حبيت اطرح موضوع أنشاءالله يعجبكم ونتناقش فيه … مثل ما تعرفون الحين وقت العوده للمدرسة نبي نشوف كل أم أيش تحط حق أولادها بشنطة الاكل للمدرسة أو الروضه …
مثل مانتوا تعرفون اهم شي وجبة الطفل مفروض تكون مفيده ،،، وفي بعض المدارس او الروضات يمنعون الجبس أو
( البفك ) والحلويات والشوكولاته …
المطلوب منكم المشاركه ومناقشت هذا الموضوع وكل أم تكتب أيش تحط أكل بشنطة أعيالها … يالله نبدأ بهذا المثل
هاذي الشنطه …
ونحاول كل يوم نحط سندويش مختلف ،،، عشان الطفل مايمل..
وأهم شي المشروبات ماتكون غازية وحليب الفروله مفيد….
وشوية فواكه مفيده…
وهاذي شوية أشياء اضافية حسب رغبة الطفل ….
طبعاً في مدارس لهم وجبة وفي مدارس لهم وجبتين…
يالله نبي تفاعلكم معنا ….
يسعدني اني اكون اول وحدة ترد عموضوعك عزيزتي .. و هذي شغلة مهمة طبعا لان كثير امهات يكثرون من الشيبس و يقللون من الفواكه ..
ان شاء الله اذا كبر ولدي وراح روضة و مدرسة راح اخلي له بالشنطة .. خيار مقطع بالطول و جزر بعد .. و فاكهة مثل تفاحة صغيره على قده ..
و حليب بالفراولة مثلا .. و سندويشة صغيرة فيها جبن .. و يمكن شيبس صغير بعد ..
انى بالنسبه لى اهمشى وجبه الافطار لانه هالوجبه اهى الى بتخلى الطفل نشيط وحيوى طول اليوم
المهم اول شى قبل لا اروح ولدى الروضه اول اشربه حليب واحط ليه زبادى صغير وسندويج على جبن وخيار مقطع وزيتون
وممكن اليوم الثانى بيضه مسلوقه وعصير او دناو و اى نوع من الفاكهه الى يحبها وبسكوت يعنى تنويع وفى الوجبات بس اهمشى الجبس والحلويات لاااااااااااااا كفايه الى ياكلونه فى البيت
وسلامتكم
مشكوره على الرد ،،، وإنشاءالله يكبر ولدك وتحطين له اللي بخاطرك من اكل حق الروضه….
الله يعطيك العافية على الرد …..
و أخذ معاه عصير المراعي برتقال وسندويشه جبن وتفاحه وموز
بكره إن شاء الله بغير له بحط له سندويش سليس بالمربى وعصير وفاكه عنب وفراوله
يعطيك العافية على التفاعل والرد
لازم سندويش وكل يوم انوع لها لاكن يرجه وماتاكل منه شي
عصير انوع لها وكل يوم تشرب منه واذا ماشربت فالسياره واحنى راجعيين البيت لازم تشربه
بسكويت اوقات تاكله واوقات لا
فواكه تفاحه او كمثرى وكالعاده اوقات تاكل واوقات لا
مب عارفه ايش اسوي معاها السنه ذي مابي اكلها يرجع البيت اللي عندها طريقه تقولي
وانشاءالله بتنفتح شهيتها وبتاكل وحتى اذا ماكلت الفيتامينات تكفيها ،،، والله يعطيك العافية ….
عني اني احاول اغير الى ولدي كل يوم……… بالنسبة الى السندويتش مايبي غير الجبن …مره اخلي له جبن كاسات ومره جبن سلايس مع زبده ومره اخلط له الاجبان في السندويتشه … واغير له في الروتي والسلايس مره اخذ حجم كبير مره صغير مره دائري ومره طويل … وبالسلايس اسوي له ساندويتش اشكال .. شكل قلب ودائرة ومثلثات ومربعات … كل مره اقطعها بشكل مختلف ……….. واحيانا قليله يطلب مني نجتس اقليه واخلي له في علبه
وبالنسبه للفواكه والخضروات … اخلي له مره تفاحه +جزرة ………..ومره موزه + خيار …….. ومره خيار+جرز مقطع وكل مره اغير بشكل التقطيع ……… ومره اخلي له سلطة فواكه مشكله بعلبه بلاستيكيه صغيره ……….. ومره عنب بعلبة + تفاحه او موزه ………………. يعني لازم اخلي له نوعيين من الفواكه او الخضروات
اما بالنسبه للمشروبات …. اخذ له عصير الحجم الصغير + علبة حليب فراوله او شوكلاته او موز .. وطبعا علبة ماي صغيره
واخلي له ……….جبس + بسكويت