جديد فراولة باردة . My New Look !!!!!!! 2024.

1)وزني الزايد .. الحمدلله نزلت اكثر من 16 كيلو .. وراح استمر !!

2) بشرتي كانت باهته ومسمرة شوي .. والمسامات كانت عندي واسعه.

3)شعري كان دهني بشكل فظييييييع … ويتساقط .

4) بشرة جسمي كانت جافة .. وشوي لينه … وكنت ابي شي يشد الجسم .. والحمدلله شديته!!

5) شفايفي … ما كان فيهم شي .. بس زدتهم ترطيب ولون وردي !!

6) كانت تطلع لي حبوب بعد ما اشيل بالشمع او الحلاوة .. والحمدلله قضيت على هالمشكلة ومعاها شعر تحت الجلد !!

7) اسمرار المناطق الحساسة … ما كان واااايد … بس الحمدلله .. صار جسمي كله لون واحد !!

طبعا انا سويت الريجيم الكيميائي … ونزلني 10 كيلو .. و واصلت عقبه بأكل السلطات والخضار والمشويات … وحاولت اني ما اخربط كثر ما اقدر …

وكنت امارس الرياضة كل يوم … لمدة ساعتين وشوي … كنت العب ساعه ايروبكس .. وساعه على الالات … نص ساعه مشي .. ونص ساعه الباقية على الاوربتراك ..

وطبعا لما كنت اروح العزايم … كنت آكل الشي الي ما يمتن وصحي .. واذا ما كان في احاول اني ما آكل واااااااايد !!!

طبعا شنو غير فيني الريجيم ؟؟

خلاني احس بالنشاط والحيوية … وزاد ثقتي في نفسي !!!!!
حتى نومي قل عن قبل … لان الجسم يصير نشيط …. وغير خامل من الرياضة !!!

بشرتي استعملت لها قناع الزبادي مع الفراولة ..
وطريقته موجودة على هالرابط

براشوت يودي التقصفات الي ما يقدر دابر املا انه يوديهم .. ويرطب الشعر .. ويعطيه لمعه حلوة

ويكثف الشعر واااااااااااااايد … ومع الاستعمال المنتظم .. ينبت شعر جديد !!!

اما الخروع .. فهو يمنع التساقط … وينبت شعر جديد !!

وايضا .. استعملت امبولات لوريال .. سعر العلبة 20 دينار .. وتحطينها على شعرج وتدلكين بها الفروة .. وتخلينه ليما ينشف …. وتخلينه لي الغسلة الثانية !!!

واااااايد حلو يا بنات … وصج .. يقلل من التساقط !!!
والله يا بنات … الكل لاحظ ان شعري غلظ عن قبل بواااااااايد .. والفراغات قلت بنسبة كبيرة !!

وطبعا كثرة غسل الشعر مو زينه !!!!
وكفاية انه ينغسل مرتين في الاسبوع !!!

طبعا جسمي اهتميت فيه وااااااااااااااااايد … و أحلى شي جربته صج .. هي خلطة القهوة التركية .. وطريقتها موجودة بالتفصيل على هالرابط !!

http://forums.3roos.com/t468236.html

طبعا تعطي الجسم نعوووووووومة خيااااااالية … تصفي … تبيض … تشد .. وتضعف !!!!

حتى الخطوط البيضاء … تخفف منهم بدرجة كبيييييييييرة !!

هذا غير ريحتج الي تبقى يومين .. من ريحة القهوة !!

هالخلطة صفت جسمي عدل .. وشدته … وصار جسمي كله لون واااااااحد …

ورجع لونه الاصلي .. لاني بيضة !!! وافتكيت من آثار الحبوب حتى حبوب بعد الحف !!!

كذلك … القهوة تحتوي على الكافيين … وهي مفيييدة جدا .. في ازاله السيلولايت .. هالكلام .. تؤكده ابحاث طبية .. وفي علاجات حديثة جدا للسيلولايت بالكافيين في امريكا !!

وكنت وااااااايد اعاني من الحبوب ما بعد الحف .. وشعر تحت الجلد ..

تبون تعرفون شنو سويت ؟؟؟؟؟؟؟؟؟؟؟؟؟؟؟؟؟
انا اقول لكم !!!! 😉

صرت بعد كل شيل حلاوة … او شمع .. او ماكينه .. احط ليمون على البشرة ..
اخذ الليمونه واعصرها وافركها على بشرة جسمي واخليها ساعه كاملة .. واتسبح ..

وبعد ما اتسبح … احط لي اسكينول بالليمون !!!

ثاني يوم .. ادهن يدي وريولي بزيت الزيتون .. واخليه 3 ساعات …

وبعدين اغسل جسمي .. واحط عليه اسكينول بالليمون .. وثالث ورابع يوم نفس الشي …

صدقوووووووني .. اذا استمريتوا على هالطريقة … راح تلاحظون ان الحبوب تخف … لييييييما تروووح بعدين .. وما تطلع لكم من بعد الحف !!!!

والقهوة التركية .. بروحها سكراب .. يعني الشعر ما يطلع تحت الجلد !!!
واستعمل شي قالت لنا عنه بنت عذاري .. الله يوفقها يارب ..

ان احط مخفف خل التفاح بماء الورد قبل الرياضة على المنطقة المراد تنحيفها وشدها .. وتلعبين رياضة !!! صج مفعولها حلووووو !!!

وبعد الاستحمام .. لازم احط لي كريم .. الا وهو زبدة الكاكاو من بالمرز
وهو يشد الجسم .. ويودي التشققات … بس يبيلج 3 شهور تحطينه كل يوم .. وبتجوفين شلون تروح !!

هاي صورته … وفي منه نوع جديد .. اذا خذته .. بحط لكم صورته

طبعا احط لي مرطب الشفايف من البودي شوب الي على فراولة كل ليلة وانام فيه .. صج روووووووووووووووووووووعه !!!!!

وكل هالاشياء الي ذكرتها .. خلتني ارجع بنيولوك حق السنة الجديدة .. وانا واثقة من نفسي !!

والموضوع مجهود شخصي … لا اسمح لأي وحدة .. بنقله !!!!!!!!!!!
وقد أعذر من أنذر !!!!

ولا تنسون الدعاء لي بالتوفيق في دراستي .. والزواج من الي اتمناه !!:o
كذلك .. لا تنسون التقييم ..

وأي سؤال … انا حاضرة .. ومستعدة للاجابة .. عن جميع استفساراتكم !!!