف يومياتكم
سبقتيني
توي كنت بفتحه
الله يخلي لك وسام
صباح الخير بنااات
اليوم انشالله اول يوم لي ببدء بالرجيم
ورده قطر
ياليت تحطين لي شوي تفاصيل من رجيم الدكتور اسامه اول مره اسمع به
وياليت الاخت اللي قالت عندها رجيم لرمضان ياليت تحطه لنا او ترسله للخاص عشان تعم الفايده للجميع ويكون انشالله في ميزان حسناتها
وعن نفسي اليوم صحيت الساعه 11 ومااكلت شي شربت بس كأس عصير جريب فرووت
وبعد شووي بتغدى انشالله يعني على الساعه 1 سوويت لي صدر دجاج بالفرن مع صحن تبوله
بس افكر شنو اكل على العشى شتنصحوون فيه ؟؟
حي الله ام وسااام .. ان شاء الله دوم تكونون بخيير
انا كنت بفتح الموضووع من الصبح لاني شفته انه مسكر بس لانه كان في خاطر ((على كيفه)) انها تفتحه المره اللي طافت فقلت بخليها هالمره لها .. بس شكلج سبقتيها ههههه
يالله الجزء الخامس عكووفه بتفتحه
البنااات اللي ادعلي في الموضوع اللي طااف مشكووورات وماا قصرتن ..
غاليه يا قطر
بالتوفييق حبوبه في الريجيم … امممممم سويلج fruit salad بس من دون موز ومانجا ..
ولا كلي اناناس برووحه … ولا سوي سلطة وكلي معاها بيضه مسللوقه ..
ادعووولي انجح في التووفل بلييز بااجر النتايج
سلميلي على وسام لووول
غاليه ياقطر …
بطرشلج الرجيم عالخاص لانهم مايرضون احطه اهني لووول .. وحلو اكلج لليوم بصراحه … وممكن حق العشا تاكلين خضار سوتيه خفيفه ومفيده .. او سلطه مع بيضه مسلوقه على قولت اروووشه هـع
اروووشه ..
شخبارج لوووول عيل ماخلوج تفتحين الموضوع ههههه امزح .. على كيفه شكلها مسافره الاخت في عالم التخبيص لولز
بخصوص التوفل موفقه يارب وان شاء الله تجيبين الدرجه المطلوبه … لول ترا اذا على النجاح ماشي رسوب بس المطلوب انج تجيبين 500 وشي هـع موفقه حبيبتي
—————
اليوم 3 يوم لي في رجيم السعرات الحراريه ..
ابشركم يمكن اليوم وصلت 1000 سعره حراريه هههه … لان صارلي يومين اكل اقل من 500 سعره فالصراحه حسيت بتعب وقلة طاقه اليوم فكلت لووول … توست اسمر + بيض مسلوق + شويت لبنه وجبن + تفاحه وشربت عصير أناناس لاني كنت طالعه برا ههه وكلت قفشت اسكريم < باعتها لووول
عاد يابنات انا فيني كل امراض الدنيا بصراحه .. استغفرالله يعني .. شنقول بعد غير الحمدلله على كل حال والحمدلله على الصحه ..
انا فيني القولون العصبي .. وبطني يعورني بين فتره وفتره وخصوصا لو اكلت شي حار او مشروبات غازيه او اشياء حامضه فانا دايما كنت اتجنب البرتقال والاناناس والكيوي لانهم حامضين .. عاد الحين يوم صرت اسوي رجيم كل هالاشياء الحامضه مفيده للرجيم وتحرق دهون لووول فاضطريت اكل ..
كلت اليوم برتقال واناناس وتفاح اخضر كان حامض والله يابنات ماقص عليكم بطني شب علي 
قاعد يعورني احس بحموضه مب طبيعيه في بطني كلت زبادي قليل الدسم عشان يخفف الم البطن .. امي قالتلي اكلي توست بس انا قلت لا مب يوعانه فخذت بداله حبتين بسكوت شاي .. لان امي قالتلي يعطون الحامل تاكل بسكوت عشان الحموضه فالبطن وبس هذي سالفتي مايسوى علي اني كلت شي حامض .. والله بطني للحين يعورني
وبخصوص الرياضه .. اليوم رحت مشيت نص ساعه تقريبا .. والله الجو شنو رطوووووووووووبه وحر وموت .. والله كاني ماشيه ساعتين مب نص ساعه من الحر ملابسي كلها صارت ماي وتلزقت فيني لوووول .. على الله بس كل هالتضحيات تجي بفايده اذا ماشفت نتايج سنعه الصراحه بنحرف وبخبص ههههههه < تهدد الاخت
ايه والله شنو صحتي راحت فيها مره ضغط ومره بطني
اااااااااااخ سكتي انا من كثر ما احاتي بطني يعورني من امس
هيه ادري لازم اييب فوق ال500 ولو ما يبت بعتبر عمري راسبه ..
ورده فدييتج داام هالشي ياثر عمعدتج مب لازم تاكلين حوااامض … ابتعي عنها نهائيا .. اهم شي صحتج
خففي من اكلج العادي وامشي عالريجيم بس من دون ما تاكلين حوامض .. كله ولا المعده .. افففففففف ساليني انا .. نفس حالتج تقريبا .. دوووم معدتي تعورني وكانو شاكين فيني القولون بس يوم فحصوني قالو مافيني الحمدلله .. لكني ما احس بشي لو كلت حواامض يعني ما ياثر عليه .. بس لو كنت معصبه او زعلانه او خايفه اتم معدتي تعورني !!!
امس ماا رمت امشي .. امشي اشوي واقعد عالرصييف .. عاد تعالي شوفي شكلي تقول طلاابه خخخخخخخخ قاعده عالشارع ..
الله يعييين .. هالله هالله بعمرج ورده .. ما يسوى علييج .. لا تاكليين حواامض فااهمه خخخ عصبت
انتي كيف تحسبين السعرات الحرارية !! عيبني ريجيمج .. يمكن اسويه يوم برد من السفر
ولو تميتي تاكلين 1000 سعرة حراريه في اليوم خلال الاسبوع كم تخسرين ؟؟
اليوم الكابتن ما لعبتا ايروبيك اليوم كان شد عالاجهزه…..وبعد التخبيصه اللي خبصتها امس وزنت اليوم وطلعت نازله 100 جرام بس…..الحمد لله…..
امس كان وزني 71 واليوم 70.9
 |
اقتباس |  |
 |
المشاركة الأساسية كتبها أريش العين  |
 |
 |
| وردة بسالج انتي كيف تحسبين السعرات الحرارية !! عيبني ريجيمج .. يمكن اسويه يوم برد من السفر ولو تميتي تاكلين 1000 سعرة حراريه في اليوم خلال الاسبوع كم تخسرين ؟؟ |
||
 |
 |
هههههه .. ان شاء الله عمتي مب ماكله حوامض .. وانا للحين ترا ماسويت كشف على معدتي .. باروح قريب .. بس معدتي دايما تعورني وفيني اعراض المرض عشان جذي انا شاكه لووول .. وان شاء الله الدرجه عاليه … تراني ذقت المر من هالامتحان الغبي … الله يوفقج حبيبتي
بخصوص هالرجيم .. احسبه من موضوع السعرات الحراريه اللي في هالمنتدى .. وتقريبا فيه كل شي .. الخبز .. الفواكه .. الخضار .. الالبان .. اللحوم بانواعها الخ …
انا اللي قريته اذا تميتي لمدة اسبوع تاكلين بس 1000 سعره بتخسرين كيلو … شوي صح ؟ عشان جي انا مسويته 500 هههه عشان ينزل اسرع وماقص عليج التزمت عدل في يومين ونزلت كيلو او كيلو ونص … بس بصراحه عذاب لووول واليوم خبصت ..
وبنات باقولكم شي ترا احسن وقت تقيسين وزنج اول ماتقومين من النوم وبدون ماتاكلين او تشربين شي لان الوزن اهني يكون صح …
وشي ثاني لما الجسم يكون تعبان الوزن يزيد ترا .. او اذا شاربه ماي او ماكله شي وبتروحين الحمام الله يكرمكم … فادخلي اول شي الحمام (ألله يكرم السامعين ) عقب قيسي وزنج لانه يفرق…
والله يوفق الجميع ..
ويخفف علي الم البطن.. اول امس كان يعورني واليوم مب حاله استغفر الله