حطي صوره فبالج تناسب المكان وحاولي تنفذينها
بس حاولي تختارين الوان فاتحه
وانصحج البيج لان فيه فخااامه ومهما تحطين من الاثاث والاكسسوارات بتطلع حلوه
والارضيه انتي شوفي اللي يناسبج رخام او بورسلان او غيره بس ما نصحج بالسجاد
وان شاء الله لو لقيت افكار حلوه بقولج
والبنات مب مقصرين معاج اكيد
هلا وغلا حبيبتي
منورة قسم الديكور ..
ان شاءالله ماتحتارين وتلاقين عندنا اللي يرضيك ..
بالنسبة للصالة ياليت تقولين لي .. ايش نوع الصالة بالضبط ؟
صالة حريم ؟ ولا صالة معيشه ؟ ولا صالة استقبال ؟
حددي لي بالضبط ومايصير خاطرج الا طيب ..
وسؤال ثاني : تقصدين بالتصميم .. ( تصميم داخلي . ؟ يعني تصميم في الجدران
مثل الاقواس والفتحات ولا تقصدين ديكور بس ؟.
اتمنى تجاوبيني وان شاءالله نفيدك باللي نقدر عليه ..
ياهلا ومرحبا
وماعليش حبيبتي بغلبج وياي شوفي انا طماعه بذوقج ابغى تصميم للشبابيك – ومحتاره في دهان الصاله وغرفة نومي ومجلس الحريم – وافكار في تصميم الجدران — واي شي في بالج او فكره قوليها
واكون لج داعيع وشاكره
الارضية
انصحك بالباركيه روعه في غرف المعيشه
الجدران
خليها جدار واحد ويكون دهان برسومات مثلا واقترح عليك اللون البنفسجي
في جدار واحد وباقي الجدران بيج غامق ساده
والجلسه خليها بيج وارمي عليها مخدات بنفسجي وثرو بعد
واختاري سجاده بيج تكون مثل الفرو جدا رائعه بس اذا ستايل الجلسه
مش حديث يعني ستايلها فخم شوي ماتنفع السجاده خذيها سجاده مشجرة
او ممكن تخلين الصبغ لون غير
بيج غامق وجدار واحد يكون بيج ونقوشات ذهبية مثل هذا
والجلسه تحطين عليها مخدات وثرو بالذهبي
وانصحك بين طاولة الطعام والجلسه تسوين مثل هالقوس وعليه نقوشات بسيطه جميلة نفس نقوشات الجدار
الملون المنقش
اذا انتي عندك جلسه ياليت تقولين لي لونها علشان اقدر افيدك اكثر ..
او بتشترين جديده ؟ عشان اقترح عليك ؟
ان شاءالله انتظريني لغرفتك وصالة الحريم والشبابيك
http://forums.3roos.com/showpost.php?p=14674754&postcount=262
مجلس الحريم
الدهان
انصحج بهاللون .. الوردي الغامق
وتقريبا نفس طريقه الدهان رائعه
الارضية
لمجلس الحريم انصحك بالسيراميك او الباركيه
الكنب والاثاث
راح اعطيك عدة خيارات للالوان
الخيار الاول
اما كنبات ورديه فاتحه
وتكون المخدات والثرو بالوردي الغامق
او راح ترمين على الكنبات ثرو عنابي ومخدات عنابيه وورديه
بحيث تكون بهالشكل
الخيار الثاني
الكنبات بيج ..
وطبعا راح يكون الثرو والمخدات اللي عالكنب باللون الوردي ..
مثل هالصورة
والسجاده باللونين الوردي والبيج وحلو لو تكون ورود
وتحطين كرسي واحد بس وردي او كرسيين اثنين باللون الوردي
الخيار الثالث ..
تختاري الكنب باللونين الاصفر والوردي ( مقلم )
مثل هذا
وتحطين كرسي واحد فقط لونه اصفر وترمين عليه مخده وردية وثرو وردي ..
تزيين الحائط ..
طبعا لاحظي الوان الغرفه تميل اكثر للربيع ..
فحلو لو تحطين لوحات ربيعيه .. ورود واشجار
او تحطين سجاده حائط بالوان الزهور واشكال الزهور ايضا
وانا افضلها في مجلس الحريم عن اللوحات ..جدا راقيه ورائعه المنظر وتعطي شكل مميز جدا جدا للجدار
او حطي بدالها مرايات صغيره جميله تزين الحائط بشكل عشوائي
وبما ان الالوان الوان الربيع .. يحتاج المجلس الى نباتات زينه طبيعيه ..
ومزهريات زهور جميلة
مثل هذه النبته تنحط في زاوية في المجلس جدا جميلة وتعطي شكل جذاب للمجلس
أو زهور توضع في فخارية لها قاعده مثل هذي تقريبا
ان شاءالله اكون افدتج بالنسبة لمجلس الحريم ولو بشي بسيط
وان شاءالله راجعه لغرفة نومك .. والشبابيك بس ياليت لو تقولين لي ايش تقصدين
بحركات لشباك ؟