يالغوالي انا بشرتي معدومه من حب الشباب كانت تطلع لي حبوب و الحمد لله من بعد مااستخدمت شجرة الشاي من بدي شووب خفت كثيير
لكن المشكلة تبقع مكانها بلون بني مع اني ماالعب فيها ولا المسها
سااعدوني بالحل من البقع اللي بوجهي زواجي بعد 5 شهور الله يجزاكم كل خير يااربـ 
(f)
شوفي حبيبتي انا نوع بشرتي نهائياً ماتطلع فيها حبوب الا ايام الدوره تلقين حبه او ثنتين بالكثير ومع الايام تخف وتروح ..
بس بالفتره الاخيره ويهيي صار كله حبووووب ! بصوره تخوف 
انا الحين استخدم خلطه بس والله بنسبه كبيره خف علي الحبوب و الاثار ما اقولج راحو لانه اليوم ثاني يوم اجربها بس خف بنسبه لا بأس بها وانتي عندج 5 شهور إن شاء الله تنفعج 
اهي سهله جداً جداً جداً ..
أخلطي الحليب مع الطحين يعني انا حطيت قفشتين ونص طحين ونص كوب حليب ..
وحطيته بويهي لمدة 30 دقيقه .. بس على فكره انه مع الوقت الـ 30 دقيقه راح تنشف حييل الخلطه ماعليج خليها لما تكمل المده وراح اول ماتمسكين ايدج بويهج راح يتقشر الخلطه
بس اول ماتغسلين ويهج راح يصير نظيف وعلى فكره ترى هالخلطه اتبيض
لوول يعني تضربين عصفورين بحجر ..
وإن شاء الله إن شاء الله اكون أفدتج
والله يوفقج يارب وتصيرين احلى عروس .. 
بس معليه ياقلبوو مافهمت وش معنى قفشه
والحليب سائل ولا بودرة ، وطحين مافهمت معليه تعبتك بأسئلتي
جزاكِ ربي كل خير ويوفقك
شوفي قفشه بالكويتي بالسعودي اتوقع ملعقه بالـ إنجليزي spoon
لوول هذي صورته حبوبه ..
وعن الحليب انا استخدمت حليب سائل " الصآفي " ..
اما الطحين فمادري والله عندكم شنو اسمه اتوقع نفسنا هو يستخدم للأكل لونه ابيض عباره عن بودره
هذي صورته اللي احنا نستخدمه ..
مقشر st.leavs بالمشمش ( مكتوب عليه للتحكم بالبثور) مو العادي
وكريم سكن اورين ونفعوني كثير