السلام عليكم جميعا
موضوع شاغلني كثيير
قلت ابوح لكم فيه يمكن تساعدوني والقى الحل عندكم
انا حامل بالشهر السابع
بس زوجي دايما يقول لي اذا ولدتي لازم تاخذين اجازة امومة طويلة
يعني مدتها سبع او ثمان شهور
يقول لي لازم تجابلين الطفل وتتركين الوظيفه الى ما يكبر الطفل
بس ان احس ان هذي المده طويله وااايد
احنا عندنا الاجازة من العمل شهرين بس
بس هو مصر علي اني اخذ اجازة من دون راتب
انا عارفه ان البيبي راح ياخذ وقتي كله
بس انا مو متعلمه اقعد بالبيت
وتعلمت على دوامي احس صعبه علي اترك العمل هذي المده الطويله كلها
ساعدوني ابي الحل منكم
واللي كانت حامل وولدت شنو سوت؟؟
كم خذت اجازة؟؟؟
بليييييز انا في انتظاركم
أختي بصراحه إذا انتي ما شاء الله عندك قدرع تقعدي في البيت مع ابنك ليش لأ
انا ما ألومك لأنه لسه ما شفتي و لدك و لا شفتيه يهدى في إيديك و يرضع من صدرك
بتتألمي بعدين إذا عطيتيه ليب صناعي بدون داعي او انه اي حد ثاني يربيه
حرام عليكي لا تحرمي ولدك منك علشان خرابيط
شو بيصير بالدنيا إذا قعدتي سنه مع هالطفل و شو بيصير في مستقبلك
طبعا انا اتكلم إذا حالتك الماديه تسمح و إذا ظروفك تساعد
انتي اذا شفتي البيبي من نفسك راح تطولين الاجازه خخخخخخخخخخخ
بس بسالك لو رحتي دوامك وين راح تتركين البيبي ؟؟؟؟ لا تقولين مع الشغاله ؟
اني اخذت اربع شهور وكنت بداوم اسبوعين وبعدين بتجي الاجازه السنويه لكني حسيت هالسبوعين سنتين
واني مبتعده عن بنتي
الله يسهل عليك وتقومي بالسلامه مثل ماقال زوجش لا تتعجلي
ذا حالتك الماديه تسمح بالعكس فرصه تقابلين طفلك وهالمرحله من أجمل مراحل نمو الطفل تلاحظين تطوره يوم بيوم تلاعبينه وتعتنين فيه أكيد لمايوصل بالسلامه بتغيرين رأيك
وثانيا تجنبي الخلاف مع زوجك في موضوع حله سهل ومقدور عليه والحل بيدك وصدقيني زوجك ماراح ينسى أنك عارضتيه وفضلتي العمل على المكوث مع طفلك وأحمدي ربك طلبه أنك تآخذين أجازه وما طلب منك ترك العمل نهائيا مثل بعض الرجال
 |
اقتباس |  |
 |
المشاركة الأساسية كتبها ريم81  |
 |
 |
| اختي
أختي بصراحه إذا انتي ما شاء الله عندك قدرع تقعدي في البيت مع ابنك ليش لأ انا ما ألومك لأنه لسه ما شفتي و لدك و لا شفتيه يهدى في إيديك و يرضع من صدرك بتتألمي بعدين إذا عطيتيه ليب صناعي بدون داعي او انه اي حد ثاني يربيه حرام عليكي لا تحرمي ولدك منك علشان خرابيط شو بيصير بالدنيا إذا قعدتي سنه مع هالطفل و شو بيصير في مستقبلك طبعا انا اتكلم إذا حالتك الماديه تسمح و إذا ظروفك تساعد |
||
 |
 |
انا مع هدا الراى ما فى الدنيا احلا من الطفل ربى يحفظلك اياه
أنا بتكلم لج عن تجربة لي..
أنا أدرس في الفترة الصباحية، وطبعاً إجازة الأمومة مو مثل إذا كنت أشتغل!
يعني حدي أرتاح أسبوعين وبعدين على طول أرجع..
خطتي كانت أولد شهر 7 بالإجازة الصيفية عشان أقعد شهرين ع الأقل مع بنتي..
بس الله ما أراد، طرحت ولما حملت المرة الثانية كانت ولادتي بشهر 9.. وكان قبل الدراسة بأسبوع فقط.. بهذا مددت قعدتي بالبيت أسبوع ثاني وداومت وانا والدة من 18 يوم..
المهم..
كانت فترة جداً صعبة عليّ.. أولاً بنتي كلش صغيرة.. أخليها مع أهلي وأنا بالي طول الوقت فيها..
غير جذي..
الحين لما كبرت شوي وفهمت، أحسها تخاف أتحرك لأي مكان، لأنها تفكرني بروح عنها.. صار عندها خوف من روحتي..!
خلي الياهل يشبع منج قد ما تقدرين..
والله يسهل عليج
بالنسبة لي انا نصيحتي انك تراعي المولود خاصة بالايام والاشهر الاولى وهي اهم مرحلة لانه مهما كان انت احن واحرص وحده عليه وكمان بالنسبه للرضاعه بالاستمرار بالارضاع يبقى متمسك فيكي وبغذائة
طبعا انتي ماراح اتحسي ولاحاتفهمي كلامي الا اذا جربتي الامومةولمستي ابنك ودفتي بحضنك وبس تولدي خبرينا
على شان تقعدين مع الجاهل وقت اطووول والشغل لاحقه عليه
اهم شي ماتتركين ولدش
انا صحفية ومو متعلمة على القعدة
تعرفين شغل الصحافة
ناس ولقاءات وطلعات واجتماعات فما تخيلت اني اترك الشغل بعد الولادة
بس ولدت كنت متلهفة ارجع الشغل
ورجعت
بس طلعت عيني وانا مو قادرة اركز في الشغل وبالي كله مع بنتي مع انها عند امي
قدمت استقالتي وقعدت في البيت
احس نفسي مستقرة اكثرررررررررررررر
مو قادرة اتخيل نفسي ابتعد عن بنتي
صرت وااااااااااااايد متعلقة فيها رغم حنتها
وقررت ما ارجع لنفس الوظيفة الا اذا كبرتها
قلت لج قصة حياتي
بس حتى تتذكريني اذا ولدتي