شحالكن بناات
ربكن الا بخير
بغيت اتخبر بنات الامارات اللي بالثانوية العامة او حتى الجامعيات لانهن اكيد مرن بهاي التجربة
متى اخر موعد لتسليم اوراقي حق شعبة القبول و التسجيل
انا لحد الحين ما وديتها و ويااية كمن بنت بعد نفس حالتي ..
بس ترا لحد الحين ما امتحنا و لا امتحان رسمي
يعني لو وديتها خلال هالاسبوع اللي بيي ..
بيقبلونها او لا؟؟
دخليييييييييكن خبرني لاني ماعرف شي عن هالسوالف
مابا فرصة التعليم العالي تفوووتني ..
اللي تعرف بليز تفيدني
لاني صدق متوهقة و متضااااااااااايقة حدي
واحسن شيء تسوينة اتصلي على شعبة القبول والتسجيل بالجامعة الفلانية… وسأليهم
والله يوفقج ان شاء الله
يعني انتي اول مرة تدخلين الجامعة …. ولا تبين اتسجلين للكورس الثاني ؟؟؟
انتي تقصدين شعبة القبوول والتسجيل في التعليم العالي
انا قدمت اوراقي اول شهر 12 وقالتلي المسئوليه اني واايد متاخره لانهم يستلمون اوراق القبول شهر 10 وشهر 11
انتي اتصلي عليهم ترى الانظمه كل مالها تتغير
لا تبطين عليهم ودي الاوراق بسرعه
أختي أنا رأيي من رأي الأخت أصايل الشرق ودي أورااقج بسرعة قبل الدوامات ..
حالتي نفس حالتج بس أنا من كم سنة ولكنني وديت أوراقي لشعبة القبول والتسجيل بالجامعة وما رضوا ياخذوها لين ماقالي موظف
هناك اسمه مصطفى الله يذكره بالخير مال القبول ولتسجيل عالعموم قالي سيري كلمي المديرة وكانت روية الشامسي الله يذكرها
بالخير إهي ما قالتلي إنهم وافقوا علي بس عطتني أمل وقالت بنرد عليج والحمدلله قبلوني ودرست وتخرجت ولله الحمد
فالله يوفقج إن شاءالله وطمنينا ..
اختي اتصلت بهم هالاسبوع علشان اتحول اختيارها من الجامعه للكليه فقالو لها التغير من شهر اربعه لين سبعه
بس ما اعرف عن التسجيل ….
اعتقد لازم من الحين تتصلين بهم لانه امتحان السيبا تاريخ 23 – 3 – 2024 وهالامتحان يحدد قبولج لانه هالنظام استحدثوه السنه
وبطرش لج رقمهم على الخاص
وعليكم السلام ورحمة الله وبركاته.ز
أحسن شيء أختي تسالين شعبة القبول والتسجيل
واعتقد كل جامعه لها نظام غير وانتي ما حددتي..
الله يوفقج والسموحه منج
:flower::flower:
انا بخبركم ..
انا ابغي ادرس بجامعة الامارات اللي بالعين ان الله راد …
بس انا ماوديتها مع البنات بالوقت المحدد ..
لاني كنت ابغي اغير اسمي .. فكنت اتريا يكون كل شي رسمي .. ومن بعدها اخلص الاوراق
بس السالفة تعرقلت و ما صار .. و انا بطلت اصلا … عدا عن هذا فكل معلوماتي اللي كتبتها صارت خطا لان الارقام اللي كاتبتنها تغيرت و بما ان تغيرناو انتقلنا فكل العناوين بعد صارت غلط
انا ابا اسير لهم اقولهم يعطوني فورم ثاني .. و بسلم الاورااق …
مادري اذا بيقبلوني او لا …
انا جددددددددد محتاية احدر هالسة بالذات الجامعة ماقدر ااجل ..
و عن سالفة الامتحانات نحن ما امتحنا اي امتحان يخولنا للجامعة لحد الحين .. كل اللي امتحناه هو امتحان تجريبي .. و الحمدلله يبت فيه درجة زينة … بس هالامتحان ما يحدد شي ..
اللي تعرف عن اخر موعد تخبرني و اذا طافني بيقبلون اللي بنفس حالتي او لا
واللي ماعندها خبر
ع الاقل تدعيلي ماتدرون انا كيف متظااااااااااايقة من هالسالفة
يزاكن الله الف خير